第44篇 特務冒充真兄弟 又圖製造假內訌

他們又來了

陷害改革派和民主黨的人，又來了。

民 主黨的改革派和主流派，本來平靜了四個月，各自做好地區和全港的工作。特務們以往造成的破壞，即「製 造內訌，即使沒有內訌，也會無中生有，並得到多張報 紙的配合，營造民主黨月月內訌、天天內訌的印象，使市民誤會民主黨只知內鬥、不長進、不爭氣，因而不支持」，已漸漸失效。改革派和主流派的公眾形象，也有 所上升。

然而，可能上司催逼，或者他們獎金用盡了，他們又來了。

今回，竟冒認我真兄弟！我就叫他們做「假兄弟」，以正視聽。

假兄弟發電郵去報館，又捕風捉影，唱衰民主黨之餘，也還要忠實執行最主要的任務﹕「即使沒有內訌，也會無中生有，並得到多張報紙的配合，營造民主黨整天內訌的印象，使改革派和主流派同時名譽掃地，使市民不支持。」

假兄弟究竟是不是歷來搞鬼的兩枝半針，我為了隱藏身份，不便說了。就照公開的消息，評評今天(4月17日)報紙的傳媒道德吧。

杯葛假兄弟的報紙

好幾張報紙，完全杯葛假兄弟所發放的中傷言論，只講昨天民主黨公布的革新工程，「勇往直前」新口號等等。因為民主黨的正面形象，同時使改革派都得分，有助我們同特務的暗戰，我給這些報紙正面評價。它們包括信報、新報、都市、文匯、大公。以下是我給的評分，和他們的標題。

評分準則﹕

• 報業操守最好的，正10分
• 報業操守最差的，負10分
• 報導中肯，好人就話好人，衰人就話衰人，同好人做傳聲筒，衰人就當佢冇到，即係申張正義，警惡懲奸，就係報業操守好。正分。
• 歪曲事實，好人就話衰人，衰人就話好人，同衰人做傳聲筒，好人就當佢冇到，即係打擊正義，褒揚奸惡，就係報業操守差。負分。

信報 6分
標題 = 民主黨直言形象工程關乎區選

新報 6分
標題 = 民主黨改革盼中央改觀

都市 3分
標題一 = 左右兩黨 各有一本經
標題二 = 改革

文匯 2分
標題 = 民主黨出影集改頭換面

大公 2分
標題 = 民主黨打「溫情牌」

補充一下，假兄弟有沒有為了掩護自己中共特務的身份，故意不發放他們的中傷電郵給文匯、大公，因而文匯、大公沒有報他的廢話？不得而知。不過，如果文匯、大公明天和打後都保持「杯葛假兄弟」的立塲，也總算還有個專業的底線。

所謂平衡報導的報紙

經濟、明報、星島、蘋果，是貌似平衡地報導。但假兄弟又冒充，又中傷，理應杯葛，怎算平衡？以下是我給的評分，他們的標題，和他們怎樣描述假兄弟的真假身份。

先解釋最後一項評分標準﹕標題或內文提到假兄弟時，如有提醒讀者他只是自稱，可能是冒充，則負少少分。如當正他就是我真兄弟，就負多d分。這是如實報導，抑或協助造謠的問題。更可引申到，是加強兩派內訌的印象，還是讓讀者知道，改革派和主流派都被特務陷害，這個最核心的真相問題。理所當然是有關報業操守了。


經濟 平均3.7分
標題一 = 長髮美軍師 「我只是個師奶」

(報業操守評分﹕6分)

標題二 = 效民進黨 爭年輕票源

(報業操守評分﹕6分)

標題三 = 白鴿新裝 展翅再飛　民主黨擲20萬 5招洗老氣
其中，如此描述假兄弟的真假身份﹕但正值人家高興，卻有人去「贈興」，昨日有自稱「民主黨真兄弟」的人，向傳媒發放傳真，批評這些形象工程，只是為何俊仁搞個人崇拜云云。

(報業操守評分﹕-1分)

明報 平均3.6分
標題一 = 民主黨革新形象迎區選

(報業操守評分﹕6分)

標題二 = 新形象示人

(報業操守評分﹕6分)

標題三 = 為撐民主黨 仁哥谷到臉紅

(報業操守評分﹕6分)

標題四 = 羅致光入行會氣球再吹起

(報業操守評分﹕4分)

標題五 = 資助議員集選民資料真兄弟轟侵私隱

其中，如此描述假兄弟的真假身份﹕正當民主黨昨日向傳媒推行「革新工程」之時，又有人以「真兄弟」名義，向傳媒發放...

(報業操守評分﹕-4分)

星島平均1.3分
標題一 = 飛越框框白鴿「勇往直前」

(報業操守評分﹕6分)

標題二 = 區議員認為兩元建議欠妥當

(報業操守評分﹕0分)

標題三 = 做法獲當事人認可 「真兄弟」涉贈興 民主黨被指「買居民資料」
其中，如此描述假兄弟的真假身份﹕正 當民主黨昨日高調宣布革新工程一洗 頹風，有人再以「民主黨真兄弟」名義大爆... 民 主黨近年接二連三爆出負面新聞，主席何俊仁及其班子昨日推出革新工程，重整黨內外形象。不過，題為「民主黨這個爛橙怎麼了？何俊仁應立即下台！」並由「民 主黨真兄弟」署名的信件亦於同日發放予傳媒，爆出「用錢買市民資料」的嚴重指控，再次打擊民主黨。...

(報業操守評分﹕-2分)

蘋果平均1分
標題一 = 隔牆有耳：白鴿翻身要夠in

(報業操守評分﹕6分)

標題二 = 真兄弟爆料：民主黨買私隱區議員每提供一市民資料可獲$2
其中，如此描述假兄弟的真假身份﹕民主黨昨日展開「革新工程」，公布未來一年大計。有自稱「民主黨真兄弟」的人士卻在這個黨的大日子向各大報館傳真，踢爆...

(報業操守評分﹕-4分)

偏幫假兄弟的報紙

最惡劣的三張報紙，不單不報導民主黨昨日的「革新工程」，只報導假兄弟的廢話，更不用「自稱」，不用引號，完全誤導讀者假兄弟就是我，一再貫徹特務一直以來主要推銷的謠言﹕「改革派同主流派不斷內訌，你看，改革派的真兄弟，一直對民主黨領導層不滿，現在又發動攻勢了。」(再強調，這是謠言，句句都是假話，我以往43篇blog，澄清了又澄清，這三張報紙還是不斷造謠而已。)

這三張虛假報導的，配合特務陷害改革派和民主黨的報紙，就是東方、太陽、頭條。

東方 -8分

標題 = 民主黨兩蚊買市民私隱

其中，如此描述假兄弟的真假身份﹕民主黨又爆出涉嫌侵犯私隱醜聞！曾揭露民主黨內部鬥爭醜聞的「真兄弟」，昨日向傳媒發放一份...


太陽 -8分

標題 = 利誘區議員涉違私隱例　民主黨卑鄙收購選民資料

其中，如此描述假兄弟的真假身份﹕曾揭露民主黨內部鬥爭醜聞的「真兄弟」，昨日向傳媒發放一份...


頭條 -9分

標題 = 「真兄弟」再揭民主黨「購買」市民個人資料

其中，如此描述假兄弟的真假身份﹕年底區議會選舉當前，曾揭露民主黨領導層多項不當做法的「真兄弟」，昨天再度「爆料」，...


已經多少次了，不斷配合以陸耀文為首的特務，他說什麼就照報，不核實，不查證。我真兄弟想揭露他們，就把陸耀文攻擊民主黨領導層的惡毒語言，講成是我說的。屈得就屈，屈我，屈改革派，屈民主黨。今次又來一鑊。

總結

不過，都好，今次只剩三張報紙是負分數，比12月初佢地屈公民黨果鑊(見本blog第39-41篇)，有所進步。傳媒朋友，今次抵制特務破壞香港民主，初見成效，繼續努力。

以下是今次各報得分，由最衰排到最好，以及他們同上次屈公民黨果鑊的對比。

頭條 今次得分= -9.0 十二月初屈公民黨事件得分= -1.0 退步 8.0 分
東 方 今次得分= -8.0 十二月初屈公民黨事件得分= -6.3 退步 1.7 分
太陽 今次得分= -8.0 十二月初屈公民黨事件得分= -5.7 退步 2.3 分
商報 今次得分= 0.0 十二月初屈公民黨事件得分= -8.0 進步 8.0 分
am730今次得分= 0.0 十二月初屈公民黨事件得分= 3.0 退步 3.0 分
成報 今次得分= 0.0 十二月初屈公民黨事件得分= 0.3 退步 0.3 分
蘋果 今次得分= 1.0 十二月初屈公民黨事件得分= 4.0 退步 3.0 分
星島 今次得分= 1.3 十二月初屈公民黨事件得分= -4.3 進步 5.6 分
文匯 今次得分= 2.0 十二月初屈公民黨事件得分= 1.5 進步 0.5 分
大公 今次得分= 2.0 十二月初屈公民黨事件得分= -8.5 進步 10.5 分
都市 今次得分= 3.0 十二月初屈公民黨事件得分= 3.0 進步 0.0 分
明報 今次得分= 3.6 十二月初屈公民黨事件得分= 1.0 進步 2.6 分
經濟 今次得分= 3.7 十二月初屈公民黨事件得分= 0.3 進步 3.4 分
信報 今次得分= 6.0 十二月初屈公民黨事件得分= 2.0 進步 4.0 分
新報 今次得分= 6.0 十二月初屈公民黨事件得分= -2.3 進步 8.3 分

第43篇 主流派蠢過隻豬

第43篇的前言

首先，各位黨友，星期日10月17日，民主黨改選了。改選結果令我冇晒心機，但都要評論一下。

其次，新讀者和久違的讀者，可先依次看下面第39-41篇，就是關於十二月初公民黨被冒充其黨員的博客屈得好慘的事。雖然反效果更大，民主派大勝，但係仍要從認識中共特務手法中吸取教訓，及正視抺黑同分化民主派的累積效果。

至於本blog的主題，即民主黨被中共特務陷害的故事，則可先看這些撮要﹕

• 「重大發現」總撮要 ←在此click入，看完可關閉該視窗
• 第1至4篇的撮要　 　 ←在此click入，看完可關閉該視窗
  
• 第5至7a篇的重點　　←在此click入，看完可關閉該視窗
  
• 第8至12篇的重點　　←在此click入，看完可關閉該視窗
  
• 第13,14篇的重點　　 ←在此click入，看完可關閉該視窗
• 第15至21篇的撮要 　尚待撰寫，暫時請看原文，在本頁左欄可連結到，或按PageDown鍵多次就到

----------------------------------------

第43篇 主流派蠢過隻豬

主流派真係蠢過隻豬，中晒中共特務的詭計。

主流派自以為好醒，點知原來係依足中聯辦心戰室寫好的劇本，同滲透民主黨的兩個半特務合作得天衣無縫，徹底執行中共向兩個半特務發出的六號指令，真係蠢過隻豬。

中共向兩個半特務發出的六號指令，究竟係乜？

我在第37篇講得一清二楚，六號指令就是﹕

(在拉登小組出報告的時候，)橫掂兩個半特務死硬，一定要拉埋成個改革派陪葬！

[註﹕一至五號指令則在第36篇。]

特務虛招一幌，「涉」左入來改革派內閣，你地主流派就以為佢地的目的真係想入領導層。我一早就揭露了，佢地同後台老板一早都打定晒輸數，根本不是真競選，純粹係想累到改革派全軍覆沒。

你地幫兩個半特務執行這個六號指令，空前成功，佢地多謝都冇聲，一大筆獎金，唔知幾和味。

家下封殺了兩個半特務入不到領導層，雖然係好事，但竟連成個改革派都封殺埋，喂，駛乜咁大陣象呀？五人小組的報告雖然唔湯唔水，但證據已好確鑿，兩下散手就煮死佢地啦，做乜咁順攤拉埋我地陪葬？

你地唔單止寃屈了改革派，成個民主黨更是後患無窮。

我地改革派唔知幾辛苦，同兩個半特務暗戰(見第36篇 改革派反特務的苦戰，及37、38篇等)，你地主流派竟然同中共特務和造謠的傳媒一樣，將我地同佢地混為一談，真係好寃枉，使我地兩面受敵，更真係好難頂。

特務是特務，改革派是改革派，一清二楚，咁都分唔出？報紙講乜就信乜，蠢過隻豬。

四 月以來，改革派多數兄弟姊妹，已漸漸識穿兩個半特務的身份，開始拒絕同佢地合作。你地主流派不分青紅皂白咁封殺法，係咪好想將幾個游離的兄弟姊妹推向兩 個半特務，成為佢地的生力軍？你地係咪兩個半特務仲唔夠洗，係都要方便佢地拉攏、收買出第三個、第三個半、第四個、第四個半、第五個、第五個半特 務、...至甘心？

今日明報都識講，你地誤傷中間派感情。兩個半特務除了因為成功執行六號指令的大筆獎金而高興，佢地更為未來的金礦而蠢動。佢地已經計劃四出串連，再招兵買馬，為落實中共一早發下來「製造內訌」的總任務而努力，為更大、更頻密的內訌醜聞做準備工夫。

改選前夕，我寫了42篇之後，才總結出，原來我真兄弟最重大的發現是﹕

中共派了兩個半特務滲透民主黨。他們的任務是，製造內訌。即使沒有內訌，兩個半特務也會無中生有，並得到多張報紙的配合，營造民主黨月月 內訌、天天內訌的印象，使市民誤會民主黨只知內鬥、不長進、不爭氣，因而不支持。民主黨內出現許多奇特的言論和行為，原因在此。

這總結，我在改選前夕，才剛剛貼在本blog最上面大標題的地方。真想不到，這可能就是我作為博客的最後遺言。我真係冇晒心機，唔想寫落去。

民主黨的確本無內訌，一切都是中共特務搞出來的。主流派的確不想內訌，改革派的確不想內訌。

但民主黨的確不爭氣，尤其是主流派，竟然蠢過隻豬，墮入中共的圈套，為刻意製造內訌的中共特務，提供源源不絕的借口、人力、彈藥，仲以為自己好醒。你們就等著自食其果，等著月月出現，天天出現「奇特的言論和行為」吧，我冇眼睇了。

--------------------------------------
第43篇完了，本blog都完了，後會無期了。

......除非，有乜野事，真係不吐不快咁啦，我都唔敢講到咁絕......

第42篇 改選前拉票

第42篇的前言

首先，各位黨友，本星期日10月17日，民主黨就改選了。今晚就為我地改革派拉下票。

其次，新讀者和久違的讀者，可先依次看下面第39-41篇，就是關於上星期公民黨被冒充其黨員的博客屈得好慘的事。雖然反效果更大，民主派大勝，但係仍要從認識中共特務手法中吸取教訓，及正視抺黑同分化民主派的累積效果。

至於本blog的主題，即民主黨被中共特務陷害的故事，則可先看這些撮要﹕

• 「重大發現」總撮要 ←在此click入，看完可關閉該視窗
• 第1至4篇的撮要　 　 ←在此click入，看完可關閉該視窗
  
• 第5至7a篇的重點　　←在此click入，看完可關閉該視窗
  
• 第8至12篇的重點　　←在此click入，看完可關閉該視窗
  
• 第13,14篇的重點　　 ←在此click入，看完可關閉該視窗
• 第15至21篇的撮要 　尚待撰寫，暫時請看原文，在本頁左欄可連結到，或按PageDown鍵多次就到

----------------------------------------

第42篇 改選前拉票

各位黨友，本星期日10月17日，民主黨就改選了。

請支持我們改革派的候選人﹕

鄺國全


范國威


關永業


任啟邦

當然，絕不能選中共派入來，專門破壞改革派同民主黨聲譽的兩個半特務﹕

陸耀文

黃俊煒

陳竟明

關於支持我地改革派的理由，所有論點，兩個月來，在本blog的第35-38篇講左好多。

現在我將這幾篇的大小標題，再貼一次在這裏，希望你到下面找來重溫，並向其他友黨友誠意推薦。

第35篇 請了解真正的改革派 改選時投我們一票

尤其是請看改革派的宣傳片 http://youtube.com/watch?v=srlskT-wFVU

第36篇 改革派反特務的苦戰

民主黨兩個半特務2006年3月以來幹的好事
改革派抵抗兩枝半針的「暗戰」
特務眾叛親離，幕後公公都要出台
有簽冇簽的，都請你支持
改革派兄弟姊妹，拔針救黨端賴我們，大家齊參選

第37篇 黨友請明辨是非 傳媒請如實報導

呢幾日兩個半特務好煩
改革派人在江湖，好難做
請黨友同改革派團結
傳媒請如實報導﹕如無滲透，本無內鬥

第38篇 好冇心機，但呻完都要拉下票

民主黨好低分
君子路線被干擾，改革派好難招架
香港傳媒淪陷了
拉登小組報告，唔湯唔水
特務詞窮理屈，傳媒毫不追究
拉票﹕黨友們，選票係秘密既，不論有人叫你選特務，抑或有人叫你不要選任何一個改革派成員，你都可以「好，好，好，冇問題」應住佢先，然後自己就心裏有數，作出對民主黨，對香港民主事業最佳的選擇。謝謝。

--------------------------------------
第42篇完，大概1月1日再見吧。

第41篇 表象不是真相

第41篇的前言

首先，新讀者和久違的讀者，可先依次看下面第39、40和40a篇，就是關於這幾天公民黨被冒充其黨員的博客(下稱「偽CP博客」)屈得好慘的事。

至於本blog的主題，即民主黨被中共特務陷害的故事，則可先看這些撮要﹕

• 「重大發現」總撮要 ←在此click入，看完可關閉該視窗
  
• 第1至4篇的撮要　 　 ←在此click入，看完可關閉該視窗
  
• 第5至7a篇的重點　　←在此click入，看完可關閉該視窗
  
• 第8至12篇的重點　　←在此click入，看完可關閉該視窗
  
• 第13,14篇的重點　　 ←在此click入，看完可關閉該視窗
• 第15至21篇的撮要 　尚待撰寫，暫時請看原文，在本頁左欄可連結到，或按PageDown鍵多次就到
  

----------------------------------------

第41篇 表象不是真相

好似冇野，其實好有野

今日新聞，好似冇野。其實正因為冇野，就好有野。

原 因是，我前晚督爆左「偽CP博客」，佢話吳靄儀不支持黃堅成出選正街，根據「偽CP博客」自己貼出來的公民黨電郵，都看得出，是「偽CP博客」將吳靄儀的 意見180度扭 曲，是造謠。同樣，南區議席調協，公民黨不單止冇同民主黨搶位，而且是禮讓的，即「偽CP博客」又係將公民黨的立場180度扭曲，是造謠。

亦即係話，「偽CP博客」話「公民黨視民主黨為敵」，而多張報紙話「公民黨同民主黨明爭暗鬥」，就全無根據，亦即係造謠。

即係，12月6日香港好多報紙，出左條假新聞，有d雖然標題冇講，內文都引述過這個謠言。但係證實左新聞係假，點解冇張報紙刊登更正啟示？點解冇張報紙報導新聞界呢宗假新聞的醜聞？點解冇張報紙講出，是什麼確鑿的證據，揭露了「偽CP博客」話民主派內訌是造謠？

於 是，中共特務有預謀有計劃營造的，無中生有的「成個民主派都好亂，冇個好人，一日掛住明爭暗鬥，並無為民主和市民其他利益著想和努力」的印象，多少都在市 民心中生根。即使半信半疑，即使聽到公民黨人同民主黨人相繼否認，都會暗想﹕「你地自己就梗係咁講啦。空穴來風，未必無因遮。」

事實同謊言的科學分別，就此淪落為「你信邊個」的信仰分別。

當然，多數人都不會信「偽CP博客」，但報紙同佢唱到衡三日，只要有一成星期日的選民信信地佢，就足以拖到泛民得不到 100票特首提名。

而他們都不會知道，原來就算只看消息來源所提出的「證據」，已知是徹頭徹尾的謊言。他們還會同朋友們自誇﹕「好彩冇俾呢d明爭暗鬥、自私自 利的政客昆倒，冇俾佢地利用。飲杯。」

另外，仍相信報紙，沒有看我個blog的多數民主黨人，就開始對公民黨起介心。民主派的團結，多少就被破壞了。

你看，這些是不是好係野？

香港傳媒，是不是「謠言中傷則大事宣揚，證據確鑿就視而不見」？

香港傳媒，是不是宣告淪陷？

所以，今日報紙好似冇野，其實好有野，就係咁解。

今次係「偽CP博客」造公民黨的謠，真相大白後，冇張報紙澄清。5月中陸耀文造我呢個blog的謠，真相大白後，至今都冇張報紙澄清(詳見第21篇)。

香港傳媒就係咁架喇，不要以為風平浪靜係冇野，不知多少寃屈在其中。

-----------------------------------------

文匯報的怪現象說明什麼

今天又不是全無有關新聞的。有人又去報官，是主要的發展。

我 的推算是，中共特務眼見公民黨報警有人偷電郵，促使太多人相信這幾天的公民黨風波是惡意造謠抺黑，甚至，「偽CP博客」的謠言有可能反彈，於是急忙轉移視 線，煲另一件事，叫民建聯又學人報官，執著由信報帶頭捕風捉影的「一名兩戶」問題，大做文章，以為這事仍可在星期日選舉前，製造公民黨賬目混亂、錢銀唔干 淨的假象。

我願意同民建聯打賭，十萬摶一萬﹕你告得到公民黨呢件事罪名成立，我捐十萬元俾民建聯，只要你答應，如果最終公民黨無事，你肯捐一萬元俾民主黨。你唔敢搏，就證明你今次報官的投訴，連自己都唔信，只是為了製造混亂，繼續抺黑公民黨，延續「偽CP博客」未完成的使命。

[註﹕「一名兩戶」是公民黨在東亞銀行在本來一般收支的賬戶之外，開了另一個，不同號碼的賬戶，來接受梁家傑競選的捐款。第二個賬戶，雖然號碼不同，但戶名則與本來的第一個賬戶一樣，是「公民黨有限公司」。]

不過，以上唔係本文的主旨。本文的主旨係，點解文匯報咁騎呢？

拿，民建聯報官，是將「一名兩戶」講到幾咁冇誠信，幾咁罪大惡極。而張張報紙都係咁報導，除左文匯報。

文匯報今天的報導，是這樣的﹕

陳雲生投訴 梁家傑「一戶兩用」

　【本報訊】對於公民黨行政長官候選人梁家傑以「公民黨有限公司」名義開設籌款戶口，屯門區議員陳雲生昨日向廉政公署投訴，指斥梁家傑「一戶兩用」可能觸犯「非法及舞弊行為」，混淆公眾。陳雲生表示，廉政公署已接受有關投訴。

　陳雲生指出，身為資深大律師及立法會議員的梁家傑，沒有理由不清楚有關做法可能觸犯法例，「除非有人是蓄意這樣做。」他認為，「一戶兩用」可能引起捐款人誤會、混淆，「以為自己捐了錢給梁家傑，但事實上卻沒存入那個戶口。」

大家看得出騎呢在那裏嗎？

對了，明明是「一名兩戶」，張張報紙都冇報導錯，而文匯報就報導成「一戶兩用」！

仲有第二樣騎呢，就係張張報紙都說明陳雲生是民建聯的議員，獨係文匯報一字不提他屬何黨。

文匯報咁騎呢，我有三個可能的解釋。

第一，純屬烏龍。這是沒什麼好說的。而文匯報又唔似水平低到咁。

第二，是把謠言造得更惡毒，即把信報捕風捉影的謠言加碼，令公民黨更名譽掃地。

拿，「一名兩戶」本來就冇問題，因為係人想捐款俾梁家傑做競選經費，都係按宣傳所示的戶口號碼入數的，「一名兩戶」點都唔會捐錯。除非你民建聯搵到一張競選宣傳，叫人捐款入去公民黨本來的一般經費的戶口，咁就係昆人，就告得入。

但係，文匯報所說的「一戶兩用」，就真係賬目混亂，大件事了。因為這就是真的把泛民候選人的競選經費，同公民黨本來的賬目，撈到亂，不分你我，我可佔用你，你可佔用我，而捐款人的錢，就真係唔知俾左邊個。

但係，文匯報咁樣屈人，比起信報同民建聯仲屈多幾錢重，係咪真的能令公民黨更名譽掃地先？

梗係唔係啦。因為距離事實太遠了。明屈的效果，就是被人看穿造謠，極可能只得反效果。

除非咁，除非好似屈公民黨「視民主黨為敵」，同屈我真兄弟「唱衰民主黨」，所有報紙夾好晒，事後又死都唔澄清。

但係今次明顯冇夾定，係人睇多張報紙都睇得出唔係「一戶兩用」，只係「一名兩戶」，完全達不到令公民黨更名譽掃地的效果，只有反效果。

所以，以上第二個解釋，不能解釋點解文匯報咁騎呢。

於是，第三個解釋，係最可能的﹕

文 匯報係借著報錯為錯得太明顯的「一戶兩用」，向(黨委要求)違反報業操守，向造謠中傷，提出抗議，也順道用對比法，講出「一戶兩用」才是不合情不合理不 合法，而公民黨的「一名兩戶」是合情合理合法，而陳雲生無啦啦去投訴，才是不合情不合理。也正因如此，恥與為伍，也正因如此，身為民建聯黨員，不忍提起民建聯之名。

其實，「一名兩戶」的沒問題，用「一戶兩用」來對比，就很清楚了。幾天來都冇人講出這個對比。文匯報特登報錯，就是為了點醒市民，公民黨其實沒有賬目混亂、沒有錢銀唔干淨。

這同文匯報昨天拒絕刊登「公民黨同民主黨內訌」的謠言(見第40篇尾二段)，一脈相承。我隱約看到左派同民建聯的健康力量，對於今次造謠抺黑公民黨，也十分反感。

這究竟算不算中共黨內兩派的權力鬥爭，在香港左派內的反映？我唔知，你話呢？


----------------------------------

第41篇完，重復琴晚果句﹕我都唔知幾時會再見，但係至少1月1日都寫番篇咁啦。

第40a篇 即第40篇之後記及報業操守指數揭曉

第40a篇的前言

首先，新讀者和久違的讀者，可先看下面第39和40篇，就是關於這幾天公民黨被冒充其黨員的博客(下稱「偽CP博客」)屈得好慘的事。

至於本blog的主題，即民主黨被中共特務陷害的故事，則可先看這些撮要﹕

• 「重大發現」總撮要 ←在此click入，看完可關閉該視窗
  
• 第1至4篇的撮要　 　 ←在此click入，看完可關閉該視窗
  
• 第5至7a篇的重點　　←在此click入，看完可關閉該視窗
  
• 第8至12篇的重點　　←在此click入，看完可關閉該視窗
  
• 第13,14篇的重點　　 ←在此click入，看完可關閉該視窗
• 第15至21篇的撮要 　尚待撰寫，暫時請看原文，在本頁左欄可連結到，或按PageDown鍵多次就到
  

----------------------------------------

第40a篇 即第40篇之後記及報業操守指數揭曉


有覺好訓，衰野照做

「偽CP博客」造謠生事兩天後，今天總算停了。都好，我有覺好訓了。

今天報紙多數都算有番d報業操守，冇再做幫兇，只剩下幾張，做我前晚第39篇預測的衰野﹕

我猜12月10日投票前，他們總還會再炸幾 輪，多張報紙奉命繼續唱衰和推論到離譜地大罪，已是指定動作的了，或會再煲大今天開始屈的金錢「醜聞」...

----------------------------------------

衰到連真兄弟都跌眼鏡

前晚我其他預測(見第39篇)，星期五、六、日d中共特務又會唔會做呢？唔駛放好長雙眼，呢兩日就知。

前晚我的預測，的確貼唔中其實我成個blog至今40篇講左39篇的事，就係特務會為民主黨派無中生有一塲又一塲內訌。「偽CP博客」都算幾叻，佢做到我估唔到既野。或者我都算幾蠢，佢地最經常做既野，我都估唔到佢今次照做。

----------------------------------------

多謝、盲 目

這幾天收到兩個comments。

一個係「香民支」君寫來安慰我的，好多謝，大家在第38篇的底部click「comments」果個字就看到。如常地，佢有d好意見。譬如叫我唔好用花名叫人，我會接受同照做的。或者我得閒就譯成中文同大家再分享多次。

另 一個是Anonymous君，可在第40篇的底部click入。我就唔多同意佢，因為只從分類定性去評斷報紙的好壞，等同自我拮盲雙眼，再睇唔到每次事件 千變萬化的多姿多采，而且你點分類定性，都會錯或唔準，拮盲左雙眼就係等自己永遠錯落去。我真兄弟就係「定性分類法」的受害人，王岸然(信報2006- 12-06)就代表了好多市民同黨友，由於冇睇原始文件，信晒大特務陸耀文供給報紙歪曲我呢個blog的版本，將我分類為唱衰民主黨的卑鄙小人，就永遠盲 目地憎恨我。

----------------------------------------

好似唔係，其實好係

呢兩日有d評論員，話中共唔會用咁蠢的手法屈公民黨。我冇時間詳細辯論，就列四點俾大家想想﹕

1. 一d都唔蠢，因為抺黑唔駛抺到你黑過墨斗，抺灰少少就夠。首先，一百票最後幾張就好係野。還有，咪以為佢地只為左星期日的選舉。長遠來說，屈你的「污點」點都會累積。

2. 民主黨咪咁畀兩枝半針不斷咁屈，累積到民望好低。中共係好識量變到質變的。凡市民支持的政團，他朝君體也相同，尤其是如果好似民主黨同我地改革派咁，總係避忌正式拔針救黨。

3. 中共特務都唔係鐵板一塊，唔係每次行動細節都由胡錦濤親自督導，而係多頭多綫，政出多門。民主黨兩枝半針同「偽CP博客」，只是千百個特務機關的唔知第幾級的只負責出手的x人都未可料。

4. 不要小看一定程度的自主和競爭因素。在「拖垮民主黨/公民黨的民望」的統一方針下，不同的特務機關會各師各法，志在論功行賞。報紙也是，為了競爭打入大陸市場這條金水喉，靈魂都可以出賣。

----------------------------------------

評分揭曉

好喇，而家揭曉昨天遊戲的結果，我的評分剛剛補充貼在下面第40篇的尾部，請行落去睇下。歡迎寫comments入來拗數。

----------------------------------------

第40a篇完，我都唔知幾時會再見，但係至少1月1日都寫番篇咁啦。

第40篇 「偽CP博客」造謠挑撥，傳媒又咁衰，不如玩遊戲

第40篇的前言

中共特務太過份了，為了破壞香港的選舉，繼昨天無中生有「公民黨錢銀不干淨」，今天竟無中生有出「民主派兩場內訌」，而許多報紙又係不問證據，特務話乜就吹噓乜，散播謠言不遺餘力，是報人、讀書人、文化人、香港人、中國人、人 --- 之恥。

我今晚一定要寫番篇來揭露佢地的醜惡。

午夜稍前，請再登入。

其實，大家都可以寫comments入來的。

--------------------------------

第40篇 「偽CP博客」造謠挑撥，傳媒又咁衰，不如玩遊戲

請先看看今天報紙大字標題散播的謠言﹕

東方﹕ 公民黨民主黨明爭暗鬥
大公﹕ 「公民黨黨員」爆料：大狀黨視民主黨為敵人
太陽﹕ 匿名「黨員」爆料：一直口和心不和　公民黨視民主黨為敵
星島﹕ 電郵再爆余若薇憂被長毛狙擊

新報﹕ 公民黨匿名信再爆黨爭內鬨秘書長鄭宇碩變相劈砲
大公﹕ 公民黨內訌梁家傑「鬼打鬼」
商報﹕ 公民黨鬼打鬼梁家傑解畫忙

東方﹕ 美國背景水洗唔清
太陽﹕ 公民黨大後台是美國
星島﹕ 無私顯見私

謠言的要點是，(1)公民黨同其他民主派內訌，(2)公民黨自己人內訌。

中 共特務冒充公民黨黨員，開個blog(此君就叫「偽CP博客」吧，CP即Civic Party)，唱了兩天。以上報紙所述，都是全無證據，單憑「偽CP博客」屈得就屈的說話，六張報紙竟照登如儀，怎叫人不懷疑d報紙不是愚蠢被人利用咁簡 單，而是專門刻意配合中共破壞星期日的選舉呢？

特務的目的﹕
令市民對公民黨失望，令民主黨人對公民黨有介心

我地民主黨的改革派，被中共特務誤導我們同主流派內訌過一兩次，其後知道被騙，不再上當，兩個半特務竟能三番四次，無中生有，向社會再製造民主黨不斷內訌的假象，慘痛的感受是很深的。(詳見本blog第33、36和22篇)

我 們已總結了﹕特務...的總目的，就是掀起內鬥，如掀不起就造成內鬥的印象，以便全港市民誤會﹕「民主黨和改革派好亂，一日掛住在黨內爭權，並無為民主 和市民其他利益著想和努力」，以便民主黨冇聲譽、冇人信、冇捐款、冇選票，最好成為過街老鼠，促成市民對民主黨失望，因而不予支持。

現在，他們重施故技，無中生有，向社會製造公民黨不斷內訌的假象，正是想公民黨也同樣冇聲譽、冇人信、冇捐款、冇選票，最好成為過街老鼠，促成市民對公民黨失望，因而不予支持。

當然，今次星期日的關鍵性選舉，不只是公民黨的事，梁家傑代表著泛民，他們製造內訌的假象，也是衝著整個民主派而來的。目的是要全港市民誤會﹕「成個民主派都好亂，冇個好人，一日掛住明爭暗鬥，並無為民主和市民其他利益著想和努力」。

最陰毒是，想撩起民主黨的支持者，以為「公民黨視民主黨為敵」，因而出現介心，不支持梁家傑，星期日也不去投票。最後可能就係爭果幾票，剛剛唔夠一百，明年泛民代表就提唔到名去選特首。

捕風捉影，歪曲事實

謠言(2)「公民黨自己人內訌」係完全只得公民黨秘書長鄭宇碩向黨請假一年的事，畀「偽CP博客」作大到對個黨點點點不滿，仲捏造鄭宇碩同佢私下講的直述句，講到似層層。這就是捕風捉影。

另外，單憑間公關公司係美國公司，就話「公民黨大後台是美國」，同我話你去食過麥當奴，證明你同美國勾結出賣中國，一樣咁有道理。

謠 言(1)「公民黨同其他民主派內訌」的來源，是「偽CP博客」在偷來的電郵中，看準了公民黨幾個大狀曾對黃堅成出選正街，有過(非常自然和正常的)關於政 策同程序的討論，和民主派在南區選區調協的討論中，公民黨代表亦有過(非常自然和正常的)效率取捨的盤算，「偽CP博客」郤屈得就屈，捏造好多句「直述 句」，來挑撥離間。

被屈得最慘的是吳靄儀，是關於黃堅成的。

幾個大狀根本就不是討論支持不支持，因為黨魁余若薇在公民黨成立之前一早就答應過支持。他們討論只是，黨既成立了，正街選舉又快到了，要簽報俾選舉事務處的正式文件，因為係黨的要員支持黨外人士，須提到執委會討論同通過吧了，而最終都通過了。

公 民黨電郵討論的時候，余若薇問大家，就算從來未支持過黨外人士(never given consent)，就算黨章不准以黨的名義支持外人(exco member endorse any candidate outside the party in the name as officer of the party)，今鋪例外地支持好唔好(an exception be made in this case)﹕

From: audrey eu
To: 'TSANG Kwok Fung (Civic Party)' ; 'Ronny Tong' ; 'Alan Leong' ; 'Albert Lai' ; 'Amy Yung' ; 'Audrey Eu' ; 'Bill Lay' ; 'Chan Ka Lok' ; 'Char Stephen' ; 'Claudia Bowring' ; 'Fernando Cheung' ; 'Joseph Cheng' ; 'Kuan Hsin Chi' ; 'Mandy Tam' ; 'Margaret Ng' ; 'Mark Williams' ; thomasyu912@yahoo.com.hk ; vincentng@agcdesign.com.hk
Sent: Thursday, May 04, 2006 4:10 AM
Subject: DP

Dear all

: FW: 民主黨黃堅成

... Wong has now formally put in an application to run in the election and they have recently sent me a written request (and to Margaret as well) to endorse Wong with some words in my capacity as party leader. I note that the request also goes to Professor Kuan for his endorsement as party chairman. We have never given consent on behalf of the party which was not formed at the time when they first approached us. Please consider

(1) should any exco member endorse any candidate outside the party in the name as officer of the party

(2) can any exco member endorse any candidate outside the party without using the name of the party

(3) should an exception be made in this case.

Audrey

吳靄儀回答﹕我直覺係，今鋪就例外啦﹕

From: "Ms. Margaret Ng"
To: "audrey eu" ,"'TSANG Kwok Fung \(Civic Party\)'" ,"'Ronny Tong'" ,"'Alan Leong'" ,"'Albert Lai'" ,"'Amy Yung'" ,"'Audrey Eu'" ,"'Bill Lay'" ,"'Chan Ka Lok'" ,
"'Char Stephen'" ,"'Claudia Bowring'" ,"'Fernando Cheung'" ,"'Joseph Cheng'" ,
"'Kuan Hsin Chi'" ,"'Mandy Tam'" ,"'Mark Williams'" ,,
Cc: "margaret ng"
Subject: Re: DP
Date: Thu, 4 May 2006 22:36:48 -0700

My gut feeling is we make an exception in this case. ...

Margaret

可見，吳靄儀係贊成支持黃堅成的，就算規則話唔可以支持，今鋪都要例外地支持他。

但係，「偽CP博客」呢條中共特務，在佢個「公民黨不應撬民主黨牆腳」的blog裏，竟然將吳靄儀的意見扭曲成相反，仲用直述句講到似層層﹕

民主黨方面事前邀請公民黨為黃堅成助選，公民黨核心高層就圍繞呢件事展開討論，吳靄儀明確表態，「喺呢件事上，我直覺要反對，我認為我們應放棄支持黃參選。」(偽CP博客另外再捏造一句冇來源冇講者名的直述句來「補充」。)

咁 歪曲事實、造謠挑撥法，大家話「偽CP博客」係咪好卑鄙？d報紙不看原始文件，或妄顧原始文件的事實，專門宣揚特務提供的扭曲版本，係咪報人、讀書人、 文化人、香港人、中國人、人 --- 之恥？(我真兄弟成個blog都係吳靄儀同一命運，報紙專門宣揚特務提供的扭曲版本，所以我才咁熟特務的手法，識得講咁清楚。)

南區選區調協之後，黨魁余若薇向黨內報告，擺明係同民主黨友好及禮讓(agree to defer to their choice)，反正大把位，使乜爭呢咁話﹕

I together with Abraham Lee and Thomas Lau representing CP held meeting with Cyd Ho, DP representatives to discuss district allocation. There are some districts in which CP and Cyd expressed interest and some districts in which DP and CP expressed interest. However we should be able to avoid clashes as there are more districts than candidates and since DP’s candidates have started working on the chosen districts, we may agree to defer to their choice as there are enough districts to choose from. However one problem is that if we want to go for southern district, most of the easier districts have been taken up by DP.

人地公民黨基本態度是友好，「偽CP博客」呢條中共特務，在佢個「公民黨不應撬民主黨牆腳」的blog裏，竟然斷章取義，又係將公民黨的意見扭曲成相反，仲用直述句講到似層層﹕

今年5月16號，公民黨港島支部報告話：「與其他民主派協調區議會選舉部署，我擔心嘅係，如果我哋要攞港島南嘅區議會席位，咁大部分更易攞到嘅地區就都俾民主黨攞走哂。」

咁歪曲事實、造謠挑撥，大家話「偽CP博客」係咪好卑鄙？d報紙不看原始文件，或妄顧原始文件的事實，專門宣揚特務提供的扭曲版本，係咪報人、讀書人、文化人、香港人、中國人、人 --- 之恥？

就算有d矛盾，要知道，調協就係談判，係人都會又想咁又想咁架啦，咪開會來做乜？後來大家都好好地達成調協方向。「偽CP博客」又偏偏捉住談判過程中必有的矛盾，作大成「一直口和心不和　公民黨視民主黨為敵」。這就是捕風捉影。

公民黨對民主黨總體上是堂堂正正的尊重和合作態度，「偽CP博客」完全是歪曲事實，捕風捉影，主要還是靠連電郵同會議紀錄都冇的、捏造的「直述句」來放出謠言。

記 者們和任何人，只要細心睇下「偽CP博客」貼出來的公民黨文件同電郵，(就算畀佢刪減篡改過)，都可以睇得出公民黨人講民主黨的時候，都是抱著尊重和合 作的態度的。除了以上點都要支持黃堅成出選，同南區選區調協禮讓民主黨，還有其他。例如，稱讚吳靄儀在爭取修訂竊聽草案好勇時，不忘講涂謹申落力，討論有人在公 民黨同社民連雙重會籍點處理時，又對比民主黨係公民黨的同盟﹕

... we can describe ourselves as allies of DP and they will not deny it, ...

可見，「偽CP博客」「公民黨不應撬民主黨牆腳」的blog，是歪曲事實、造謠生事，挑撥離間公民黨同民主黨，而六張報紙是幫兇。

玩個「報業操守指數」遊戲吧

當然，d報紙唔係張張咁衰既，都有分別，所以我為今天全香港報紙對公民黨的報導，理出個報業操守指數來。

準則是﹕
報業操守最好的，正10分
報業操守最差的，負10分

咩野叫報業操守好定差呢？

報導中肯，好人就話好人，衰人就話衰人，同好人做傳聲筒，衰人就當佢冇到，即係申張正義，警惡懲奸，就係報業操守好。正分。
歪曲事實，好人就話衰人，衰人就話好人，同衰人做傳聲筒，好人就當佢冇到，即係打擊正義，褒揚奸惡，就係報業操守差。負分。

拿， 試下另一樣野先﹕

• 邊d報紙爆『程翔因「金錢與女人」問題，與台灣國安局扯上關係。 ... 程翔要維繫這段感情，確實需要一定的金錢，而他四月被捕時便是到深圳與女友相會。』？
• 邊d報紙唔登呢個消息，或以批判態度去登？
• 按以上副對聯準則，你會俾 邊d報紙正，邊d報紙負，正幾多分，負幾多分？

你係咪心裏有數？


再試﹕

• 邊d報紙呃到從來不看原始文件的王岸然，信晒大特務陸耀文供給報紙的歪曲版本，以為『「真兄弟」...是一些政黨之內的人，對 政黨不滿，藉互聯網的便利，將一些黨內的矛盾翻出來，...企圖對黨的主流派施 加政治壓力，改變政黨的主流方向。(信報2006-12-06)』？
• 又有邊d報紙如實報導過，「真兄弟」係對滲透政黨的特務不滿，為了保護政黨的主流方 向，藉互聯網的便利，將一些特務引入黨內的矛盾翻出來，加以陽光化？
• 按以上副對聯準則，你會俾邊d報紙正，邊d報紙負，正幾多分，負幾多分？

好喇，開波 o羅喎，o黎真喇﹕

• 邊d報紙同「偽CP博客」散播謠言，又話公民黨錢銀好亂，又話同民主黨內訌，又話自己鬼打鬼？
• 邊d報紙抵制「偽CP博客」的 謠言，堅決不登，或者公民黨畀人中傷，挑撥後，刊登真相？
• 又邊d報紙炸家依刊登公民黨的澄清，其實係單單打打，用暗示乘機替「偽CP博客」插佢地多兩刀？
• 按以上副對聯準則，你會俾邊d報紙正，邊d報紙負，正幾多分，負幾多分？

好了，請同自己睇果張報紙評左分，先至睇下面，睇下係咪同我的評分一樣。歡迎寫個comment入來拗數。






































拿，其實我邊得閒同成篇報導評分丫。家下選舉前夕，都係印象之戰，而每篇報導的標題，就佔了大部份印象。所以，以下是我對全港報紙今天此事的每篇標題所評的分。請你同自己睇果張報紙每篇的標題評左分，先至睇下面。唔好偷睇。

重覆準則﹕

• 報業操守最好的，正10分
• 報業操守最差的，負10分
• 報導中肯，好人就話好人，衰人就話衰人，同好人做傳聲筒，衰人就當佢冇到，即係申張正義，警惡懲奸，就係報業操守好。正分。
• 歪曲事實，好人就話衰人，衰人就話好人，同衰人做傳聲筒，好人就當佢冇到，即係打擊正義，褒揚奸惡，就係報業操守差。負分。

諗諗下，不如你就同呢d標題打你自己的分喇。我聽晚至揭曉我的評分。

重覆準則﹕

• 邊d報紙同「偽CP博客」散播謠言，又話公民黨錢銀好亂，又話同民主黨內訌，又話公民黨自己鬼打鬼？
• 邊d報紙抵制「偽CP博客」的 謠言，堅決不登，或者公民黨畀人中傷，挑撥後，刊登真相？
• 又邊d報紙炸家依刊登公民黨的澄清，其實係單單打打，用暗示乘機替「偽CP博客」插佢地多兩刀？
• 按以上副對聯準則，你會俾邊d報紙正，邊d報紙負，正幾多分，負幾多分？

你評啦﹕

am730﹕ 梁家傑︰臨近選舉不奇怪現抹黑消息
蘋果﹕ 公民黨洩密疑涉北京　電郵長期被竊看圖影響選委選情
蘋果﹕ 梁家傑老婆大過天
蘋果﹕ 陳太支持有競爭特首選舉
頭條﹕ 公民黨間接承認 聘公關助選
商報﹕ 公民黨鬼打鬼梁家傑解畫忙
新報﹕ 公民黨匿名信再爆黨爭內鬨秘書長鄭宇碩變相劈砲
新報﹕ 陳太否認與公民黨通電郵
新報﹕ 梁家傑盼周日多人投票
信報﹕ 梁家傑陷抹黑陣
信報﹕ 梁家傑：選舉臨近遭刻意抹黑
信報﹕ 僅「安可」願接公民黨生意
信報﹕ 吳靄儀堅稱數目分明
信報﹕ 公民黨亦有真兄弟
經濟﹕ 「有人抹黑 阻奪101提名票」　梁家傑否認曾聘顧問助選
經濟﹕ 黨友「失蹤」 梁隻身晤記者
經濟﹕ 黨務經費「機密」資料曝光
都市﹕ 梁家傑自嘲公民黨「生人勿近」
明報﹕ 伺服器遭入侵致機密曝光公民黨今報警
明報﹕ 被指隱瞞「安可」參與競選工程吳靄儀：最重要有申報
明報﹕ 防範泄密鄺志堅彈公民黨不夠聰明
明報﹕ 自稱黨員網上搞分化「公民黨敵視民主派」
東方﹕ 公民黨民主黨明爭暗鬥
東方﹕ 美國背景水洗唔清
東方﹕ 陳太不甘寂寞暗助梁家傑
東方﹕ 暗示中方黑客入侵干預選舉
成報﹕ 鄭宇碩否認退出公民黨　停秘書長職只為專注研究工作 (黨員抨眾大狀敵視泛民)
成報﹕ 梁家傑﹕有人感威脅才抹黑 選委會選舉前夕 被踢爆隱瞞開支
星島﹕ 無私顯見私
星島﹕ 電郵再爆余若薇憂被長毛狙擊
星島﹕ 決定申報APCO開支梁家傑間接認聘美資公關助選
星島﹕ 「咩AC？講咩？無喎」陳太否認電郵協助公民黨
星島﹕ 程介南：消息來自公關界
星島﹕ 疑黑客入侵公民黨或報警
大公﹕ 公民黨內訌梁家傑「鬼打鬼」
大公﹕ 「公民黨黨員」爆料：大狀黨視民主黨為敵人
虎報﹕ Leong promises audit of expenses
太陽﹕ 匿名「黨員」爆料：一直口和心不和　公民黨視民主黨為敵
太陽﹕ 公民黨大後台是美國
太陽﹕ 陳太不甘寂寞借梁打曾
文匯﹕ 回應「電郵事件」梁家傑稱抹黑
文匯﹕ 湯家驊指事件經周詳部署
文匯﹕ 陳太否認為梁家傑助選

第40篇完，明晚(12月7日)揭曉我的評分，仲排埋報業操守名次。


























(以下內容是12月7日晚補充貼上的)

「報業操守指數」揭曉

以下是我對全港報紙12月6日報導「公民黨被屈事件」的標題的評分。你同意嗎？寫個comment入來討論吧。

首先，是報業操守較差的，即負分的，由最差排起，稍差的排後。

(注意﹕只是這一天，這件事，標題方面的評分。如果你認為這是成張報紙一般的操守指數，是你說的，不是我說的。)

大公﹕ 今天標題操守平均分 = -8.5
右列標題操守評分 = -9 公民黨內訌梁家傑「鬼打鬼」
右列標題操守評分 = -8 「公民黨黨員」爆料：大狀黨視民主黨為敵人

商報﹕ 今天標題操守平均分 = -8
右列標題操守評分 = -8 公民黨鬼打鬼梁家傑解畫忙

東方﹕ 今天標題操守平均分 = -6.3
右列標題操守評分 = -9 公民黨民主黨明爭暗鬥
右列標題操守評分 = -8 美國背景水洗唔清
右列標題操守評分 = -2 陳太不甘寂寞暗助梁家傑
右列標題操守評分 = +3 暗示中方黑客入侵干預選舉

太陽﹕ 今天標題操守平均分 = -5.7
右列標題操守評分 = -8 匿名「黨員」爆料：一直口和心不和　公民黨視民主黨為敵
右列標題操守評分 = -7 公民黨大後台是美國
右列標題操守評分 = -2 陳太不甘寂寞借梁打曾

星島﹕ 今天標題操守平均分 = -4.3
右列標題操守評分 = -6 無私顯見私
右列標題操守評分 = -6 電郵再爆余若薇憂被長毛狙擊
右列標題操守評分 = -1 決定申報APCO開支梁家傑間接認聘美資公關助選
右列標題操守評分 = -0.5 「咩AC？講咩？無喎」陳太否認電郵協助公民黨
右列標題操守評分 = 0 程介南：消息來自公關界
右列標題操守評分 = +3 疑黑客入侵公民黨或報警

新報﹕ 今天標題操守平均分 = -2.3
右列標題操守評分 = -8 公民黨匿名信再爆黨爭內鬨秘書長鄭宇碩變相劈砲
右列標題操守評分 = -3 陳太否認與公民黨通電郵
右列標題操守評分 = +4 梁家傑盼周日多人投票

頭條﹕ 今天標題操守平均分 = -1
右列標題操守評分 = -1 公民黨間接承認 聘公關助選

虎報﹕ 今天標題操守平均分 = -0.5
右列標題操守評分 = -0.5 Leong promises audit of expenses



其他報紙，主要由於沒有在標題幫「偽CP博客」散播謠言，得到正數的評分。

今次，係最高分(操守相對最好)的排先，稍低分的排後。

蘋果﹕ 今天標題操守平均分 = +4
右列標題操守評分 = +5 公民黨洩密疑涉北京　電郵長期被竊看圖影響選委選情
右列標題操守評分 = +4 梁家傑老婆大過天
右列標題操守評分 = +3 陳太支持有競爭特首選舉

am730﹕ 今天標題操守平均分 = +3
右列標題操守評分 = +3 梁家傑︰臨近選舉不奇怪現抹黑消息

都市﹕ 今天標題操守平均分 = +3
右列標題操守評分 = +3 梁家傑自嘲公民黨「生人勿近」

信報﹕ 今天標題操守平均分 = +2
右列標題操守評分 = +5 梁家傑陷抹黑陣
右列標題操守評分 = +3 梁家傑：選舉臨近遭刻意抹黑
右列標題操守評分 = +2 僅「安可」願接公民黨生意
右列標題操守評分 = +1 吳靄儀堅稱數目分明
右列標題操守評分 = -2 公民黨亦有真兄弟

文匯﹕ 今天標題操守平均分 = +1.5
右列標題操守評分 = +3 回應「電郵事件」梁家傑稱抹黑
右列標題操守評分 = +2 湯家驊指事件經周詳部署
右列標題操守評分 = -0.5 陳太否認為梁家傑助選

明報﹕ 今天標題操守平均分 = +1
右列標題操守評分 = +5 伺服器遭入侵致機密曝光公民黨今報警
右列標題操守評分 = 0 被指隱瞞「安可」參與競選工程吳靄儀：最重要有申報
右列標題操守評分 = -1 防範泄密鄺志堅彈公民黨不夠聰明
右列標題操守評分 = -2 自稱黨員網上搞分化「公民黨敵視民主派」

經濟﹕ 今天標題操守平均分 = +0.3
右列標題操守評分 = +1 「有人抹黑 阻奪101提名票」　梁家傑否認曾聘顧問助選
右列標題操守評分 = +1 黨友「失蹤」 梁隻身晤記者
右列標題操守評分 = -1 黨務經費「機密」資料曝光

成報﹕ 今天標題操守平均分 = +0.3
右列標題操守評分 = +0.5 鄭宇碩否認退出公民黨　停秘書長職只為專注研究工作 (黨員抨眾大狀敵視泛民)
右列標題操守評分 = 0 梁家傑﹕有人感威脅才抹黑 選委會選舉前夕 被踢爆隱瞞開支


最後，我特別提一下信報同文匯。如果我地選早一天(12月5日)來評標題，這兩張報紙應會是負分的。

我 第39篇都鬧了信報。至於文匯，雖然5日有同「偽CP博客」傳播「責高層瞞騙」的抺黑之詞，6日就的確完全冇報導「內訌」的謠言，連內文都冇。我比較喜 歡想像這到底是程翔做過的報紙，爛船都有三分釘，知道「內訌」是無中生有，多少尚餘文人辦報的尊嚴，不會只圖領功，就靈魂都可以出賣。我再想像，於是，黨 委都拗唔過書生，「內訌」這條消息，就只好彈俾大公去登了，而大公則畢恭畢敬切實執行任務，終於榮膺「公民黨事件標題最差操守」的榜首，黨委總算交到差。

拿，我話明係想像，這是文學。唔似得「偽CP博客」、兩枝半針、失德報紙等，將想像講成係事實，那是造謠。

第39篇 公民黨風波的真相和教訓

第39篇的前言

12月1日冇心機，話寫完果篇，呢個月就唔寫了。但不寫不寫還須寫，因為特務仍在搞破壞。

我真兄弟、改革派、民主黨，大半年來被中共特務玩謝，無啦啦名譽掃地。今天公民黨又俾中共特務用同類手法玩，我感同身受，眼見佢地又一樣俾報紙屈，又係有寃無路訴，點都要講番句公道說話，反正我話過要做傳媒評論員，同特務揭發員的。

民主派朋友們，你地叫(小圈子裏尚總算有選舉權的)人星期日去投票，如果被問起﹕「點解公民黨又咁唔爭氣，做埋d衰野？」你就可以叫佢來睇我呢個blog，或可幫忙消除誤會。

另外，報紙朋友們，你地咁神心咁準確報導匿名人唱衰公民黨，睇下你地明日又報唔報我真兄弟的「平衡觀點」，就知你地係有意助紂為虐，定係尚算有d專業道德喇。

第39篇 公民黨風波的真相和教訓

今天各報鋪天蓋地報導匿名人的blog和偷來的電郵，唱衰公民黨，企圖使泛民的特首候選人梁家傑失分。

真相太明顯了。就是中共抺黒，企圖影響12月10日選舉委員會的選舉，叫泛民的支持者失望，不去投票，造成選不夠人提名梁家傑。這就是中聯辦心戰室響應胡錦濤叫「做好選舉委員會的選舉工作」，指派特務做的手腳。

可是，真相明顯係一回事，各報紙偏偏隱瞞真相，有利泛民和公民黨的事實就不報導(或輕輕帶過)，反而助紂為虐同中共特務大事報導。天理何在！

抹黑主要有兩點﹕

一、暗示梁家傑收台灣錢。

二、話公民黨請公關公司幫梁家傑選舉，隱瞞開支，報入公民黨一般經費，不報競選經費。

報紙散播謠言，不道德

特務「扁鵲望聞問切」個blog，單憑公民黨的人去過台灣訪問，就暗示人家收台灣錢，毫無憑證，真係屈得就屈，仲兒戲過屈程翔。

大家評評理，特務個blog咁樣推理﹕一句「如果接受...」，就話人收台灣錢，無限上綱，又從台獨扯到港獨，你話係咪屈公民黨同梁家傑，屈得無所不用其極，天理不容﹕

「我 黨高層，早前分批到臺灣拜會掌權的當地官員及政黨，已 受到政界方面關注，帶來無數的誹言誹語。如是正當的交往，又有向黨內交代，無容外人置啄。但如果接受來自外來勢力的資助，就會被外間懷疑什麼理由得到外來 勢力的厚愛呢？我都知道黨是缺乏經濟支援，但黨或黨的高層個人一旦接受來自外國官方機構或具有當地政府支持背景之基金會的金錢，大陸政府就會懷疑公民黨被 外來勢力控制抗衡中央政府，若加上一頂「搞港獨」帽子，公民黨的路便不好走了。」

弊在報紙甘做特務傳聲筒，毫無根據的指控，絕不譴責，反而大加宣揚，為中共達到抺黑的效果。例如﹕

新報(2006-12-5)﹕這名公民黨成員質疑公民黨及梁所得的捐款，來源非常神秘，更提到高層早前曾分批到台灣，與當地掌權官員及政黨接觸。

總之就係「mud-slinging」(南 華早報2006-11-29)，令公民黨個個周身屎。在選民當中，無中生有，泡製「公民黨錢銀好唔干淨」的虛假印象。

抺黑得最惡劣是(星期日小圈子選民常看的)信報。

首先，有需要時，個個政黨都會為專門用途，在同一銀行另立專用賬戶的，而且自然就用回原本的用戶名。這次公民黨為了梁家傑選舉，就開了專用賬戶收取捐款，這是最軍真的會計制度和選舉制度都接受，毫無問題，合法合情合理的。

信報竟然拿著「一名兩戶」做文章，完全沒有邏輯地推理成為「隱瞞捐款」，並以「公民黨爆一名兩戶隱瞞捐款醜聞」，為報導的標題，亦即撰寫標題的編輯造謠。林行止同「我要真民主」的李澤楷快d搵呢個編輯出來處分。

純屬「說法」，不涉瞞報，只是特務無事生非

至於公關公司是誰聘請，要追溯整個過程，公民黨實在情不得已(下詳)。況且，人地只係講「公開怎樣講」，而非「最終怎樣報俾選舉事務處」，特務無端端扯到報經費同錢銀干唔干淨的問題，正一無事生非。

更況且，政策研究和民調是否特首競選工作一部分？是否需要計算在選舉經費？都是余若薇說得好︰「你看看我們最終怎樣報數吧！」(經濟日報2006-12-5)

即係話，退一萬步，即使不報競選經費不對，人地都未報，你個特務做乜在公民黨未有犯罪行為之前，就唱衰人？

係 人都知，到選完晒報經費的時候，已經冇政治需要唱衰人咯。中共正是趁你未做就屈定你錯，專門提前依家唱，至達到「令選民對公民黨同梁家傑失望，唔去投票 選選委」的目的，咁就「做好選舉委員會選舉的工作」而領到功。這就是無事生非，達到骯髒的政治目的。同民主黨二號特務黃俊煒，趁拉登報告未出就屈定你鬧佢 奪權，手法一樣。後來拉登報告公開了，原來係黃俊煒屈人，又唔駛道歉，傷害已造成，獎金也照領。

至於公關公司，公民黨點解考慮採用政策研究，而非特首競選工作的「說法」，實在情不得已。我們追溯特務貼出的電郵，已可真相大白﹕

首先，三個公關一早就表示由公司接競選工作有難處(not be in a position)，而他們三人只因為對政治有興趣才俾d意見，所以一路追住吳靄儀要澄清。

From: Fung, Vivian [VFung@apcoworldwide.com]
Sent: Tuesday, October 10, 2006 13:05
To: Ms. Margaret Ng
Cc: Wong, Vincent; Chan, Ellen
Subject: RE: HKCEE preparation timetable and bios

Margaret

When you have a moment these two days, I'd be grateful for a discussion with you about the role for Vincent, Ellen and I. As said last Saturday, APCO will not be in a position to take on election campaigning assignments. While the three of us are interested in politics and would be glad to contribute some thoughts where appropriate, it is necessary for us clarify with you our involvement in your work - particularly after learning a bit more about your group's arrangement last Saturday.

Kind regards,
Vivian

平心而論，可以話三個公關以個人身份幫手，都唔算犯例。最多，就用佢地的時薪報數，就包合法了。根本不必以公司的服務報數。又或者人地公司董事會唔鍾意，根本公司就冇可能提供服務，亦不能以公司的服務報數。特務只為了抹黑，至羅黎講，話唔報公司的服務，就點樣罪大惡極。



九日後，公關小姐半夜三更都追住吳靄儀要澄清。提議將參與其事講成(describe)係為個黨做政策研究。佢問﹕俾人問起，就用呢個說法(line)得唔得？

>> From: Fung, Vivian
>> To: Ms. Margaret Ng ; Wong, Vincent ; Chan, Ellen
>> Cc: Christine Loh ; wong ming lok ; Alan Leong ; pegha@hknet.com
>> Sent: Thursday, October 19, 2006 3:35 AM
>> Subject: RE: 3 messages

Separately, I wish to clarify the role of APCO in this work. I think it would be appropriate to describe our involvement as providing policy consulting services for the Civic Party. Can we use this line if asked?

注意，只是「說法」問題，而根本唔係特務要污衊的報數、錢銀問題。



第朝早，吳靄儀就請示關信基，問公關小姐的「說法」，得定唔得。仲估埋佢地怕乜﹕第一係怕要服伺好多個老細，意見多多，唔知聽邊個好。第二似乎純粹係個人o岩唔o岩牙的問題，佢估d公關怕成日要同夏詠援合作咁話，對住公民黨就舒服d。仲驚民主黨唔likey。

Thursday, October 19, 2006 應在 3:35 AM 和 7:27 PM 之間
Quoting "Ms. Margaret Ng" :

Please advise on Vivian's request that the APCO team's involvement be described as "providing policy consulting services for the Civic Party".

I think what lies behind this is their edginess about working with a many-headed group, plus edginess about having to work with Peggy on a regular basis. They feel more at ease with CP. However, will DP be happy with this?

拿，都係人之常情，有乜大不了的政治道德、錢銀唔干淨的問題？大家話特務係咪無限上綱抺黑人？

仲有，人才難求喎。人地咁俾面幫忙，公司接競選工程又困難，又要求人事關係簡單d好做d，唔通話算喇拜拜喇我地搵第個啦咩？而且風大雨大，去邊度搵呀？所以我話公民黨情不得已。



果晚，關信基回覆話﹕公關小姐的「說法」可接受。

From: "Kuan Hsin-chi"
To: "Ms. Margaret Ng"
Cc: "Ronny Tong" ; "Joseph Cheng"
; "Audrey Eu" ; "Alan Leong"

Sent: Thursday, October 19, 2006 7:27 PM
Subject: Re: Fw: 3 messages

> The description is acceptable. HC

第朝，吳靄儀如夢初醒，三個公關原來俾程介南追訪迫供，意味著背後有特務(intelligence)搞鬼，事情咁複雜，所以佢地認為都係合作關係越簡單越好。於是選定公開說法是﹕只同公民黨做野(即唔係同梁家傑競選小組做野)。吳靄儀仲叫余若薇請楊森同民主黨諒解。

From: Ms. Margaret Ng
Date: 10/20/2006 10:57:36 AM
To: Kuan Hsin-chi
Cc: Ronny Tong; Joseph Cheng; Audrey Eu; Alan Leong
Subject: Re: Fw: 3 messages

I now understand there may be another reason why APCO wants this description. They were called up by Ching Kai Nam and asked what their role is in all this. How Ching (Next Magazine) got to know about APCO is a very interesting question. It is unlikely that anyone in the Working Group leaked this to the media. I doubt if many remember the name of the firm!
Also it is interesting that Ching did not seem to have asked around but simply knew. The most likely source is intelligence - either by hacking or by sercret surveillance. Which of course means we are being taken very seriously. Naturally APCO feels that the simplest connection is with us, rather than with several groups loosely linked together.

Audrey, do you think you could have a quiet word with Yeung Sum and explain? I think it is helpful to have DP's understanding, and you have the right touch.

拿，一日都係中共特務搞風搞雨，搞到民主派同有意幫忙的群眾怕晒佢地，要處處左閃右閃，至終於選定某一個公開說法。無論選得對不對，第一、係情不得已，第二、一切都同錢銀無關。總之，特務今鋪係屈人地。



一小時後，湯家驊話，向公關小姐迫供的程介南係在大鑊得多的東周刊做。佢估東周刊會亂咁唱，倒不如自己講出來仲穩陣。

From: Ronny Tong
Date: 20/10/2006 11:47:43
To: Kuan Hsin-chi; Ms. Margaret Ng
Cc: Joseph Cheng; Audrey Eu; Alan Leong
Subject: Re: Fw: 3 messages

Ching is not Next but East Weekly. Much worse!
I think the press generally knew we are engaging a PR firm because they said someone from our side mentioned this quite a few weeks ago and they kept asking me for progress. I of course had no idea as usual, having only attended the meeting once.
It may be that the Group needs to think announcing this ourselves rather than for East Weekly to make a filed day on this saying our secret worry about image, blah, blah, blah........

我都同意如果一早就公開話有幾位公關朋友以個人名義幫競選，以工時報數，佢地間 公司就照舊做公民黨的政策研究，會好好多。但而家馬後炮，係人都識講，當時 又點料到特務會串同各報紙的針(或陋習)，偷晒d電郵，作野，出個blog，冇果樣整果樣，話公民黨同泛民錢銀唔干淨，單單打打，唱到不知幾衰咁呢？

而且，競選事務咁多好做，當時又點樣無啦啦公佈公關的工作點點點，成員係邊個呢？所以，我睇雖然以下梁家傑話湯家驊的提議值得考慮，到頭來都係不了了之，點知俾左機會中共的特務爆陰毒。

From: "Alan Leong"
Date: 20/10/2006 11:47:43 之後
To: "Kuan Hsin-chi" ,
"Ms. Margaret Ng" ,
"Ronny Tong"
Cc: "Joseph Cheng" , "Audrey Eu"
Subject: Re: Fw: 3 messages

Ronny's idea is certainly worth some consideration.

總結﹕公民黨純粹在討論用什麼「說法」去形容公關的幫忙，不涉瞞報，而且還是情不得已。

教訓

公民黨同所有民主派，請注意，中共特務搞破壞係珍珠都冇咁真。今次公民黨同梁家傑無啦啦名譽掃地，同我地改革派、民主黨無啦啦名譽掃地，係同出一轍，都係中共特務搞破壞。一切只為了讓選民誤以為民主派唔長進，尤其在選舉的關鍵時刻，放棄投票。

奇就奇在，全香港好似只有我真兄弟睇到中共派特務來破壞民主派---係中共特務無中生有公民黨錢銀唔干淨，係中共特務無中生有民主黨內鬥。所有報紙，所有黨員，都將最核心的問題---中共特務，視而不見，一味賴民主黨只有兩派在鬥，當中冇中共特務，一味賴公民黨有個黨員不滿領導層而公開勸諫，當中又完全冇中共特務。

尤其是有些「中肯」的報紙，誰說有特務，就鬧誰好學唔學，學中共肅反擴大化，鬥AB團，鬧到民主黨的大特務陸耀文樂不可支。我在第21篇提過的﹕

仲 有一個傳媒故事，係公公對信報一個作者非常欣賞，三番四 次讚不絕口，非常少有地用上「精彩！」、「最過癮佢編文章以「好野唔學，壞事做盡」作結！」、「 不如大家睇睇今日信報XXX，透心涼！」，簡直興奮異常，皆因絕妙地配合他煽動內鬥的目的。......在中共特務心戰室搞垮改革派同民主黨的整體作戰計 劃中，傳媒的地位是什麼？

現在答案越來越明顯了﹕香港傳媒，宣告淪陷。我第38篇已作此結論，料不到今天公民黨被屈事件又核實多一次。

另一方面，民主派拔針救黨，遙遙無期。

最大的教訓是﹕如何撥亂反正，以正視聽，全黨全港(包括媒體)提高警惕，不再避忌，嚴防特務，是全個民主派當務之急。

以上是主要教訓，以下是幾點澄清。

1. 好幾張報紙仲將今次特務的電郵同blog，類比「真兄弟事件」，真係離晒大譜。今次個特務同上次親兄弟，係中共特務，佢地要民主派名譽掃地，我真兄弟係揭發中共特務，想挽回民主派的名譽，根本不可同日而語。

2. 再說，今次中共特務又偷電郵又出blog，有可能是黑客入侵的事件，同拉登小組個報告泄漏給傳媒一樣，即特務未必在公民黨內，同民主黨的滲透不同。但反觀 公民黨一成立，就有人爆晒幾乎成個黨員名單俾東周刊，就真係話唔埋喇。都係我第21篇引述的張滔在<<動向>>說的對﹕

對團體來說，負責人要密切注意內部情況，既不要捕風捉影，更不要對異象視而不見。

3. 破壞公民黨的特務，是不是民主黨的那兩枝半針？這一點，我全無線索。但黑客入侵，然後按所偷到的內容，捏造事實去破壞民主黨派的名譽，動機和手法都相同，也不能排除他們有某種組織聯繫，譬如，同屬中聯辦心戰室指揮，或由國安部同一批專家協助電子偷竊的前期工作。

4. 我上文引述的公民黨領導人的電郵，全來自特務貼出來的blog，不敢保證真偽，也不敢說特務有冇刪剪篡改才貼出。不過，就從所貼出的，已輕易看得出，公民 黨純粹在討論用什麼「說法」去形容公關的幫忙，不涉瞞報，而且還是情不得已。令人極度遺憾的是，係人都看得出的，明明公民黨冇錯，明明是特務無事生非中傷 抹黑，報紙通通自己不去看，不去下客觀的結論，偏偏要妄顧事實，只報導特務無事生非中傷抹黑的版本。這同特務5月中向明報同蘋果中傷抹黑我這個blog， d報紙通通自己不去看，不去下客觀的結論，偏偏要妄顧事實，只刊登特務提供的歪曲的理解，完全一樣。

5. 最後，或可猜猜今後會點。中共特務的手法，我成個blog都說了不少，尤其是第21篇張滔前輩不約而同的總結。我猜12月10日投票前，他們總還會再炸幾 輪，多張報紙奉命繼續唱衰和推論到離譜地大罪，已是指定動作的了，或會再煲大今天開始屈的金錢「醜聞」，或捏造性醜聞，或抓著公民黨或民主派內的小矛盾， 就去暗示今次的「扁鵲望聞問切」是自己人暗算自己人。總之，製造呢班人好亂，好冇基本誠信，讓選民對民主派失望，不去投票就是了。

又拉票

各位星期日有資格投票的選民，不要被中共特務的中傷抹黑和報紙的謠言所騙倒，不要以為泛民不長進，反而要加強抗衡中共陰謀的決心，多叫同事、行家和其他選民，踴躍投票，支持泛民的候選人，讓明年特首選舉有真正的辯論、有讓市民看得出的競逐。

最後，前線和社民連的議員和朋友，中共出動這麼卑鄙的手法打擊公民黨和梁家傑，你們可否發出另一種義憤，宣告為了反對卑劣的政治中傷，為了支持正當的政治活動，兩害取其輕，可否把反對小圈子選舉的正確路線，擱置一下，就這麼一次咁多，用你們強而有力的聲音，呼籲所有選民(即使嚴格來說是小圈子)，星期日都去投票，甚至同泛民站台，來抗議中共的卑劣政治手段。感激。謝謝。

第39篇完，2007年1月1日星期一晚再會。

第38篇 好冇心機，但呻完都要拉下票

-------------------------------------------

第38篇的前言

本網誌出版時間﹕每月逢1號、3號、甚或5號晚上，或民主黨兩支半針再爆大鑊之後

新讀者導讀------
請先看以下部份，之後才回來看本篇﹕

• 「重大發現」總撮要 ←在此click入，看完可關閉該視窗
  
• 第1至4篇的撮要　 　 ←在此click入，看完可關閉該視窗
  
• 第5至7a篇的重點　　←在此click入，看完可關閉該視窗
  
• 第8至12篇的重點　　←在此click入，看完可關閉該視窗
  
• 第13,14篇的重點　　 ←在此click入，看完可關閉該視窗
• 第15至21篇的撮要 　尚待撰寫，暫時請看原文，在本頁左欄可連結到，或按PageDown鍵多次就到
  

-------------------------------------------

第38篇 好冇心機，但呻完都要拉下票

最近唔開心，因為事與願違。

民主黨好低分

其 一、港大民意調查，民主黨評分又係好低。係因為中共成功滲透民主黨同改革派，特務執行六度指令，無中生有多次「內鬥」，令市民誤以為民主黨唔長進所造成 的。但呢個真相，黨內黨外仍然好少人知，好少人講。拉登小組報告多少都講左兩個半特務點衰法(唔信就就自己睇下個報告點講﹕ http: //www.dphk.org/member_report.pdf )，呢兩枝半針就將佢地的罪行卸晒落成個改革派度，令多數人仲以為我地改革派真係好好 鬥。

君子路線被干擾，改革派好難招架

其 二、改革派的正當的君子路線，公平競爭上位的路線，仍不斷被兩個半特務干擾。人地何志偕明明聽晒我真兄弟話，「伸出友誼之手，同我 地改革派團結，一齊再奮鬥」(重大發現第37篇2006-11-17)，最明顯係新東支部選舉讓步，今晚又好聲好氣同我地討論黨務改革，(之咁，又未必係 聽我話既，係巧合都唔定既，話晒都)，兩個半特務仲係好似唔整到兩派死鬥爛鬥就唔安樂咁，仍然撩我地向黨內黨外不斷發出內鬥的訊號。

佢地 排山倒海﹕ 「力斥報告缺乏公信力，...抹黑黨內異見分子」(蘋果2006-11-19)，「...進行人格暗殺...」(東方2006-11-19)， 又話「主流派...全面封殺改革派」(新報2006-11-20)，「再傳封殺改革派」(信報2006-12-01，即主流派一再釋出善意之後的今日)， 仲賤格到向黨友發出「辱罵林子健及其家屬的電郵」(信報2006-12-01)，然後暗示係廖能富做既[註]，總之就係「mud-slinging」(南 華早報2006-11-29)，令民主黨同改革派個個周身屎，佢地為左獎金向社會不停泡製民主黨內鬥的印象，我地改革派實在好難招架。

[註]自己做賤格野，然後插贓嫁禍別人，亦即係無事生非，搞到總之好亂，已經係特務第n次動用的手法，簡直係佢地既簽名﹕

• 佢昆明報同蘋果登佢老作的十人滲透黑名單，然後插贓嫁禍高達，自相矛盾後就改口插贓嫁禍智叔、冼雞。
• 我真兄弟開blog揭發佢地滲透民主黨搞內鬥，佢又昆明報同蘋果，插贓嫁禍，話果d卑鄙電郵內容係我講既。
• 佢地偷左拉登報告，捅俾傳媒，然後插贓嫁禍廷公公，話佢泄密。
• 佢地出個「親兄弟」的blog，漫罵拉登小組白色恐怖，又插贓嫁禍廷公公，話係佢寫既。
• 今次炸家依話係林子健將佢地d電郵捅俾拉登小組令佢地好嬲，就發匿名電郵俾黨友，用最惡毒的(女人最棹忌的)謠言辱罵林子健的三個女性家屬，再趁廖能富同林子健競選九龍西支部主席，又插贓嫁禍暗示係廖能富做既。信報仲助紂為虐同佢地報導。天理何在！

香港傳媒淪陷了

其 三、我上一篇blog呼籲，傳媒在拉登小組報告公佈時，請如實報導﹕如無滲透，本無內鬥。但傳媒借左聾耳陳隻耳，半個月來，一味煲大兩個半特務的反駁， 「指報告偏頗及不盡不實，沒有證據顯示存在滲透問題」(商報)，即照樣著重報導兩派內鬥，不及四分一篇幅報導拉登小組報告的內容，講有滲透就少之又少。真 係「證據確鑿就視而不見，空穴來風則大事宣揚」。香港傳媒，宣告淪陷。

拉登小組報告，唔湯唔水

其 四、拉登小組又係既，捉到鹿都唔脫角，份報告散修修，唔湯唔水， 唔鹹唔淡，到喉唔到肺，大量電郵明明證明滲透左兩個半特務入來，將民主黨的機密傳俾中共，佢地兩枝半針緊密合作，又唱又和，搞出一輪又一輪內鬥，份報告淨係識暗示可能 有滲透，俾足機會兩個半特務打橫來「強調根本沒有證據顯示民主黨被中方滲透」(蘋果2006-11-19)。

我係過來人，好明白，拉登小 組以為擺出事實，黨友同社會自然會下到應有的結論，無須畫公仔畫出腸。 但佢地點知香港傳媒，已經淪陷，d報紙摶黨內外多數人都唔會得閒睇晒份報告，於是專 門隱瞞係人睇晒都會下到的「如無滲透，本無內鬥」的正確結論，反而專門大事報導係人睇晒都唔會下到的「只有內鬥，無證據顯示滲透」的錯誤結論。特務們今次 冇轉個彎屈你地拉登小組寫電郵在主流派內互相攻訐，已算好彩了。我五月出個blog以為擺出事實，黨友同社會自然會下到應有的結論，無須畫公仔畫出腸，就 係咁中招了。

三月份公公昆明報同蘋果登佢老作的十人滲透黑名單，然後插贓嫁禍高達，自相矛盾後就改口插贓嫁禍智叔、冼雞，掀起民主黨有史 以來最嚴重的內鬥，拉登報告竟然(除左登d電郵)好少提，更沒有追究責任，真係枉我地改革派被誤導、打錯仗，一壳眼淚寃情仍未雪。令我地改革派好傷心。

最 吹漲係博士不滿足於只有省級官員同佢溝通，「好恨」有京官同佢來往，畀公公在電爆左出來，拉登小組就(聯同好多其他人否認公公話佢地主流派內互相攻訐同其 他衰野)話博士否認，暗示一下公公造謠，就當冇左件事。大佬呀，呢單野我就幫公公啦，佢邊度係造謠呀？其他人係畀公公在背後造謠，都話根本唔知，否認就當 冇左件事遮，家下博士係一早睇過封電郵，並參與討論的啊，明明係默認。如果佢係畀公公屈既，喂，叫人唔好被中共統戰的正人君子畀人屈你好渴望同中共親近 喎，如果唔係偽君子，點解唔同個造謠者一刀兩斷？點解仲同佢攬頭攬頸？點解事前事後仲同佢事事合作無間？點解從來都未在改革派中至少澄清一下？點解只係向 拉登小組否認，點解一句都未公開話過呢個大話精？

特務詞窮理屈，傳媒毫不追究

其五、香港傳媒，已經淪陷，怪事層出不窮。拉登小組在記者招待會公報報告之後，兩個半特 務又開記者招待會反駁。其中，「陸耀文則以仍未詳細看為理由，不直接回應報告對他的指控。」(蘋 果2006-11-19)，就如此這般，放過了這個頭號大 特務，不了了之。現在過了兩星期，沒有一張報紙追訪陸耀文，問佢看過了報告，怎樣解釋一千零一樣路人皆見的特務行徑？而且，你陸耀文「未詳細看」拉登報 告，又點 知份報告「缺乏公信力，...抹黑黨內異見分子」，「...進行人格暗殺...」，仲坐o係個記者會度，「代表」改革派去鬧人？你究竟有乜資格坐o係 度鬧人？明明係個多月前偷左份報告睇得唔知幾清楚，畀記者問起口啞啞，至托詞話「未詳細看」就真。

傳媒擺明係偏幫特務。特務們鍾意講乜，就同佢地做傳聲筒。凡係佢地唔想講既，凡係佢地詞窮理屈的，就從不追究，因為一追究，就會俾香港市民知道民主黨同改革派都是中共特務的受害人，以後就好難不斷老作無中生有的「改革派主流派日日內鬥」的古仔。

唉， 我地改革派真係好冇心機。傳媒幫特務幫到出面，佢地呢半個月來日日話內鬥，同報紙講乜，不需任何證據，照登。任何指出佢地係特務，指出佢地破壞改革派同民 主黨既，就算證據確鑿，無論係暗示(拉登報告)還是明示(本blog)，都一概封鎖消息。成個黨(至少表面)同成個社會都誤會兩個半特務真係代表我地改革 派，佢地做的陰質野，知既就入晒我地數，唔知既就以為冇滲透。

好冇天理，又冇計，真係好鬱結，好冇心機。好話唔好聽，連我真兄弟都心灰意泠。今個月就寫呢一篇算喇，3號晚唔出喇。下個月初至再見了......除非，特務們爆好大鑊啦。

拉票

民主黨月中改選了，我仍係果句﹕請支持所有改革派的候選人。請令到新東支部選舉的正確結果在全黨再出現。如你誤會我地係同特務們同流合污，我們落選，就正中了中共拖垮改革派的奸計。

另一方面，如果你誤會民主黨並無中共特務滲透，以為兩枝半針好似我地真正改革派咁有朝氣，咁有能力，而非破壞改革派同民主黨的奸細，因而投票俾佢地選到，咁民主黨就仲要衰多至少兩年。不要讓新東支部選舉的錯誤部份再出現啊。

黨友們，選票係秘密既，不論有人叫你選特務，抑或有人叫你不要選任何一個改革派成員，你都可以「好，好，好，冇問題」應住佢先，然後自己就心裏有數，作出對民主黨，對香港民主事業最佳的選擇。謝謝。

仲有，叫黨友睇我個blog。


-----------------------
第38篇完，2007年1月1日星期一晚再會。

第37篇 黨友請明辨是非 傳媒請如實報導

-------------------------------------------

第37篇的前言

本網誌出版時間﹕每月逢1號、3號、甚或5號晚上，或民主黨兩支半針再爆大鑊之後

新讀者導讀------
請先看以下部份，之後才回來看本篇﹕

• 「重大發現」總撮要 ←在此click入，看完可關閉該視窗
  
• 第1至4篇的撮要　 　 ←在此click入，看完可關閉該視窗
  
• 第5至7a篇的重點　　←在此click入，看完可關閉該視窗
  
• 第8至12篇的重點　　←在此click入，看完可關閉該視窗
  
• 第13,14篇的重點　　 ←在此click入，看完可關閉該視窗
• 第15至21篇的撮要 　尚待撰寫，暫時請看原文，在本頁左欄可連結到，或按PageDown鍵多次就到
  

-------------------------------------------

第37篇 黨友請明辨是非 傳媒請如實報導

趁越來越多讀者，在拉登小組報告就出的時候，會上來看我個blog。我就零碎地講d感受，交代一下。

呢幾日兩個半特務好煩

呢幾日兩個半特務好煩，成日撩我地改革派做呢樣做果樣，一次又一次，要拖我地落水，有咁亂搞咁亂，一次又一次。佢地自己就唔想出頭，我地個個唔制，佢地先至出頭，又未經我地改革派同意，又話代表改革派。

從 兩個半特務偷左然後向傳媒提供的拉登小組d文件所透露，同埋佢地(包括化名為親兄弟)一而再向拉登小組發動的凌厲攻勢看來，可以推算，(在佢地做手腳減鹽 減醋之前的 真本)拉登報告，一定係對佢地好不利。另一方面，照九月底報紙所講，拉登小組點名批評就只有公公、占美、博士三人，咁即係唔關我地改革派事。咁呢幾日兩個 半特 務咁煩，成日想我地改革派做呢樣做果樣，又係為了什麼？

因此，我睇中共已經向兩個半特務發出六號指令(一至五號指令見上期第36篇)，指令是﹕在拉登小組出報告的時候，橫掂兩個半特務死硬，一定要拉埋成個改革派陪葬！

改革派人在江湖，好難做

我而家好明白點解，陳水扁明明累死成個民進黨，都冇個民進黨核心人物出來話佢貪腐。就好似我地改革派咁o羅﹕兩個半特務明明累死成個改革派，我地一時都冇個改革派核心人物敢出來話佢地係特務、搞內訌、要拖垮改革派、要破壞民主黨聲譽。

民 進黨唔敢企出來，係因為怕沾上二五仔的罪名，被深綠群眾見一個打一個，下次選舉冇支持。我地唔敢企出來，係因為親身體會、深深知道兩個半特務幾利害，屈得 就屈，乜都作得出，乜都做得出。佢 地泡製十人黑名單可以屈成係高達泡製，佢地d卑鄙語錄可以張冠李扣成係我真兄弟講既，佢地偷左拉登小組d文件可以修改後 公佈以便無中生有又搞一次民主黨內鬥，佢地可以由法官(公公)出主意害人由法官搵占美同博士做原告夾埋在紀委會製造冤案。咁多咁陰功咁複雜既野都做得出， 我地如果同佢地劃清界線，甚至出來指證佢地係特務，佢地在中聯辦心戰室(夾埋好多報紙裏面的針)全力幫助下，一定對我地屈得就屈，對我地乜天花龍鳯都作得 出，對我地乜陰功複雜野都做得出。更何況我地醒悟前的確畀佢地昆過，都做過dd衰野，實畀佢地賴哂我地。咁到民主黨選舉時，我地又係冇支持。

而且咁樣畀中共同特務屈到我地在民主派之中永遠放逐，好唔抵好唔抵。企出來定唔企出來，似乎點都死。真係人在江湖，好難做。

請黨友同改革派團結

好 希望黨友明白我地既困境，雖然改革派仲有幾個人未同兩個半特務劃得好清，但請大家看在眼裏，將改革派同兩個半特務分開，佢地係佢地，我地係我地。係佢地搞 亂個黨，唔係我地。我地以前就算做過dd衰野，都只係畀佢地昆過一陣，火紅火綠時火遮眼而已。請認真看我們的政綱同youtube宣傳片，果d至係代表我 地君子地辯論政策上位的真面貌，而盲動、仇恨、非理性、敵意攻奸，則只係佢地兩個半特務的面貌，同改革派無關，無論兩個半特務、傳媒、主流派點講，都唔好 入我地數。你如果入我地數，就係幫手拉埋成個改革派，要同兩個半特務陪葬，即係中哂中共向兩個半特務發出的六號指令的奸計，成個民主黨都好傷，成個民主派 都好傷。

全黨一定要頂住中共向兩個半特務發出的六號指令，不能肅反擴大化，請愛護我真兄弟同改革派其他兄弟姊妹為個黨為民主做過的功勞同 苦勞，不要一竹篙打一船人，不要在兩個半特務泡製同無中生有多次內鬥個黨已經夠傷了，再中計再傷害個黨一大批年青的積極分子。我地向來都係要同全黨黨友團 結的，只是兩個半特務不斷從中作梗，才不成功。請大家對我地改革派，聽其言，觀其行，睇住今後係咪只有兩個半特務先至係盲動、仇恨、非理性、敵意攻奸， 而我地真正改革派都係想君子地辯論政策而上位既。請伸出友誼之手，同我地改革派團結，一齊再奮鬥。亦只有這樣，我們才有足夠力量，抗衡這兩個半特務，同抗 衡今後中共仍會不斷派入來或從內部收買的、可能更隠蔽的其他特務。

傳媒請如實報導﹕如無滲透，本無內鬥

最後，我要再呼籲各傳媒朋友，請高搞貴手，不要將改革派同兩個半特務混為 一談，更不要再刊載兩個半特務提供的「消息」了。因為他們三人，只代表中聯辦心戰室，不代表改革派。你們何苦要替特務不斷宣傳呢？

我 看兩個半特務為了執行六號指令，這個星期多數會盡力撩出多一場內訌，就算我地改革派冇人肯制，佢地都有 本事三個人一唱一和，搞到似層層的，好似改革派同成個民主黨都日日同佢地去癲咁，九月底果次已是先例。話唔埋佢地呢幾日又會出個blog扮鬼扮馬，或又出 個清黨名單什麼的，屈主流派，或屈佢地開始覺得有離心傾向的改革派兄弟姊妹，或總之造謠生事，引開公眾注意明天星期六拉登小組可能公佈的內容，務求市民誤 會，務求市民誤信中聯辦心戰室的一貫誤導﹕「只有內鬥、並無滲透」。

事實是，如無滲透，本無內鬥。

傳媒朋友，如果你們仍然不斷強調民主黨改革派內鬥，繼續無視大量證據，像多個月來一樣，不提滲透，你們就是專業失職，香港新聞公信力，又一次在市民和海外同胞面前，被你們拖垮。請回到正途，如實報導吧。



-----------------------
第37篇完，一係12月1日星期五晚，一係兩個半特務再煩d既時候再會。

第36篇 改革派反特務的苦戰

-------------------------------------------

第36篇的前言

本網誌出版時間﹕每月逢1號、3號、甚或5號晚上，或民主黨兩支半針再爆大鑊之後

新讀者導讀------
請先看以下部份，之後才回來看本篇﹕

• 「重大發現」總撮要 ←在此click入，看完可關閉該視窗
  
• 第1至4篇的撮要　 　 ←在此click入，看完可關閉該視窗
  
• 第5至7a篇的重點　　←在此click入，看完可關閉該視窗
  
• 第8至12篇的重點　　←在此click入，看完可關閉該視窗
  
• 第13,14篇的重點　　 ←在此click入，看完可關閉該視窗
• 第15至21篇的撮要 　尚待撰寫，暫時請看原文，在本頁左欄可連結到，或按PageDown鍵多次就到
  

-------------------------------------------

第36篇 改革派反特務的苦戰

講改革派同特務的鬥爭，要重溫一下幾個月來的大事先。

民主黨兩個半特務2006年3月以來幹的好事

現 在證據越來越清楚，中共派兩個半特務入來民主黨，主要目的是搞內鬥。就算搞不起內鬥，也要給全社會「民主黨成日內鬥」的印象，促成市民對民主黨失望，因而 不予支持。其次，是要打倒民主黨之中最先進的份子---改革派，讓黨員誤以為改革派成日搞搞震，不予支持，咁樣民主黨就剩番經已老化的主流派去支撐大局， 不能更新，不能壯大。

今年年初，由於中共用錢收買兩個民主黨中委不遂，中共滲透民主黨的企圖曝了光。中共就決定要大搞幾輪，一來想引開市民的視線，以為只有內鬥，沒有滲透，二來要搞到民主黨在市民之間成為過街老鼠，要搞到改革派在黨員之間成為過街老鼠。

三月初，中共向兩個半特務發出一號指令﹕下令占美假裝為改革派種票，用最粗疏的方式，一次過遞入三十多份入黨申請書，促使主流派更警覺，成立「拉登小組」調查滲透問題。

隨 即，中共向兩個半特務發出二號指令﹕ 下令公公向明報和蘋果發出「滲透民主黨十人黑名單」，名單中就是我們改革派的成員，然後向我們說是高達誣陷我們，又向 傳媒說是民主黨搞肅反擴大化，於是成功挑起改革派的仇恨，我們就向高達等主流派開火，造成民主黨有史以來最嚴重的一次內鬥。只因公公的謊言開始穿煲，他才 改口說不是高達(而是其他人)誣陷我們，我們就漸漸停火。

四月初，中共向兩個半特務發出三號指令﹕ 不能讓內鬥平息！下令占美在風頭火勢中 再種多廿票。這時，多數改革派都厭戰了，反而開始反思被兩個半特務煽動去打錯仗的因由。因此，沒有人響應，想再種多廿票連和議人都找不到。特務開始指揮不 動改革派了。其中一人是真兄弟我，苦思了一個月，開始寫信給全個改革派，提出「拔針救黨」的主張。兩個半特務慌忙阻撓，我只好寫這個blog，向中委會提 出。博士立即利用民主黨副主席的身份，又再阻撓。於是我只好向二百多名黨員，提出「拔針救黨」的主張。

五月中，中共向兩個半特務發出四號 指令﹕ 不能讓真兄弟警醒民主黨人「拔針救黨」！不能讓真兄弟警醒香港人﹕明白民主黨的內鬥是中共特務一手造成的！下令兩個半特務，趁真兄弟大量引述公公的 卑鄙電郵以為讀者會自行判別是非，向明報和蘋果歪曲真兄弟「拔針救黨」的主旨，實行把公公的卑鄙電郵和公公的卑鄙blog張冠李扣，配合傳媒內的針，(在 本無內鬥的情況下)大事報導民主黨內又來一場非理性內鬥。

六、七、八月，中共向兩個半特務其實有發出各種零碎指令的，其中包括配合擦鞋報章罵民主黨不肯公開黨員名單而下令特務出blog爆黨員名單、煽動民主黨員抵制拉登小組的反滲透調查、和煽動改革派再搞大動作，但破壞力已大不如前。

九 月底，中共向兩個半特務發出五號指令﹕ 民主黨風平浪靜，有跡象又再團結，沒有內鬥也要搞出一輪內鬥的印象！於是下令特務們多管齊下。其一、偷取拉登小組的 文件，減鹽減醋後向傳媒發出。其二、出親兄弟個blog，罵拉登小組白色恐怖。其三、由占美發表文章，罵主流派欽點何俊仁做下屆主席不民主，又配合親兄弟 罵拉登小組，同時(看來極可能是)屈拉登小組鬧佢想奪權，然後無中生有大罵別人無理迫害。又一次，無內鬥都營造到大內鬥的社會印象，同時破壞我們改革派的 形象。

讀者們，不要中計啊。不要以為民主黨成日內鬥，不要以為改革派成日搞搞震。一日都係中共或收買或安插的兩個半特務搞出來的鬼。請你立即打開電郵，把這個真相一傳十，十傳百，至少用輿論救救民主黨、救救改革派。

如果你是黨員，十二月改選時，記得我的分析，不要把兩個半特務同改革派混為一談，更不要中中共部署的計，想搞到改革派全軍覆沒。因此，到時請投改革派的候選人一票。

改革派抵抗兩枝半針的「暗戰」

改革派生存和壯大，一直被兩枝半針破壞，其實好慘。且聽我慢慢講。

首先，兩枝半針仍在改革派中也文也武。我已說過，為了身份保密，我不會透露其中內幕。以下是我嘗試把自己從局中抽離出來，單純從公開的資料，推算兩枝半針和改革派的「暗戰」。真相如有雷同，實屬巧合。

話說改革派一向以來，都想在黨內君君子子辯論政策、路線，與主流派公平公開競爭，大家鬥拉票在黨內選賢與能，正正當當地通過民主程序上位。

只可惜，被中共的兩個半特務滲透後，改革派以上正當的君子的路線，公平競爭上位的路線，不斷被他們破壞。他們執行中共的一號、二號指令，更令我們盲動、仇恨、非理性、敵意攻奸。我們形象掃地，我們真正的路線冇人知道。

不過，打從上述中共三號指令開始，基本上就只剩下兩個半特務圍威喂，中共四、五號指令由於有傳媒的針配合，執行起來，社會上似乎有聲有色，但在改革派之內，多數兄弟姊妹只是冷眼旁觀，再沒有積極配合。

大家都想回到原本的，君子的、公平競爭上位的路線。只有兩枝半針堅持盲動、仇恨、非理性、敵意攻奸的路線。這就是改革派和兩枝半針的「暗戰」。

當 然，這戰是暗的。兩枝半針是少數，有 時也要賣我們的賬。三四月間，我們開始質疑盲動、仇恨、非理性、敵意攻奸的路線，只會使改革派在黨員中成為過街老鼠， 開始不肯聽從他們傳達下來的中共二、三號指令，大特務公公就大罵我們主張降溫，是求和、是畏縮。那一次，改革派同特務們由於路線分歧，差一點就決裂。只是 特務 上司眼看一旦決裂，改革派一旦回到公平競爭的君子路線，他們整個滲透、製造內訌、破壞改革派使民主黨繼續老化的計劃，就會泡湯。於是下令大特務公公，公開 向改革派道歉，還要他封筆、封口十多天，由二特務占美暫時頂上軍師職務，才挽回他們留在改革派的資格。經此一役，上司告誡兩枝半針要審時度勢，不可再(為 了獎 金不斷推薦會冒犯改革派的策略而)蠻來，於是，有時也賣我們的賬。最 近，改革派公平競爭的君子路線逐漸抬頭，他們忙於(只有三數人圍威喂)執行中共五號指令之 餘，也還得協助我們整理年底改選所需的政綱《深化改革‧包容進取》。(整理這份文件時，公平競爭的君子路線，同盲動、仇恨、非理性、敵意攻奸的路線，也曾 激烈鬥爭，才有今天的成果，則不在話下了。)

而改革派(包括我)則苦於仍未有人敢帶頭同他們決裂，只好暫時容忍他們繼續在改革派中也文也武，等待日後伺機行動。「暗戰」，也是一種苦戰。

特務眾叛親離，幕後公公都要出台

然而，不敢帶頭同他們決裂是一回事，利用各種借口同他們劃清界線，以免玷污自己，也還是側側膊做得到的。上星期，即十月底，我們改革派在黨內公開發表年底改選的政綱《深化改革‧包容進取》的時候，就出現一次小危機。

我 們本來以為接近二十人的改革派兄弟姊妹，會浩浩蕩蕩站出來亮相的。可是，改革派政綱《深化改革‧包容進取》徵集簽名時，多數兄弟姊妹一看見占美和博士的名 字，就想起三四月被他們屈為「十君子」，被他們利用搞內訌、被他們騙去打錯仗，於是紛紛「唔好意思」、「考慮下先」、「我人微言輕，冇乜作用遮」、「我都 唔選咯，不必簽了，你老哥代表我咪得羅」......。由公公負責叫佢簽的，更是避之則吉。而且看見公公自己反而冇簽名，每個人心底都暗暗嘀咕﹕「你公公 條友又想好似屈我地十君子時咁，幕後就積極推動，公開就乜都冇你份，咁即係點先？」

於 是，就只有我地幾個改革派主要人物，唔簽點都講唔通 的，簽了名。但實在太少人了，後來再各自出動一次，人釘人，又挨又西，什麼「飲茶我既、劈酒我既、江湖義氣、欠我人情、兄弟姊妹情、誼兄弟姊妹父母子女姨 媽姑爹情、昔日患難、 共同興趣、共同理想、為民主犧牲」種種說詞，通通出到盡，都只得七個簽名。加埋一個半特務占美同博士，只有九人。

大佬呀，成個派喎，得九件，似乜呀？連被特務們屈為滲透的「十君子」都多過佢，成乜體統？我地改革派眼看特務的臭名害到我地咁，只好啞子吃黃蓮。

就這樣，永遠躲在幕後的大特務公公，都不得不拋頭露面，簽了第十個名，「好好睇睇」咁話喇。

有簽冇簽的，都請你支持

各位黨友，改選臨近，我呼籲你支持改革派，不要只支持政綱內有簽名的七個，更要支持冇簽名的七八個改革派。我地有簽名的七人的苦衷，希望你明白，我們對特務仍在苦戰，所以請支持我地。佢地冇簽名的七八人，雖非正式，多少也是同特務們劃清界線，其實更值得你支持。

至於佢地冇簽名的，究竟係邊七八個？則請你運用智慧，從我們youtube果套片的畫面中去找吧﹕
http://youtube.com/watch?v=srlskT-wFVU

又或者，問下我地簽左名果七個，我地都會講你知。都係果句，改選時請支持改革派！

改革派兄弟姊妹，拔針救黨端賴我們，大家齊參選

另 外，冇簽名的改革派兄弟姊妹中， 的確有人覺得被兩枝半針折騰夠了，萌生退意。所以，我還要向你們呼籲，改革派需要你，民主黨需要你，不要氣餒，來屆一定要 參選。假以時日，兩枝半針總會拔走的。但當然還會不斷有滲透和反滲透的鬥爭。我們改革派，這一輪受害最深，將來為反滲透鬥爭作出的貢獻，也會最大。改革 派需要你，民主黨需要你，你一定要參選！

----------------

本來想談談關於特務偷取拉登小組文件的事。但已寫了三千幾字，下月初才講了。再見。


-----------------------
第36篇完，12月1日星期五晚再會。