重大發現

最重大的發現是﹕中共派了兩個半特務滲透民主黨。他們的任務是,製造內訌。即使沒有內訌,兩個半特務也會無中生有,並得到多張報紙的配合,營造民主黨月月內訌、天天內訌的印象,使市民誤會民主黨只知內鬥、不長進、不爭氣,因而不支持。民主黨內出現許多奇特的言論和行為,原因在此。

Monday, May 08, 2006

第1篇 致民主黨中委

致民主黨中委

我 是民主黨黨員,姓名不方便公開,至於身份,如果各位認為努力為個黨好,積極在黨內推動進步改革的,就統稱為改革派,那我的確是改革派的人。最近民主黨一 連串滲透和黑名單的風波,改革派已經比人定性為搞事份子了,我希望大家不要以有色眼鏡來看待我們,我們一直為黨盡心盡力,要做出成績,愛之深責之切,但卻 往往比人誤會。

最近一連串發生的事,令我有重大發現,而且事態嚴重,本來我打算只在改革派提出,無意讓派外知到。我亦考慮到有人未必相信我的發現,為免破壞和改革派的關係,我將身份保密,只以匿名電郵向他們發出。可惜,我似乎無法得到信任,他們當中有人千方百計試探,想把我抽出來,甚至,我私下收過電話,聽得出對方不太友善,我感到受威脅。我知到電郵已再無討論空間,因為孤掌難鳴,我唯有選擇向全黨說出來,懇請中委在黨內內部通傳。下面就是我寄給改革派的幾封電郵和他們的回應,讓大家了解事件。大家一時沒有有關背景,未必明白我們所談的全部內容,之後我會再補充資料和理據。

請看http://bigdiscovery.blogspot.com



-
我寄給改革派的幾封電郵和他們的回應
---------------------------------------------------------------------------
寄件者: brother real
收件者: 改革派電郵組
日期: 2006/5/5 下午 1:34
主旨: 重大發現

各位兄弟姊妹:

各位勿見怪,點解我保密身份,因為我有一個重大發現,一直困擾我,只係擔心大家未必相信,但為了改革派和個黨好,我不能不說出來讓大家定奪,唯有出此下策,請諒。

由34 人入黨牽連到中共滲透,連傳媒都一早定性,是主流派與改革派之爭,我 始終相信能者居之,只要大家有理有節,做好本份,要砌生豬肉唔容易。反而,最令我梗梗於懷的,亦是我認為最令大家受傷害的,就是到底由誰發放那份令大家含 冤受屈的十人名單!追究責任是?氣,因為無可能有人肯認數。我一直苦思,是誰有心把事件推到這一發不可收拾的地步?整事件誰才是最大的得益者?

政 治是沒有道義的,高達為了政治利益,有甚麼做不出來,漏出名單不出奇,這點我同意,但問題也出在這裡,高達在外認受性不高,黨亦不斷衰落,黨友有很大怨 氣,還有公民黨的夾擊,這時候生安白造心中的黑名單去屈資深黨員,對佢真的有利?佢同主流派會蠢到這個地步?大家開記招澄清,最後結算,十君子既攻不倒高 達,達仁一派亦無追擊十人,總之由始至終,黑名單是誰放料,無人會認,亦無人拿得出證據來,事件只能膠著,雙方都失分,民主黨落得一片亂局,賠上整個黨的 名聲。恕我直言,我相信十人名單不是高達放料,而是另一更大的勢力,這會不會更可信,更能說明整件事的發展,大家點睇?

真兄弟

[註﹕高達=李永達,達仁=李永達+何俊仁]

------------
寄件者: Raymond Luk
收件者: 改革派電郵組
日期: 2006/5/5 下午 6:06
主旨: Re: 重大發現
各位:

我覺得這位「真兄弟」有可疑,請大家集體不要作任何回覆,以免中招。


首先,他文章所用的辭匯,例如「高達」、「達仁一派」、「改革派」等,都是我們日常溝通所用的,但請細閱內容,所謂甚麼「重大發現」,所謂「大家未必相信」,所講的十人名單不是高達放,而是另有其人的說法,我們大家都討論了N世咁耐,我們十幾人大家都知到那是誰了。

再者,電郵發出旳時間,今日下午1:34,我們支部一眾九人正在戲院之內睇「以和為貴」,所以亦不會是我們九個人。

因此,我認為這位「真兄弟」,並不是我們的真兄弟,萬一回應了,就會暴露自己的身份,小心小心!

公公


------------
寄件者: Prof. KM Chan
收件者: brother real + 改革派電郵組
日期: 2006/5/5 下午 6:17
主旨: Re: 重大發現
Dear Real Brother: Don't know why you don't use your real name if you are a
real brother. I guess you are the one who released the name list! Go to Hell!
KM.

------------
寄件者: brother real
收件者: 改革派電郵組
日期: 2006/5/5 下午 7:18
主旨: Re: 重大發現
博士﹕
冷靜。請跳出先入為主的思路,細心地想想,我的發現,有冇可能更符合事實。
真兄弟

--------------
寄件者: Prof. KM Chan
收件者: brother real + 改革派電郵組
日期: 2006/5/5 下午 9:03
主旨: Re: 重大發現

Your finding is neither big or new at all.

--------------
寄件者: Raymond Lee
收件者: brother real + 改革派電郵組
日期: 2006/5/5 下午 9:49
主旨: Re: 重大發現
真兄弟

請指教有何高見



-------------
寄件者: Raymond Lee
收件者: 改革派電郵組
日期: 2006/5/5 下午 9:53
主旨: Re: 重大發現
各位兄弟

我會嘗試回覆佢,睇佢有咩回覆,大家暫時不要在電郵討論任何機密事情
普通聯絡則無問題



-------------------
寄件者: Raymond Lee
收件者: 改革派新電郵組eatndrink@googlegroups.com [註﹕這一封開始,有些是寄去這一天才新開的電郵組,成員和舊電郵組大致一樣]
日期: 2006/5/6 上午 12:31
主旨: 更改電郵通告,提升保安級別
各位兄弟姊妹

鑑於我們電郵在今日發生有外人滲透入來講東講西事件,小弟作為資訊科技委員會主席
做了小小手腳,以全新的eatndrink@googlegroups.com作為全隊的電郵

以後大家發電郵,請用你現在收到這封信的電郵郵箱
寄信到eatndrink@googlegroups.com便可
全隊人都會收到了,不用再打各人的地址了

若有不明可以直接問我



-----------------
寄件者: Raymond Luk
收件者: eatndrink@googlegroups.com
日期: 2006/5/6 上午 1:04
主旨: Re: It's fun
回覆 回覆全部 轉寄 列印 將寄件者加入通訊錄 刪除此郵件 回報為詐騙郵件 顯示原始檔 郵件文字亂碼?
毛主席:

我想問問技術問題,如果「真兄弟」hack到我地D電郵,見到我地有個eatndrink@googlegroups.com的地方,雖然唔知到組群之內有乜人,但地可以寫電郵入去,搞到我地以為又有內鬼,會唔會咁樣呢?

公公
-------------------------
寄件者: brother real
收件者: 改革派舊電郵組
日期: 2006/5/6 下午 4:07
主旨: 請誠心討論

各位兄弟姊妹:

真係令我好失望,毛主席一方面請教我有何高見,另一方面又開新電郵組撇甩我。我真心話梗係唔會寫入新電郵組啦,一寫就被迫現身。不如咁啦,兄弟姊妹不便以真身探討問題,就學我開個新電郵,化個名,誠心討論,唔好成日淨係搞野。

我 地一心維護改革派同成個黨的利益,真係要醒覺,我唔想大家比人搞了破壞都 不自知,但依家比我的感覺係,有人要同時搞臭改革派同成個黨,完全無道義咁置我地生死於不顧。所以,唔該大家認真對待我所說的話,睇下我有冇道理,一齊睇 下到底是不是有另一更大的勢力,屈我地十人滲透。

公 公,我都知大家討論了N世咁耐,但係一向話係高達,講到似層層,我地含冤 帶淚開完記招和中委,搞左一論,不明不白,先至話下係智叔,但係更加得個講字,都係吹下水而已。我所謂另有其人,係大家從來未提過的另一更大勢力,如果成 日掛住搞野,再唔誠心討論,難保不再被插針架禍,如果一再損兵折將,我們不但無法成功,反而成為果隻黑手傷害改革派同民主黨的棋子,自絕生路。

我繼續從事件的發展,再舉出一些難以理解的疑點,大家看看有冇無道理。事發的幾個星期,我們一直懷疑高達,而家至話開錯槍,但係仗唔打都打左咯,改革派同成個黨都臭晒,唔係是但話下另有智叔其人就可以從此一筆勾消。我們一定要好好檢討,點解會搞成咁。

雖 然我地而家話唔係高達,有冇諗過以下更合理的解釋﹕高達扣帽子要冒很大的政治風險,分分鐘引火自焚,如果佢仍然不惜犯險,一定是為對付改革派而狗急跳 牆,咁記招之後,佢態度應該強硬不肯罷手才對,點會咁好死,至今都無動作對付十君子,態度仲好似要收彊求和咁,然後不了了之就此罷休?唔通真係主流派分 裂,不再支持高達咁簡單?如果主流派真係分裂,照理是各路勢力批高達的最好時機,點解又唔見幾派人有內鬥跡象?又點解沒有人向改革派招手,團結一起對付達 仁一派?

事態這樣發展,我以前相信過的許多解釋,會不會都只是欺騙我們的謊話。那麼,事態又可以怎樣解釋呢?會不會一切都不過是另一重大勢力亂放的煙幕,來遮掩佢屈我地十人滲透的真相?

請大家誠心誠意想想,再給我回應。

真兄弟

-------------
寄件者: Raymond Lee
收件者: brother real + 改革派舊電郵組
日期: 2006/5/6 下午 4:45
主旨: Re: 請誠心討論
真兄弟

都唔知讚你好定係話你好!既然你咁神通廣大,我該欣賞你定是驚你呢!

事無不可對人言,既然你用得呢個方法........就有你的原因,我亦要保障一下我們
的私穩,所以轉個方式o者
既然你知道囉,我只可講聲唔好意思,不過你到知道晒啦
不過我最唔滿意你的一句,就係話我地成日搞野.......請問我地幾時有搞過野呀!
如果做一些領導人唔鍾意既野就叫搞野.......咁就以後都唔好搞啦!
你有d睇法比較片面,可以再同你研究一下既
你話一直有更大的勢力在後......難到此人是你?

真兄弟,既然出得來行,就唔怕現真身.....
你唔現真身,我都歡迎你繼續討論
起碼多d人了解我們的處境是好的



---------------
寄件者: Raymond Luk
收件者: brother real + 改革派舊電郵組
日期: 2006/5/6 下午 5:01
主旨: Re: 請誠心討論
仆街!你根本上就是一個「黑客」,而且不避嫌地監視我們討論的每一句話,你真係無恥鼠輩盜賊!

屌你老母!你不敢表露真名,你根本就不是「改革派」(連我們「改革派」名堂早已改了名,都唔知道,你又有幾多斤兩?)

你一路避談主流派在處理手法上的失誤,你根本就是主流派,你既動機就係想在我們裏面鬧鬼,破壞我們裏面既互相,又想浪費我們時間找你是誰,我們班友IQ加埋會高你幾倍,會咁容易畀你崑?

你?家鏟貓哭老鼠假慈悲,講甚麼「另一重大勢力亂放煙幕」,講來講去都講唔到乜野,根本就冇料到,看來放煙幕既人,根本就係你!

------------
第1篇完,明天續

2 Comments:

Anonymous Anonymous said...

誰是Raymond Luk? 文字太粗鄙、太粗俗、太無禮貌。太失望!

Wednesday, May 17, 2006 11:36:00 PM  
Anonymous Anonymous said...

努力 我支持你

Saturday, May 20, 2006 7:28:00 PM  

Post a Comment

Links to this post:

Create a Link

<< Home