重大發現

最重大的發現是﹕中共派了兩個半特務滲透民主黨。他們的任務是,製造內訌。即使沒有內訌,兩個半特務也會無中生有,並得到多張報紙的配合,營造民主黨月月內訌、天天內訌的印象,使市民誤會民主黨只知內鬥、不長進、不爭氣,因而不支持。民主黨內出現許多奇特的言論和行為,原因在此。

Thursday, May 11, 2006

第5篇 發放黑名單另有其人

各位:

昨日我話十人名單發放後十日左右,風向就開始有變,我們的收風人回報,十人名單幕後黑手好 似又唔係高達,有可能是主流派或智叔。但件事拖左咁耐,我們仍然無證無據,根本咬人唔入,而且去到呢一刻,改革派連記者會同特別中委都開埋,聲明又發左,仲可以點呢?再追落去會有好結果?我們只怕黨友反彈,以為我們又在搞事,所以雖然心中仍有條刺,但不得不息事寧人,不過坦白講,經過這件事,同高達苦戰一輪,倒頭來兩敗俱傷,依家 都未止完血,諗落真係好激氣又好唔值得!

------------------------------
發放黑名單另有其人?!

寄件者: Raymond Luk
日期: 2006/3/29 上午11:45
收件者:改革派電郵組
主旨: 立場和共識

本公公昨晚收風,聽到幾樣有趣的消息。

乙、…三月十八日明報刊出黑名單後,高達在大發雷霆,還親自向明報老總大興問罪,於是明報告訴高達(及其他八掛的大佬),解釋放料人指十人名單乃即將被高達接見者,高達當然自知沒有其事,因此在這個關節上,可以解釋得到為何主流派周圍放風,反擊話黑名單是改革派自己放出去的。主流派(尤其是白紙扇)認為,黑名單的出現,令全局出現了扭轉,變為對他們不利,令他們處於被動

(高達向明報老總興師是事實,但究竟是賊喊捉賊,抑或高達和主流派也是受害人,除非能公開該名二五,否則就不得而知。)

丙、……傳媒方面現傾向相信,主流派內有人向明報放了兩次重要的風,而且在於令到改革派與主流派雙方擦出火花,大打出手。



[註:白紙扇=張文光]
-----------------------------------

「黃成智爆十人名單,挑撥兩派互鬥?」

寄件者: Raymond Luk
日期: 2006/3/31 上午00:46

收件者:改革派電郵組
主旨:阿叔指明要見的五個人

今晚收到的風,原來高達覺得今次被人整蠱,其中一個可疑的是智叔,高達甚至有向中間派的黨員訴苦,還叫人查查智叔與內地的關係,佢可能轉為懷疑內地利用了智叔,令主流派與改革派打生打死。

今次好了,只要改革派在中央層面息事寧人,咁就可以在新界東內部關門打狗,移動智叔,照形勢評估,今次高達都唔會幫智叔,這招叫做偷雞唔到,睇怕今次佢心口有個勇字都補唔住佢!明早再與大家分析大局。

[註﹕智叔=黃成智]

----------------------------------------

寄件者: Ricky Ip King Fai
日期: 2006/3/31 下午01:33
收件者:改革派電郵組
主旨:阿叔指明要見的五個人

如果公公0既料係堅0既, 加埋萍姐的一番話, 高達無理由仲信智叔。雖然我都好同情智叔太太 ,但佢今次咁過份, 我0地無理由唔移動佢!!!
-----------------------------------------

寄件者: Raymond Luk
日期: 2006/4/24 下午19:02
收件者:改革派電郵組
主旨:下一步,再下一步,和再再下一步

剛過去的週末所收到的風,主要與我們組織的內部保安有關,請大家用心想想。......(三)智叔向匯點龍頭解釋有人指佢搞屎棍時,佢話唔關佢事,仲話高達派了臥底,所以好清楚我地一 舉一動。

就這些風聲,我會進一步找西門鄺幫手求證,事關智叔隨時會破壞匯點幫對我們的態度,對拉倒高達十分不利。總之,請大家小心。

----------------------------------------------

絕非馬後炮,你話在我腦海中有無曾經閃過下,十人名單件事唔係高達做呢?唔怕講我有。因為,我自己都解釋唔到,高達係呢個咁弱勢的時候,黨外認受性又唔高,黨內又不斷受批評,好似政改方案叫第二梯隊犧牲,訪粵又話不提六四平反等等,鋪鋪都咁杰,人家公民黨又來夾擊,民主黨的民望跌到谷底,他何解膽敢 冒咁大政治風險,偽造名單去迫害資深黨員呢?

如果說高達真係不惜去到咁盡,都要趕絕改革派的話,十君子在3月25號開完記者會之後,高達無理由咁輕易放過十君子,等改革派仲驚餐飽,以為在3月30號的特別中委會上,高達或主流派必定會借題發揮,狠批我們搞亂個黨,在傷口上撒鹽,我們甚至作好打不還手,罵不還口,以求獲得同情和過關,點知,我們不單止在特別中委會無捱批,高達之後亦無任何追擊改革派的跡象。唯一的解釋,亦係根據公公報料,因為係主流派內鬥,各懷鬼胎,高達受人夾擊,互相牽制下,特別中委反而和氣收場。

--------------------------------

「楊森、單仲偕借改革派打擊高達」

寄件者: Raymond Luk
日期: 2006/3/31 下午13:47
收件者:改革派電郵組
主旨: 李永達、何俊仁唔會知,今次出賣佢地,唔係少壯派,而係主流派

各位:

我一向認為馬丁與高達之間的關係,是主流派裏面的weakest link,打破這條link,我們才可從弱勢中走出來。今 次黨內外游說馬丁的工作,好明顯產生了效用。 另外,兩老之間的默契,以及他倆的共識和妥協,也是重要關鍵,黨內外游說馬丁睇要清楚成件事的「真相」,就是靠馬丁腦子裏的西方式政黨思維,才願意發功, 背後與阿叔講掂數,救了大家出險境。......雖然我們昨晚好似有了避難所,但大家千祈唔好太早高興住,張李楊集團的內 鬥,並不代表森哥與冼雞一定認同我地,仍要「聽其言,觀其行」,無謂太早以身相許!

但也並非叫大家按兵不動,既然森冼二人可以借我們打擊高達,我們也可以借番森冼來用,因此,本公公將與毛主席商量,如何在冼面前拋身送秋波。

[註:阿叔=司徒華 冼雞=單仲偕]

-------------------------------------------

話時話,當我發現特別中委會風平浪靜時,真係百思不得其解,何解無人聯手狙擊改革派召開記者會的事?之前都聽到少少風聲,話主流派內部有唔妥,咁何解張李楊,或達仁一派,或Martin司徒等人,完全無開火互擘?又到底十人 名單的幕後黑手,是高達,是主流派,是智叔,還是誰呢?實在有太多無法解釋的疑團, 令我越想越糊塗!幸好第二日,我收到公公的電郵(貼在上面那封),再加上咖哩傳來一篇放在blog上的文,文中分析特別中委的形勢,又與公公所 說極為吻合,想必也是知情人士,我才茅塞頓開,疑團一掃而空。

疑團盡釋 有blog為證
http://www.behindthetruth.blogspot.com/

星期五, 三月 31, 2006
醜惡的政治

我估今晚李永達一定訓唔著,因為佢發夢都冇諗過,今晚特別中委會入面,係佢背後 插佢一刀果個,唔係少壯派,而係張李楊集團入面?楊森。

尋晚民主黨中委,可以說完全體現乜叫政治權術同陰謀......事前全世界以為,少壯派會同主流派開拖,我尋日已經話,一定係和氣收場,因為馬丁唔會撐達仔,而主流派入面,一樣有人想取李永達而代之,今次係佢一個機會, 借少壯派嘅手,郁李永達。 所以當少壯派一早搵馬丁、華叔講和,再加埋少壯派頭目博士同佢地講明,唔會爭主席、選立法會,亦唔係想奪權、變天,只係唔妥李 永達,馬丁等主流派頭目,已經開始部署借勢郁李永達,今次楊森係中委幫少壯派,變相畀佢地班友好入黨,其實背後重有一 個人發功,我相信佢得到馬丁默許,再拉埋楊森倒李永達,我可以預先講,好大機會,今年年底佢會出?挑戰李永達做主席, 而且,佢好大機會會得到少壯派同主流派,重有馬丁支持當選!(當然,我都有份說佢做主席!)

李永達、何俊仁唔會知,今次出賣佢地,唔係少壯派,而係主流派,甚至連華叔都默許其事,所以佢地見到楊森倒戈果一刻,先係不知如何反應,然後黑面,但李永達更加唔知,入面其中一個幕 後黑手,係佢一個最信任?盟友,亦係想取李而代之嘅人。

--------------------------------------------------

真兄弟上

第5篇完,明日談收風人得悉主流派的內鬥詳情

0 Comments:

Post a Comment

<< Home