第14篇 a.公公獻計霖匯點 b.公公的中方聯繫

各位：

休息左兩日，精神好似好番少少，呢幾日有幾封comments入來回應我，等我唔使咁孤單，可以撐落去。

上星期五我講到，公公慫恿改革派策反九小福同主流派，其實點止咁簡單，佢又點會放過匯點系的人，因為觸智多謀的公公，又點會唔知道扯得越多人落水，製造黨內的矛盾就會越深，搗亂民主黨的陰謀就越容易得逞。所以，我今日貼出公公教改革派對付匯點系的電郵。我雖然當時都幾信，但而家睇番轉頭，就看得出多數根本是無中生有，老作，用來欺騙改革派，等我地以為可以利用匯點系，來搞他的黨內鬥爭。

嚴正聲明 :
以下是公公慫恿改革派策反匯點系的記錄

請傳媒勿歪曲原意　將謠言當事實報導

-----------------------------

a.公公獻計霖匯點

統戰馮公子　

寄件者: Raymond Luk
日期: 2006/1/17 　
收件者:改革派電郵組
主旨: Fw: 對黨改革的一些提議

你份人實在太過率直了！完全不懂得預測你對手的想法，會否利用你，...。馮公子可以統戰，但不是叫你走去佢面前大談互相支持的方略，...一定要同時算馮公子的該筆舊帳，但會「袒護」他做場戲草草完場，以換取馮公子做其打手馬前卒...。

這些人，若果沒有如張良般高人把他鋏制住，分分鐘會在背後及陣前出賣盟友，你還輕易信他？

[註：馮公子＝馮偉光]
-------------------------------

智叔曾是主流派收風人　

寄件者: Raymond Luk
日期: 2006/3/26下午22:14
收件者:改革派電郵組
主旨:高達及主流派在開記招後的反應

各位朋友：
十、主流派認為智叔一派，已完成監察和收風的歷史任務，毋須再與我們扮friend。

公公

[註﹕智叔＝黃成智]
-----------------------------

策動與匯點高層合流　

寄件者: Raymond Luk
日期: 2006/4/1 下午13:03
收件者:改革派電郵組
主旨:下一步，再下一步，和再再下一步

博士及各位：

昨日，本公公收到[S君]的電話，對於與匯點高層合流，佢一力支持，主動幫忙，除了找黨內的盧子以外，還可以找張良和張楚勇，到時我們的立場書，可以有更深厚功力的人士支援。
公公

[註：張良＝張炳良]
---------------------------------

秘密策反匯點系 由張良下令背叛高達

寄件者: Raymond Luk
日期: 2006/4/2 下午21:53
收件者:改革派電郵組
主旨: 下一步，再下一步，和再再下一步

政治上從來沒有永遠的朋友，亦沒有永遠的敵人。我希望你睇完以下分析，可以放開心胸去睇匯點派。

我認為凡不是我們，又不是高達的心腹，都可以是中間派，因此匯點系統也不例外。我明白從過去的歷史角度，你會睇匯點不順眼，但歸根究底，都不過是「向左走，向右走」的立場鬥爭而已。

匯點系仍然是關鍵的力量，我不是講過在過去的電郵討論中談過，為何盧子會出現於一月七日的清算咖喱范大會，講了一番特別的說話，反映出匯點系班頭頭，仍然想指染民主黨的內政。

早 在去年除夕在你辦事處那一次聚會，我們曾討論過分工，包括策反匯點系，以達到在年底大選關鍵一刻，由張良「下令」匯點系統背叛高達的計劃，我可以說，事情 在進行當中，而且進展還頗為順利，而這些接觸和聯繫，連現時黨內的匯點人馬，包括Z、蔣姨、公子、智叔、狒狒等人，都完全唔知道，如果俾佢地知到，曝了出來，就前功盡廢。你見唔到今次Z、智叔班人，以及公子的立場，都是散修修嗎？這是因為匯點龍頭還沒有頒下旨意，所以唔覺得佢地係乜立場。

公公

[註：Z＝黃偉賢，蔣姨＝蔣月蘭]
---------------------------------

Z支持34人名單　是統戰手段生效？

寄件者: Raymond Luk
日期: 2006/4/20下午22:42
收件者:改革派電郵組
主旨:高度機密，請勿外洩

各位：會議又討論過在現時的「過渡期」如何處理新入會申請，阿叔和第一夫人都主張要即時凍結處理，直至「五人小組」有結論為止，被Z強烈反駁，而大部份意見都傾向在「新制」未出爐時，沿用「舊制」。另一方面，Z今晚的發言，都好支持「34人名單」，要求盡快處理和通過，又批評仁哥的建議在實際效果上是阻礙民主黨招攬新黨員的發展，等於叫人唔過去「公文袋」那邊！

如果博士或占美有lobby過佢，咁即係代表我們「統一思想戰線」的手段，其實可以產生效果。（理得佢係唔係匯點人！）

公公

[註：博士＝陳竟明，占美＝黃俊煒]
----------------------------------

唇亡齒寒　爭取匯點舊部支持

寄件者: Raymond Luk
日期: 2006/4/24下午19:02
收件者:改革派電郵組
主旨:下一步，再下一步，和再再下一步

（二）匯點舊部較早時（唔清楚日子）召集了一次舊部眾的會議，分析最近的風波，佢地結論和立場傾向支持我們，這方面解釋了為何四月二十日的中委會，我們這麼容易就得到狄公和Z的幫拖，也正如我說的唇亡齒寒的道理。
（三）智叔向匯點龍頭解釋有人指佢搞屎棍時，佢話唔關佢事，仲話高達派了臥底，所以好清楚我地一舉一動。

就這些風聲，我會進一步找[S君]幫手求證，事關智叔隨時會破壞匯點幫對我們的態度，對拉倒高達十分不利。

公公

----------------------------------------

改革派兄弟對匯點的看法 留意狄志遠　是勝負關鍵

寄件者: Jimmy Wong
日期: 2005/12/16 下午13:09
收件者:改革派電郵組
主旨:東週刊對民主黨的報導

…。最后多留意亞dick的動態，條友又古或，又長頭 ... 又是勝負關關鍵。

[註：Dick= 狄志遠]
------------------------------------------------------------------------

b.公公的中方聯繫　

唔怕坦白講，我私下有用真兄弟0既名義，同個別改革派的兄弟姊妹通電郵，試下盡最後努力，尋求佢地的支持，總之搵到一個得一個。前兩日，我就收到一封回信，我認為佢0既意見係應該重視的。

-----------------------------
改革派其中一人問真兄弟 公公與中方有何聯繫

寄件者: 改革派其中一位兄弟
收件者: brother real
日期: 2006/5/20 上午 1:08
主旨: 向你求救 一齊拔針

真兄弟 我有d野想回應...
你點解你咁肯定佢係中方針呢,你在blog內仍未提及過喎,似乎你同佢仇口都幾深喎

--------------------------------

當 然，我係無親眼睇到佢收中方水搗亂民主黨，如果唔係，我呢段時間使咩諗爆頭。我之所以懷疑佢，係因為公公儲心積累搞甘多嘢，但我地同佢又唔係十冤九仇，佢 出於什麼動機，要咁出賣改革派同甘共苦的兄弟姊妹，害到我地同成個黨雞毛鴨血？答案是政治常識：誰在他掀起的民主黨內鬥之中最受害？誰最得益？誰會打賞 他，不是呼之欲出嗎？

公 公係咪中方枝針，本來我有 多ｄ証據，但大部分係在改革派兄弟姊妹飲食支部聚會聽到，尤其有人狂隊紅酒飲大左的時候，就會唔自覺咁漏口風，爆ｄ關於中方收水0既嘢出黎。雖然係我親耳 聽到，但無白紙黑字預左有人一定唔認，有人唔信，所以我只好依靠一ｄ公公暗示與中方有關係的電郵，証明有人一直與中方關係異常密切。

--------------------------------------------------

公公與阿爺的溝通人　就政治局勢聯繫溝通

寄件者: Raymond Luk
日期: 2005/12/8 下午12:16
收件者:改革派電郵組
主旨:用電郵討論反革命思想要小心

其二，本星期一與Jimmy做網台時，大家曾經談論過十二月廿一日否決了政制方案，對老左有著數。我有印象Jimmy提及收到風，話阿爺已不再緊張表決是否獲得通過，我只是想跟大家講，昨晚見過的溝通人，也向我提及同樣的信息，很明確指即使政改方案不獲立法會三份之二通過，也不會影響阿爺對小曾的支持。

其三，雖然溝通人想知大家對陳太有何睇法，但已定性無論如何不會考慮陳太，支持小曾做足七年，所以Jimmy話齋，原地踏步可以使陳太連提名都攞唔到，阿爺沒有損失。

其四，溝通人指為何小曾之前一臉風騷，是由於聽了大班的饞言，話泛民有得傾，仲話有十二票可以支持政府，並透露高佬私下與小曾有承話，話有某些讓步（例如承諾逐步取消委任）可以有得考慮。看來泛民一早傳出高佬立場軟化傾向讓步，所言非虛。

公公

On 12/8/05, Prof. KM Chan wrote:

再說一句，是革命思想，不是反革命思想。另，溝通者想我寫些具體達致普選的方案…………我寫完再給大家睇。

[註：溝通人=中方的聯絡人，阿爺=中方，小曾＝曾蔭權，陳太＝陳方安生，高佬＝李永達]

-----------------------

公公向中間人剖釋黨內情況

寄件者: Raymond Luk
日期: 2006/4/20 下午22:42
收件者:改革派電郵組
主旨: 高度機密，請勿外洩

各位：

幸 好今晚中委會上，達仁一派在備受博士篇文章的壓力下收了韁，不堅持在即晚通過，並且主動話交給「五人小組」處理，迴避爭拗......會議又討論過在現時 的「過渡期」如何處理新入會申請，阿叔和第一夫人都主張要即時凍結處理，直至「五人小組」有結論為止，被Z強烈反駁，而大部份意見都傾向在「新制」未出爐 時，沿用「舊制」。

仲有，阿叔今日正一老 奸巨猾一名。話說在中委會上，阿叔話「我冇電郵，份野（指仁哥份建議）開會時候先第一次睇，咁短時間點做決定...」，於是用這個理由贊成交由「五人小 組」審議。 但事實上，本公公今日傍晚收到的風，卻是達仁一派早已將「建議書」交給阿叔過目，但阿叔一雙字都冇講，唔肯表態，「中間人」仲問我點理解和分析阿叔既態度。

我答「中間人」，其實一字咁淺，阿叔唔講野，係立於不敗之地，即使佢個心係同意，但經過兩次畀高達擺上枱以後，佢費撚事任何一句，畀達仁一派楂在手，又公開講得到阿叔支持。

公公

[註：中間人=中方的聯絡人]

--------------------------------------

雖 然，在電郵唔係有好多料，不過，公公作為民主黨的資深黨員又係紀委，同中間人分析得個黨咁內部的事，而中間人又向他透露得咁多阿爺對政改的諗法，可見佢地 的關係非比尋常，已經唔係一兩次普通的聯繫，可以建立得到的互信。呢種不尋常的地下聯繫，再加上公公在黨內儲心積累破壞改革派與主流派的團結，要聯繫公公 與阿爺/中間人/溝通人，存在利益關係絕唔困難。

我之前都講過，好多人話你爭民主，中方唔搞你至奇。爛透了，個朵咁臭，咁唔長進，都是中方多年營造的目標。所以，公公的破壞，不難令人懷疑，他和他的後台是強勢的、得逞的、領了功的惡勢力。這個惡勢力，就是中方的間諜、情報、特務機關。

-----------------------------------

啟示: 從今天起，本網誌逢星期一、三、五晚出版。

寫左14篇，發現我最信任的公公，原來是殘害改革派和民主黨的中方奸細，加上事情錯縱複雜，要花大量時間去搜尋資料、整理思路、鋪排敘事次序，才能清楚表達，還有傳媒把我錯誤報導，要 不斷辯解和澄清，兩周來回憶往事，翻查電郵，令我開始懷疑，「奸細」係咪只得一個。我疲倦、矛盾、痛苦、已經心力交瘁，很想休息。奈何覺得，一定要警愓兄 弟姊妹、民主黨、乃至全港爭取民主的朋友，阿爺插針，毫不簡單，要睇到細節中的魔鬼，先知道咁嚴重同險惡，我們沉痛的教訓，每個爭取民主的團體，都有可能 (或正在)重演。兩難之下，唯有寫一日，回氣一日。請讀者見諒。

第14篇完，星期三晚談第二枝針。