第15篇 點解改革派兄弟姊妹唔信我反而包庇公公?

各位：

我覺得好心痛，我訓唔安食唔落，連個腦都實哂，好似諗唔到野咁，我再組織唔到手上0既材料，甚至連野都好似唔識寫咁，所以唔好意思，我今日只能夠做剪剪貼貼。

上 星期五，我私下寫左兩封電郵，分別比改革派的兩位龍頭大佬：P君同Q君，因為我懷疑佢地兩個都係針。但我唔敢講係咪自己的幻覺。我嘗試向佢地痛陳利害，話 要令改革派重出生天，唯一的方法係，由佢地兩個大佬帶領改革派的兄弟姊妹，聯署向中委會紀委會要求開除公公出黨。我收到咁既回覆：

-------------------

改革派兩名龍頭大佬回覆真兄弟求救的電郵

寄件者: 改革派P君
收件者: brother
real
日期: 2006/5/20 上午 9:11
主旨: Re: 向你求救　一齊拔針

I can only talk, sorry. Call me at XXXX-XXXX.
P.

----------------------

寄件者: 改革派Q君
收件者: brother
real
日期: 2006/5/20 下午 12:37
主旨: Re: 向你求救　一齊拔針

Real Brother,Your message noted. Thanks for protecting me.But I need sometime to digest.

Q.

--------------------

於是，我等了又等。但再無回覆。我咁辛苦寫左成十幾篇blog，到底改革派有無人比我說服到？佢地有冇人信公公係中方的奸細？點解大家水靜河飛？到底佢地有冇睇過我個blog?

到依家我只能夠肯定0既係，改革派至少有一個人睇過我個blog，因為佢電郵提過我上一篇blog講過的說話。但，呢個竟然係公公！

--------------------

公公在飲食電郵組中提到 真兄弟要搵第二枝針

寄件者: Raymond Luk
收件者:
改革派電郵組eatndrink@googlegroups.com
日期:
2006/5/23 上午 1:00
主旨: Re: 曾淵滄對我們的評論

Dear all,

as anticipated, the "real brother" will commence to talk about the "second noodle" in his next chapter. Be aware that who will be the next victim.

KK

------------------

因為咁，我覺得自己對P君同Q君的懷疑係啱的。佢地兩個都好可能係中方的針。除左一d我可以搵得到的証據外，我諗佢地明明可以要求開除公公出黨，來救番整個改革派同民主黨的名聲，但佢地唔選擇咁做。佢地一定係決定要毀滅改革派同民主黨，呢個正正就係阿爺的意旨。

我真係越來越痛苦，所以我諗起向兩位改革派兄弟求救：R君同T君。我寄望佢地可以幫我救我，所以我寫左呢封信比佢地。

-------------------
真兄弟請求改革派R君同T君救番個黨

寄件者: brother real
收件者:
改革派R君和T君
日期: 2006/5/23 下午 5:28
主旨: 請你行動，救番改革派同個黨

R君和T君﹕

我們改革派的希望，甚至民主黨的希望，最後寄託在你們身上了。請你們耐心聽我講。
這封信我只寫給你們二人，請不要傳出去。請你們二人稍商量後，就開電郵同我，共三人討論。當然，不可以告訢公公。也不可告訴十成九係中方奸細的P君和Q君。

我 自己也受過公公欺騙，初時我自己都唔信自己，但你們看過我的14篇blog，一定毫無懷疑公公呢條LT就是爆十人名單，害到我地雞毛鴨血的中方奸細。我相 信香港看過我個blog的，人人都信，而我們改革派經歷其中，更冇可能唔信了。改革派每一個兄弟姊妹，除了中方奸細，都希望走出當前困境。

剩下來是，我們可以怎麼辦？

我上星期五去信P君和Q君，陳述利害，邀請他們發起改革派聯署投訴，要求開除公公出黨，他們回覆只是不置可否，P君還是叫我通電話套 我現身。到現在等了四天，他們仍毫無動靜，未向我們徵詢意見，問好不好聯署要求開除公公出黨。

由我們改革派要求開除公公出黨，是最好的結局。

相反，如我們改革派不主動要求開除公公，等如在全社會面前認同呢個「政委」的惡行，等如在全社會面前承認同佢同撈同煲，等如在全社會 面前承認我地都係咁衰，咁咪邊度都唔駛去，改革派就一定冇前途。

假如P君帶頭去投訴，成個天都光晒，我地改革派恢復名譽，個黨確立派系文化,建立良性競爭,互相尊重，我地不但上到位，仲上得光光彩彩。

我同意宋立功的大和解，不失為我地改革派重建江山的方法，但公公已比我鬥到咁臭，撇佢係大和解必須的條件。越高調撇公公，就越有機會東山再起。由P君帶頭撇公公，就最有說服力。
可惜，P君和Q君有咁好機會救番我地同個黨，都蹺埋雙手，使我諗到公公在報紙爆十君子名單截稿前至少9小時已清楚件事，都蹺埋雙手，唔救我地，更核實我的懷疑﹕P君和Q君都係針。

三枝針都有共同特性。三個都是「無野心」上位的(梗係啦，阿爺打賞仲筍啦，仲唔使做到pk)。三個都是精人出口，由我地笨人出手的。 三個人除了搞奪權和煽風點火，對個黨其實都無建樹。唔似得你地兩個，真係為民主打真軍，捱生捱死。

公 公十君子事件蹺埋雙手唔救我地，是中方毒計。P君和Q君蹺埋雙手唔救我地，都是中方毒計。我認為他們已和公公及中聯辦心戰室商議決定，公公比我鬥臭了，橫 掂都死，就一定要整個改革派，即你地同我，同公公一齊陪葬，即把改革派趕盡殺絕，永世不得翻身。改革派是民主黨最進步的有生力量，殺絕改革派，民主黨得番 班咁唔中用的主流派把持，就實聽執笠。香港民主派力量就更加萎縮。

所以我說，我們改革派的希望，甚至民主黨的希望，最後寄託在你們身上了。請考慮，在改革派內，秘密搵夠五人十人，同三枝針太熟的暫時 不要搵，聯署上中委和紀委，要求開除公公出黨。

我是誠懇地請求你們的，不像我帶試探性質地叫P君和Q君去做。他們實在太形跡可疑，太多陰謀鬼計，太多講一套做一套了。你們就不同， 正直、勤奮、廉潔、高尚、有果句講果句，係做正經事的人。我也不是陰你們，因為如果我夠膽，我都會咁做。

請你不要因為我的匿名身份，就硬係往壞處想。你不如就想像，有一個平日傾得埋的兄弟，好困擾，希望走出當前困境，約你們出來吃飯，講 出我以上同一番說話(其實我好想咁做)，你們就作出最真誠最自然的反應，是不是一樣會去中委和紀委，要求開除公公出黨？

即請你們純粹地，獨立地考慮我的提議，不要被我的匿名身份所干擾。即使我是最最凶險的敵人，只要是好橋，你諗清諗楚，冇陷阱，能為改 革派同民主黨好，都可以用嘛。

其 實，我的重大發現之初，行錯左一步。我以為要慢慢逐步逐步講出來，大家才會相信。所以我決定全個派十七人都發信，而唔係一開始就撇左公公。我以為一開始就 撇左公公，即擺明針對佢，佢就會用幾百條計來封我口。或者，我當時應該就約你地兩個出來密針，有人信我，有商有量，我就唔使起個blog，可能唔會搞到咁 大鑊，都拔到針。不過，我當時都未睇得咁清楚，搵人密針，更有可能係搵左P君和Q君而唔係你地，咁就真係死多幾錢重。

蝦，假如我的真身(唔話係真兄弟)，真係約你們出來吃飯，講出我以上同一番說話，請你地一齊帶領改革派同個黨走出三枝針的困境，你們會點？

又或者，我的重大發現之初，約你地兩個密針三日三夜，你地當時會唔會信我？

唉，不過生命冇take
two。點都好，既往不究了，知來者之可追。我們向前看吧。

最後，不要擔心出來作證要爆咩料了，有關的我都爆左五成，你爆埋出來(不過請學我盡力護住好似我地幾個無辜受騙者，同隱瞞d私人 野)，都所差無幾，也不算出賣誰(除了三枝活該的針)，反而成為大和解的英雄，改革派和主流派都多謝我地。

及 早行動比較好，我明晚就會開估，係我叫過佢地去中委紀委而佢地唔去。所以，你地明晚之前向中委紀委遞信，就最好，因為不會比人以為係見別人有難，才去做 的，而是真正為改革派同個黨好。就算一時搵唔夠五個簽名，入左信再算，最多同恒利職員說，尚有其他簽名，遲d補上。係喎，簽d有把握的，遞左上去先，才搵 同三枝針較熟的，佢地就要阻都阻不來，但又唔算唔搵佢地。這比較好。

當你搵到我，我要鼓勵自己，勇敢d，大哥你地肯出頭，我簽咪簽。

我已經筋疲力竭，請你地唔好再玩我，請來信真誠商議，實現我最初的呼籲﹕救番改革派同個黨。

真弟

------------

寫左呢封信，我滿懷希望，只要R君和T君叫我地聯署，我地同個黨都有得救了。

點知……

------------

寄件者: 改革派R君
收件者: eatndrink@googlegroups.com
日期:
2006/5/23 下午 8:40
主旨: Fwd: 請你行動，救番改革派同個黨

各位：真兄弟又再出動，進行挑撥離間了。R君

------------------------

R君將我的整封信傳給改革派的飲食電郵組，即係包括公公、P君同Q君。我整個人崩潰了，真係一殼眼淚。

無幾耐，連T君都在我破碎心靈上，踩多一腳......
------------------------

寄件者: 改革派T君
收件者: eatndrink@googlegroups.com
日期:
2006/5/24 上午 12:20
主旨: Re: 請你行動，救番改革派同個黨

各位：
請大家按兵不動，任由他發癲罷了。

T.

---------------

點解我所有的兄弟姊妹都唔信我？你地係咪受公公迷惑到連我提出咁多證據，都睇唔到事實真相？還是你地統統都係中方的奸細？但冇可能0既，冇可能0既。R君同T君唔會係格！你兩個明明係好人黎格！

點解？點解？點解？點解？點解？點解？點解？點解？點解？

有冇人答到我？有邊個救到我？

我真係寫唔落去，各位對唔住，第二枝針我只好推遲到星期五至講。

第15篇完，後天續