第16篇 民主黨開親會，中方特務即時得悉內情

各位黨友﹕

我仍然好沮喪，R君和T君將我請佢地拔針救黨的秘密計劃，第一時間講比枝針知，我諗左好多。我想再寫信畀二人，盡最後努力，不過既然佢地都會即時通知公公，我不如就寫公開信算了。我真係希望佢地信我，唔好再耍我。

首先，寫信畀R君和T君之前，要同黨友重溫其中內容的背景﹕

3月9日 星期四 中委會
收到34個入黨申請，是平常申請數目的十幾倍，甚至幾十倍
中委會押後處理

3月16日 星期四 中委會
決定成立專責小組，研究改善入會制度，及同中方接觸的匯報制度，當晚向記者公佈
同時公佈有黨員拒收中方大筆金錢

3月18日 星期六
明報和蘋果刊出「涉嫌滲透民主黨十人名單」，改革派全力反擊陷害我地的黨主席高達(十多天後公公才傳出陷害我地是另有其人)，傳媒連續幾日大吹大擂民主黨內訌，市民對民主黨更失望

3月25日 星期六
改革派召開記者招待會，要求民主黨還我清白，傳媒又連續幾日大吹大擂民主黨內訌，市民對民主黨(所有派別)又更失望。

(橫掂講開報導和失望，不如講埋﹕真兄弟有重大發現，先後告訴改革派、中委會、150位黨員，請關注及想辦法拔針，5月16日明報和蘋果報導「重大發現」網誌，傳媒十天來對重大發現幾乎隻字不提，只是又連續多日大吹大擂民主黨內訌，市民對民主黨又再更加失望。)

4月20日 星期四 中委會
經過激辯，申請入黨的34人多數順利入黨，只餘少數有待技術處理，中委會約晚上十時結束

4月20日 星期四 中委會結束後20分鐘之內
公公向中方特務詳細匯報和分析中委會的內情

4月20日 星期四 公公向中方特務匯報後
公公寫了以下封信給改革派(第14篇曾刊出，今重刊)

---------------------------------------------
公公漫不經意地透露了特務的身份

寄件者: Raymond Luk
日期: 2006/4/20 下午22:42
收件者:改革派電郵組
主旨: 高度機密，請勿外洩

各位：

幸 好今晚中委會上，達仁一派在備受博士篇文章的壓力下收了韁，不堅持在即晚通過，並且主動話交給「五人小組」處理，迴避爭拗......會議又討論過在現時 的「過渡期」如何處理新入會申請，阿叔和第一夫人都主張要即時凍結處理，直至「五人小組」有結論為止，被Z強烈反駁，而大部份意見都傾向在「新制」未出爐 時，沿用「舊制」。

仲有， 阿叔今日正一老 奸巨猾一名。話說在中委會上，阿叔話「我冇電郵，份野（指仁哥份建議）開會時候先第一次睇，咁短時間點做決定...」，於是用這個理由贊成交由「五人小 組」審議。 但事實上，本公公今日傍晚收到的風，卻是達仁一派早已將「建議書」交給阿叔過目，但阿叔一雙字都冇講，唔肯表態，「中間人」仲問我點理解和分析阿叔既態度。

我答「中間人」，其實一字咁淺，阿叔唔講野，係立於不敗之地，即使佢個心係同意，但經過兩次畀高達擺上以後，佢費撚事任何一句，畀達仁一派楂在手，又公開講得到阿叔支持。
公公

[註：中間人=一般指中方的聯絡人，但從文理和時序理解，今次是公公聯繫的中方特務]
----------------------------------------------

真兄弟致改革派R君和T君的公開信

尊敬的R君和T君﹕

我地一齊打併咁耐，真係唔想失去你地兩個朋友。請耐心聽我講，拔針救黨，大和解。

4月20日我們收到公公以上的電郵，走漏了眼。其實，星期一我第一次刊出這封信，仍是走漏了眼，所以說了﹕「雖然，在電郵唔係有好多料，....」。

其實，呢個電 郵的發出時間隱藏左重大玄機。中委10:00pm開完會，公公 10:42pm發信給我們，短短的42分鐘，特務的輕舟，已過萬重山﹕公公已經完成一連串工作，包括向中方特務機關，匯報中委會重要的細節、提供分析、討 論每名中委的發言、取向、立場、態度、背後原因、和互動情況。之後，公公仲剩番廿幾分鐘寫電郵比我們，炫耀自己的分析力。向我地炫耀，得個威字。但佢向中方特務炫耀和供料，得到的郤是重用和實利，可以推論，佢講畀對方知既野，多過以上電郵講畀我地知既野。

仲 有，短短20分鐘，就能充分交流，從事實到分析，從取向到互動，咁有效率，顯然唔只係會後交流咁簡單，而係中方特務在中委會之前，公公已經清楚匯報過情 況，所以對方一早已經深入了解議程的背景，唔係點會即刻識問點解司徒華唔表態。正等如，初黎步到我呢個網誌的讀者，睇20分鐘，肯定唔知定。

咁樣睇黎，好可能每逢中委會，公公同中方特務都有個標準程序﹕事前評估形勢，事後匯報分析，而且有可能係，雙方都唔止得一個人，而係雙方都有多人，組成情報小組，會前會後標準化地交流，呢個可能性極高。

即係話，民主黨領導層開親會，都被中方特務「及」到實一實。以往係咁，而家係咁，如果拔針不成功，將來都係咁。更加唔使講，我地改革派一舉一動，一樣被中方特務「及」到實一實。我地的改革理想怎可能實現？

以上只講到情報的搜集。但情報的價值，在於指導行動。請想想，公公次次跣料畀報紙，傳媒次次詳細報導，公公同龍頭大哥多次領導我地內訌，使市民平均每三個月對我地加深失望一次，又點止情報搜集咁簡單，回想公公有板有眼煽動我地做咁多大動作，周密地部署在會上發言，佢地極可能係破壞改革派和民主黨的心戰室、行動部。

公公同中方特務聯繫的頻密、深入程度、全盤出賣改革派同民主黨的機密，仲去明報蘋果跣我地屈我地，再帶我地開錯炮，我覺得佢唔係同中方特務爆我地的機密咁簡單，而係中方派入黎改革派同民主黨搞破壞的特工。

R君T君兩位，咁既人，點解你地仲要信佢？呢個出賣民主事業的叛徒，點解你地仲要群埋佢，保護佢？我邀請你地拔針救黨的秘密計劃，點解你地第一時間通知佢？點解要打沉我地可以救番改革派同個黨的計劃？點解唔單止忠於公公，仲要扑到向佢表忠？

你地咁信佢，或者你會話，中間人問一句點解司徒華唔表態，公公答一答之馬，使乜推論到咁遠？咁仲死，如果唔係公公供料，就有其他奸細，第一時間供料畀特務，咁特務至識問公公，點解司徒華唔表態。

又或者你會話，中間人問一次中委會的事之馬，點可以話公公長期同中方特務都有個標準程序，評估、監視、匯報和分析每一個中委會會議？

咁都有另一大問題，點解中方特務對其他中委會冇興趣，偏偏對4月20日處理34人入黨的中委會咁有興趣？莫非34人申請入黨，正是......

第16篇完，星期一晚續