重大發現

最重大的發現是﹕中共派了兩個半特務滲透民主黨。他們的任務是,製造內訌。即使沒有內訌,兩個半特務也會無中生有,並得到多張報紙的配合,營造民主黨月月內訌、天天內訌的印象,使市民誤會民主黨只知內鬥、不長進、不爭氣,因而不支持。民主黨內出現許多奇特的言論和行為,原因在此。

Tuesday, May 30, 2006

第17篇 種票都係中方的陰謀?要同時炸死改革派同主流派?

續大前天的公開信......

尊敬的R君T君﹕

種票,即係我地拉好多人入黨,等今年12月會員大會時可以夠票上場執政, 無話 奪唔奪權,我同你地一樣,深信公公的道理,這是合情、合理、合法的行為,亦係民主黨改革的關鍵,反正佢話主流派都大量種票啦,種票只係公平競爭,係無可厚 非,應該理直氣壯至岩。所以,在種票問題上,我都支持過公公同占美。

其實,我都努力搵過一d親戚朋友,遊說佢地入黨。但個黨成日內訌聲譽 又 差,多數都話冇興趣。一係就話唔得閒,咁我話唔得閒開會可以授權畀我投票。之佢地又話無端端要俾錢,嫌三百元入會費貴,就係呢度「咳」住左,我都鬧自己對 改革派冇貢獻。所以,當占美搵到三十幾個街坊申請入黨,咁踴躍,一共九千幾銀都肯俾,我又欣賞,又慚愧。

但係今時今日,咁既諗法已經唔得。經過我的重大發現,公公係中方派入黎改革派同民主黨搞破壞的特工,証據咁明顯,佢既每一個重大主張,你地話係咪應該重新審視?萬一種票人都係中方奸細,咁由佢種的票咪好可能都係中方奸細?咁成個黨豈不是變質?

記 住,黨中央每個會議,中方特務都即時知悉內情,而我地改革派的一舉一動都被監控,更可能我地咁多計劃(包括種票)都係中方設下的陷阱。你地話係咪一定要好 好檢視,至唔會中計?仲要仔細睇下,邊個同公公最積極一唱一和,邊個好似最猴急要呢三十幾人入到黨?邊個呢次種票種到一鑊泡,但當我地質疑種票計劃有唔妥 時, 最幫公公壓制我地異議既人,係邊個?

仔細回顧種票計劃,請一齊深思,有邊個人特別唔妥,請同我討論,拔針救黨。

----------------------------

今 年3月9號,有34人申請入黨,多數來自新界東,有人話當中16人共用3個地址,致電申請人時又有10人聯絡不到,又話有申請人唔知要交三百蚊入會費,仲 搞 到有幾個要由占美回覆話退出唔入黨。我地當然清楚,呢三十幾人,全部係占美搵番黎(電郵都有講)。所以一連串事件,包括成立拉登小組,公公爆十人名單,我 地反擊又成為民主黨一次內鬥,歸根究底,全部都係由占美的種票件事帶頭引爆0既。

我地好多個月前,已經談論過,種票要小心,警告過,招兵買馬不要招搖﹕
寄件者: 改革派U君
日期: 2006/1/6 上午0:37
收件者:改革派電郵組
主旨: 今晚一聚 2.星期六午飯一聚

招兵買馬當然不要咁招搖, 會員申請可以分區分批呈交, 推薦人要盡量分散, 甚至不填寫(我當年入黨也是無推薦人的!)只要隱藏底牌, 間中又製造一些煙幕, 年底爭取最終勝利仍然是有機會的!
---------------------------------
3月9號占美遞34人申請,又做乜一次過同一區三十幾人咁招搖?好似要埋個炸彈等爆咁?

種票之後,公公爆出十人名單,仲誤導我地話高達想「求和」,咁我地都想求和,因為始終覺得呢次種票係粗疏同理虧的
寄件者: 改革派X君
日期: 2006/3/21 上午07:06
收件者:改革派電郵組
主旨:今日最新形勢分析(個人意見)

各位:
......

似乎今次高達無諗過玩得咁大,想查我們一件小事變了捉滲透,比傳媒放大了滲透多於34人入會,因為一捉既時間,佢地個方面的兄弟內線比我們更多更廣,麻煩自招!所以要call我地暗示叫停!

我的認為就是算了罷,只需要佢和我地十君子開次記者會澄清番就掂,當然俾我地x一鑊先!因為今次首先理虧的是我們,一次粗疏的種票事件,俾佢有位入我地,然後到佢地開火時過了火,燒親自己要叫停,所以拎番個彩當打和算啦!要求佢過晒呢班友,不再查我地都己經好好了,因為我們犯錯在先!
-----------------------

改革派雖被公公欺騙,但仍有兄弟三分清醒,一再告誡我地不可盲動
寄件者:改革派X君
日期: 2006/3/21 下午13:16
收件者:改革派電郵組
主旨: 321news

公公:

你也說勝券在握,但要小心行事,好多賭仔既心態就係呢鋪贏,好興奮,再博,可能都贏,第三口先輸番晒落去,你就仆街啦!

所以我仍相信呢鋪贏番之後唔好再博住...謀定而後動,因為始終都係個莊旺嘛!

U君給了我一個意見,因為佢[註:高達]仍可以篤爆我地種票,到時我地會蝕呀!

況且佢打電話來同我地咁講,佢知衰,但仍未是迫到佢同我地講數的階段,所以你過份強政反而蝕的。
-------------------------------------

公公眼看事件一旦理性降溫,將會改寫中方特務心戰室預設的計劃,無法實現改革派同民主黨的最大衝突,市民的失望就達唔到指標,於是大罵求和降溫的兄弟﹕
寄件者: Raymond Luk
日期: 2006/3/21 下午14:31
收件者:改革派電郵組
主旨: 321news

我們在「種票」問題上經已討論過很多次,點解仲要怕公開?點解仲怕蝕底?你仲當黨內兄弟、傳媒和市民係lu lu?你話唔係「種票」仲會有人信嗎?點解仲要欺騙黨內外呢?

我們「種票」也是按黨章的規則,揭開又有甚麼問題呢?點解唔用正面觀看,這是公平競爭呢?唔通人地又信佢地冇種?
-----------------------------

呢個時候,誰幫公公口壓制我地的異議?誰比公公更咄咄逼人?
寄件者: Jimmy Wong
日期: 2006/3/21 下午21:34
收件者:改革派電郵組
主旨: 華叔收韁

大家想想,高達真係講和?條件呢?果31個cases可以算咪?10君子的清白可以算咪?你地可以我吾可以。mud
?叫做見好就收?大家現在好好咪?31個case餃吾惦,改革派宣言出吾到街,吾食住lee個勢凸顯高達無能,大家就真係好好地兵年底收工。記住,經過 lee次,冇人可以洗底

所以唯今之計,就是公開果34個case的實情,再次解釋廣州之行的真相,為大家討回公道,大大力插高佬一刀。再在主流派混亂之際再推出改革宣言,使我們由做反份了變成正義之師。再在網臺一連幾星期討論民主黨的出路,使黨內改革成2006大選主提,我地才可得到最后勝利!這是我向大家最后advice,也是革命的真相!
------------------

U君畀人話佢好似要背叛革命,不單半夜回電郵駁斥,之後更提出務實方案
寄件者: 改革派U君
日期: 2006/3/22 上午02:06
收件者:改革派電郵組
主旨:華叔收韁

3.高達只要批准34人入黨,解釋所謂”調查”名單之後,他跟本無需要同改革派談判什麼。現在改革派仍然未有完整綱領,手上票唔夠人多,元老又唔支持,只要對手將會大氣氛推至黨分裂的邊緣,改革派勝算根本唔高!

4. 同意高達現時弱勢,但改革派是無本錢去等。應該盡快迫佢談判,底線是要還所有人清白,34人可以入黨,如果可以爭取炒廷公公就最好,不過就不要妄想可以迫高達及拉登落台或者道歉
-----------------------
寄件者 :改革派U君
日期: 2006/3/23 上午00:04
收件者:改革派電郵組
主旨:華叔收韁

我不想和公公爭辯。只想指出如果有好策略(策反九小福),
就不要因為突發事件打亂佈署。寫政綱、策反、遊說中間派,
全部都不可能短時間完成。這就是"現在實力未夠,草率發難只會招來滅亡"的意思。一個危險的發展,
就是要迫高達和拉登落台, 到時元老們一定發功,改革派未做完以上三件事已經被趕盡殺絕!
這是九鐵經理和89學運的教訓!

我做事從來強調危機感, 我幫R君做選舉, 直到勝券在握都絕不放鬆,
這一點R君最清楚。所有行動要以為「十君子」平反及准34人入黨做主軸,宣揚理念作副線。這些行動我一定支持,
到平息風波, 大家冷靜下來之後, 再好好討論撰寫改革派理念,這一點我願出力。
---------------------
但係,占美當U君死既,你有你務實,我有我高喊戰鬥。
寄件者:Jimmy Wong
日期: 2006/3/27 上午07:03
收件者:改革派電郵組
主旨: [Fwd: 326news]

Dear All,This is the last battle. Bring your wife, girl friend(s), friends to join the party.

If we can have 80 vote, we can win.

jimmy
-----------------------------
龍頭大哥都睇得出,種票已打草驚蛇﹕
寄件者: Prof. KM Chan
日期: 2006/3/27 上午09:54
收件者:改革派電郵組
主旨: [Fwd: 326news]
Jimmy: 呢招已好難再用了。KM.
--------------------------------
占美仍死撐,仲有埋時間表同遠景﹕
寄件者: Jimmy Wong
日期: 2006/3/27 上午10:35
收件者:改革派電郵組
主旨: [Fwd: 326news]

Dear KM,

Unless we never want to win. If we cannot make it this year, we can still come back in 2008.

Jimmy
--------------------
兩位,你地記得嗎?經過上述務實和冒進的衝突,政委公公曾「封筆三天」﹕
寄件者: Raymond Luk
日期: 23-Mar-06 22:34
收件者:改革派電郵組
主旨: Re: 回覆: 下週四(30/3)晚開特別中委

各位:

有成員告訴我話件事的處理呈十分膠著的狀態,好似進退為艱,因此這兩天我寫好多瘋言瘋語,志在令大家大腦唔好麻痺,刺激大家回應,點知過了火位,令部份看官頂住度氣

為此,本公公鄭重向博士、X君、R君、U君等人公開道歉,賠個不是,可謂勇氣過於高達!並且決定在這則電郵之後,封筆三日,靜思己過
-----------------------
睇黎直頭係中方特務心戰室判定公公過左火位,搞到改革派自己插自已,所以指令公公收聲。但民主黨的內鬥點可以停息?係呢個時候,係邊個接手執行心戰室統戰、攻心、策反的一貫政策? 仲執行得一樣咁有板有眼,一樣咁周密添?
寄件者: Jimmy Wong
日期: 2006/3/29 上午10:10
收件者:改革派電郵組
主旨: 立場和共識

Dear All,
i) I have contacted Mr. Mark LEE/ Siu Pak/ Z and Dick. The following conclusions are drawn:
a) Z promised to criticize the chairman for his mishandling of the whole series of event and he agree to pass all the new members applications;
b) Mark/ Siu did not want us pushing too far and radical;
c) Dick only wants to be the mediator of the up-coming meeting.
d) All of them agreed that new members application should be passed.

So I would suggest the following:
i) K M and Gary hold your criticism until Z fires;
ii) If Uncle Wah fires, U/ V/ T speaks out their grievances;
iii) X and I clarify the new members issue;
iv) I will request Chairman to explain the proceeding of the new members in these few week
v) You gays can request the party to explain to the public that you have no relation with any officials from the mainland.

jimmy
[註﹕這次中委會,審視34人入黨和十人黑名單等一連串事件。
KM, Gary, U, V, X and T = 改革派成員,有些是中委,有些是列席。Mr. Mark LEE, Siu Pak, Z, Uncle Wah and Dick = 非改革派的中委]
-----------------------------
封筆十二日,公公才再出手為種票獻計,主張黎多鑊甘既,再種廿票
寄件者: Raymond Luk
日期: 2006/4/4 下午14:36
收件者:改革派電郵組
主旨:替特區政治的「反對焦慮症」看看病

占美:

我建議若你還有二十人在手,不如在本月遞表入中委會,等達仁一派仍然以為我們步步進逼我會繼續派人去挑撥丁丁及YS陣營,務求令丁丁及YS靜極思動,想想我們進步派是奇貨可居,以此遠交近攻,希望年底可以不戰而屈人之兵。

公公
[註﹕丁丁=李柱銘,YS=楊森]
-----------
占美立即和應
寄件者: Jimmy Wong
日期: 2006/4/4 下午17:28
收件者:改革派電郵組
主旨:替特區政治的「反對焦慮症」看看病

Dear All,

聽說V君仲有?個applications。?人歲?佢入表。
至於我手上的20飛,我會在四月份上12-15個。4月中委又玩滲透!
(有無人敢做和議人!)
X君,震唔震?

jimmy
[註﹕電腦常出怪獸字,第一句的原字已不可考。大約意思是﹕「聽說V君仲有某個數目的入黨申請。搵人說服下佢入表。」]
-------------------

4月20日,即係通過34人當中多數人入黨的那個中委會前幾小時,占美貫徹中方心戰室計劃,指揮策反和攻心
寄件者: Jimmy Wong
日期: 2006/4/20 下午16:49
收件者:改革派電郵組
主旨:高度機密,請勿外洩

Dear K M,

Try to use the tactic that I use during the previous 特別中委,try to contact Z and 馮公子,try to contact 家偉 and 志偉,again let Z be the first fire. Then you, R and T fully support Z.
KM, we don't have much time left. If you agree you need to act now.

jimmy
[註﹕KM, R and T =
中委之中的改革派成員。Z, 馮公子、 家偉 、志偉 = 中委之中的非改革派成員。]
--------------------------
寄件者: Prof. KM Chan
日期: 2006/4/20 下午16:55
收件者:改革派電郵組
主旨:高度機密,請勿外洩

I am working on it. KM.
----------------------------
占美的部署十分成功(34人多數順利入黨),而公公則積極在會前出賣民主黨議程和有關背景,在會後第一時間匯報和分析會議詳情(詳見本網誌第16篇),並鼓勵兩位出面的龍頭大哥
寄件者: Raymond Luk
日期: 2006/4/20 下午22:42
收件者:改革派電郵組
主旨:高度機密,請勿外洩

各位:

幸好今晚中委會上,達仁一派在備受博士篇文章的壓力下收了韁,不堅持在即晚通過,並且主動話交給「五人小組」處理,迴避爭拗。

Z今晚的發言,都好支持「34人名單」,要求盡快處理和通過,又批評仁哥的建議在實際效果上是阻礙民主黨招攬新黨員的發展,等於叫人唔過去「公文袋」那邊!如果博士或占美有lobby過佢,咁即係代表我們「統一思想戰線」的手段,其實可以產生效果。

......,「中間人」仲問我點理解和分析阿叔既態度。

我答「中間人」,其實一字咁淺,阿叔唔講野,係立於不敗之地,即使佢個心係同意,但經過兩次畀高達擺上?以後,佢費撚事任何一句,畀達仁一派楂在手,又公開講得到阿叔支持。


公公
---------------------

兩位,重溫我地重票件事,我有兩個疑問。

疑問一
占美咁積極種票,可以有兩種可能:一係占美太熱心,所以好似我同你咁被公公蒙騙。一係占美根本知公公係中方特工,而且佢自已都係,裡應外合為中方心戰室工作。 邊種可能大d?

疑問二
點解占美的種票計劃咁粗疏?話 係話入黨有程序,申請係按本子辦事,但我地都提過千萬唔可以打草驚蛇,招兵買馬唔好招搖,點解占美居然種得咁粗疏?我地明明可以種得好d無咁礙眼,咁年尾 改選至有望,仲唔使捲入內鬥醜聞。種票手法咁拙劣,係人係鬼都知有野。3月9日34人已經「禍」成咁,4月4日仲話整多20人遞表,好彩冇人夠膽提名,先 至不了了之。

種票件事搞到一鑊泡,一係占美好蠢,唔記得改革派兄弟的忠告,所以種票種得咁粗枝大葉,到4月4號,已經兩敗俱傷,都未知死,仲和應公公再提20個入會申請。但佢點會蠢完一次又一次?我地都知種票high左野,佢點會唔知?

如果占美唔係蠢,就係絕頂聰明。種 票件事完全在佢地計劃之內行事,不過,佢地種票同改革派0既目的唔同,改革派係想在改選羸出,但佢地只想利用件事來牽起內鬥,令民主黨同改革派傷重身亡, 咁就一石二鳥。佢地故意粗疏,等種票驚動主流派,搞到要設個五人小組去查,呢個就係最好時機漏張十人名單畀報紙,將改革派兄弟姊妹包埋係裡面,咁改革派受 屈梗會全力反擊,以報紙的習慣又一定話內鬥,市民的支持自不然又創新低,目的就達到

為左令件事更惡化,為左令大家一鑊熟,佢地仲想翻炒條橋,占美於是4月4日仲想種多廿票,咁實行又打多場消耗戰,連改革派都要搭沉船。因為之前我地受誤導,亂打高達,然後又指智叔又指冼雞,一round又一round,由改革派四圍挑起內鬥,若再招搖進迫,種多廿票,又多一round,咁占美就達到目的,得到中方心戰室獎賞。

我兩個疑問,幾種答案,邊個至0岩,兩位自已識諗。

當然,我自己都有結論,但始終兄弟一場,又唔能夠百分百肯定。我提出咁多證據,如果你地唔同意,可以話我知我錯係邊。如果係我唔0岩就最好,咁我大可以封筆,有覺好瞓。.

我好需要你地兩位的幫忙,好似之前咁給我意見。

真兄弟

-----------------------
第17篇完,後日講可能有第三枝針

1 Comments:

Anonymous C.L.K. said...

I don't think that Jimmy is another needle.
Although we can see that Jimmy is a bit 激進, maybe he is just misleaded by the real needle Raymond Luk (like the rest of DP).
Well, we still don't have enough evidence to show that Jimmy is another needle.

Another thing is that, can 阿爺 insert so much needles into DP???
I would wait for more evidence.

Tuesday, May 30, 2006 3:29:00 PM  

Post a Comment

Links to this post:

Create a Link

<< Home