第18篇 博士係咪針？請討論，請指教。

再續前天的公開信

兩位兄弟：

我今日想同你地談談博士呢個人。

你地記得上一屆民主黨選舉，你地叫我選博士做主席嗎？我當時覺得佢係大學教授，一表人才，斯文優雅，熱愛民主，一新耳目。所以我唔止投左佢一票，就連自己的授權票都全部投俾佢。可惜仍然唔夠票，後來只執番個副主席做。

舊年政改方案時，博士曾廣發電郵俾好多民主黨黨員， 狠批張文等主流派為124大遊行降溫，我地改革派，為124大遊行捱生捱死，果把死人白紙扇竟然想撥熄我地咁辛苦調動起來的群眾熱情，真係慶過辣雞，尤其 是T君你，仲在眾多黨友面前喝令幫佢地拖的嘍囉退黨。博士就嬲到杯葛中委會，連佢地辯解話冇降溫的廢話，一句都唔肯聽，可見佢好唔妥阿爺，一定要大遊行成功。真令我佩服﹕

-----------------------------------

博士批評張文妥協　為124大遊行降溫

寄件者: Prof. KM Chan
日期: 2005/11/25 上午12:30
收件者: 約100個民主黨黨員
主旨: 抗議張文光言論未經討論已為黨定調

各位：愈來愈體會到，作為黨核心之一，參加中委之類的會議，是無意義的。因為立法會議員隨口說的，便是黨的立場了。主席說立會要押後投政改方案，張文說可在立法會討論時間表，齊齊為124降溫，這些都是中委或中常討論過嗎？這樣子誰有興趣參與黨內討論或參與黨務？？本人將停止參加黨中央會議至十二月四日止以示抗議。陳竟明。

----------------------------------

寄件者: Cheung Man Kwong
日期: 2005/11/25 上午9:24
收件者: 約100個民主黨黨員
主旨: Re: 抗議張文光言論未經討論已為黨定調
各位：我已直接與陳竟明聯絡。我的觀點，可見今天《明報》論壇版，只是回應梁文道前日的質疑，說民主派可否告訴上街的市民：124後怎麼辦。我說：要將普選時間表立法。立法的事當然要在立法會討論，何來新意，更沒有改立場。張文

----------------------------
陰濕的張文以上的辯解，大義凜然的博士當然完全聽不入耳。另一方面，蘋果說民主黨有妥協派，佢就完全相信，因此非常痛心。博士嫉惡如仇的人格，令我更尊敬﹕

寄件者: Prof. KM Chan
日期: 2005/11/29 上午 8:52
收件者: 民主黨黨員
主旨: 據李先知講，原來黨內有妥協派！

各位：小弟一早已把同人溝通的感受講出來。原來有人妥協，怪不得中央話政改明益民主派，問點解唔收貨。小弟早在九月便撰文分析了情況，並求黨中央要有明確主調和立場。惜沒反應連編糖衣毒藥被人罵到飛起。原來妥協派不理中委，自行溝通。唔知中委應否請哂同人溝通過的人講過乜，同做個聽證會呢？當然今日大局為重，團結第一，但人民不會忘記。竟明。

--------------------------------------

政改方案件事，博士大罵張文同主流派妥協，博士同中方條界線劃得好清。對於同中方的中間人溝通，佢立場堅定，警告主流派因住阿爺d糖衣毒藥。今次蘋果說民主黨有妥協派，佢就在成個黨面前大罵「妥協派不理中委，自行溝通」，指出人民不會忘記，真係正氣，佢係我既大英雄。

但係，大遊行之後，在改革派的小圈子內，博士又透露佢自己「不理中委，自行溝通」，仲溝通得相當親切，又唔算係妥協派，人民又應該忘記，使我開始有少少奇怪﹕

寄件者: Prof. KM Chan
日期: 2005/12/8 下午12:16
收件者:改革派電郵組
主旨:用電郵討論反革命思想要小心

溝通者想我寫些具體達致普選的方案…………我寫完再給大家睇。

[註：溝通者＝中方的中間人，聯絡人]
----------------------------------

雖然有d奇怪，我仍然同你兩個一樣，尊重博士，因為佢係改革派的首領。正如占美話偈﹕

博士帶領改革派，深得信賴　

寄件者: Prof. KM Chan
日期: 2006/2/2 下午14:31
收件者:改革派電郵組
主旨: Fw: 對黨改革的一些提議

各位：新春伊始，我們應來搞個集思會。如何？去T君辦事處或去我火炭家中。18/2 下午？？KM.

-----------------------

寄件者: Jimmy Wong
日期: 2006/2/4 上午10:49
收件者:改革派電郵組
主旨: Fw: 對黨改革的一些提議

Dear 博士，你既是今次會議的召集人，也是我們的首領。請你set番個agenda。等我地知道你想講mud！jimmy

----------------------------------

依家睇番轉頭，占美呢枝九成係針既人，咁推崇的首領，我當然要打個折扣。

一 個人既野，同邊d人群得埋，係諍友定係豬朋狗友，好反映一個人其實係乜料。我懷疑占美係針之後，摷番占美d電郵，又有一重大發現，反映博士的為人。

首先， 要知道博士份人係同我一樣，佢好仰慕司徒華，真係識英雄，重英雄。他曾打算交一封內部信件俾民主黨中委會及會員專責小組，首先在改革派內傳閱，其中提到﹕

寄件者: Prof. KM Chan
日期: 2006/3/27 下午15:57
收件者:改革派電郵組
主旨: Re: 回覆： Re: 小弟星期四會議的回應

......我 一直仰慕司徒華、 李柱銘和其他七十年代的學運精英和八十年代的社會運動家。92年回港任教中大後，留在香港，本人便希望能夠成為他們的追隨者，為建設香港 民主政制而努力，甚至希望能為中國發展民主而奮鬥。1994年，我從「九十年代」雜誌的廣告填了申請，便參加了民主黨成為創黨會員。......

-----------------------

咁話說今年一月，某一次民主黨著名的內訌(分分鐘都係公公同中方心戰室搞的鬼，不過那是後話)之後，民主黨開左個又係擺平，又係檢討的大會。占美之後有以下感言﹕

占美話司徒華係舊屎 博士由得佢

寄件者: Jimmy Wong
日期: 2006/1/8 下午23:21
收件者:改革派電郵組
主旨: Re: 民主之路，何去何從

各位：
公道一些，gary沒在屈高佬，但華叔就有！
但Gary己上應上的一課，玩政冶幾時都係好似楊森陰陰濕濕錦好，幾時都係好似何俊仁超晒然好。我地應好好珍惜這一課，冇今次的演習，下次打真軍才有更好準備。但可以肯定Gary越係比人屈，傳媒就越支持佢，越睇唔起高佬，唔信可以聽返上星期五的左右大局。
講到華叔，我最Q"興"就係話點解要學臺灣，今后民主黨咪應該cancel晒d臺灣觀選團？華叔is nothing but a piece of shit! 有朝一日我一定比返d顏色佢！
jimmy

[註﹕gary = 范國威，高佬 = 李永達]
-----------------------

拿， 博士係我的大英雄，華叔都係我的大英雄，理由一樣，皆因佢地都嫉惡如仇，好唔妥獨裁、專制、殺學生的阿爺。我心水咁清，至今都睇唔出華叔妥協或者出賣民 主。少少唔同意見，使唔使話人係舊屎？家 下占美話華叔係舊屎，博士咁仰慕華叔，如果真係嫉惡如仇，點解唔好似在全黨面前訓果d主流派妥協派咁，訓番佢一頓？你究竟係占 美既諍友定係豬朋狗友？點解你唔發揮改革派首領的道德角色，至少在改革派內，公開叫佢要尊重老人家？等我地d細既繼續團結在反專制、反獨裁、反阿爺的凜然 大義之下。點解反而由得佢？唔通占美封你做首領，你就由得我地d細既學足呢兩枝針，左一句司徒老狗，右一句piece of shit，咁仲剩番d乜野做我地團結的精神支柱、凜然大義？

博士曾令我敬重的凜然氣概之一，係佢對中方搞搞震的中間人的態度，界線劃得一清二楚，佢既深刻分析，更令我佩服。在一次人人都收到的電郵討論中，佢告誡全黨，須加強警覺，不要做中間人的中間人﹕

寄件者: Prof. KM Chan
日期: 2005/11/14 下午 3:36
收件者:約100個民主黨黨員
主旨: 勿再做中間人

各 位：立叔說得更白，與其說溝通或思想教育，說清楚些實是統戰的一類。立叔不要狠被統戰，被「統」的感覺好差！統多兩統隨時被統出「血」，大家須加強警覺。 首先，他們找您認識的人來統您，後來他又會叫您找些人來被統，您又變成中間人了。只要我們不做中間人，他們的統戰面又不會擴展到很快。我是決意不做中間人 的，大家亦請勿再做中間人了。說回頭，在七一遊行後，來溝通的人都是帶著某省市社會科學院研究人員的面紗。有別於飲食社交派和思想工作派，雖然又問野又映 DV，但無食飯又無講古，屬另類。這類「社科研究派」在04年末己消失了。我估計是胡溫上場後，上面單位分工改了的緣故，級數是上升的了，由有面紗的改成 公安、XX統戰部和港澳辦。老共的軍政机構系統很嚴密，分工細緻，而且受過專業訓練；不要說同佢講耶蘇，變成他們的旗子可能也不自覺。總而言之，小心駛得 萬年船，勿再做中間人了，勿自墮深淵。記得如受統，請向正、副主席報告。或許我們党內應成立「反情治單位」。夫子教的進退有度，互借東風，實不容易做呢！ 走筆至此，又要改卷，下次再談。竟明。

[註﹕立叔 = 黎志立]
-----------------------

但係你地兩位都好清楚，三個月之後，博士就好積極地做中間人的中間人，不理中委，自行溝通，搵到廣東省公安廳曾文勝科長，來統戰我地，搞廣州之行。呢次由有面紗的改成公安，打正軍政机構系統支旗，點解都唔驚我地被統多兩統隨時被統出「血」，變成他們的棋子可能也不自覺？點解又唔驚自墜深淵？廣州之行，因占美3月9日故意粗疏的種票事件警愓了主流派，才作罷，因而成為改革派的秘密，到呢一刻至曝光﹕

寄件者: Prof. KM Chan
日期: 2006/3/15 上午 09:27
收件者:改革派電郵組
主旨: Re: 請留意高達在今天報紙的言論(apple)

小心行事，免被標簽。本來曾文勝可安排廣州行程，讓黨校或青委組隊參加。如今形勢，我亦不敢再提出了，免招人口實。KM.

-----------------------

令我最傷心既係，公公曾透露，我個大英雄，原來唔單止一直維持中方聯繫，佢仲好恨有更高級的中方一品大官員聯絡佢，呢樣野佢又默認到今日，睇黎呢個至係佢既真心，我的大英雄的形象，完全幻滅﹕

寄件者: Raymond Luk
日期: 2006/2/16 下午16:14
收件者: 改革派電郵組
主旨:主流派對我們的掌握和部署

「收風人」話高達尊派博士接觸NDI，是個圈套，之所以去年博士多番想睇有冇京官同佢溝通，但都只維持在省級的層次， 就是與此事有關。「收風人」解釋，佢地雖然相信我們沒有接受美國佬資助，但以原則性掛帥的共產黨，知係一回事，你有乜實際行動又是另一回事，所以謂「聽其 言，觀其行」，要知到美國佬在港的活動都觸動到北大人的大腦神經，因此高達與北大人接觸，會巧妙地將與美國佬接觸的責任推到博士身上，令到即使博士有心競 逐主席，北大人到時就會「條件反射」地反對，以唔同勾結外國勢力的博士合作，或更甚有打擊或騷擾行動，從而影響博士的勝算，高達便可坐穩保持與國內溝通的 優勢。
公公

[註﹕NDI = 美國的國家民主學會]
-----------------------

原來反對主流派同阿爺溝通妥協係假既，告誡大家唔好俾人統戰都係假既，通通只係為左跣人地唔好起跑，等剩得佢去跑就佔先機。佢爭住巴結最高級的京官至係真，唯恐唔夠人地畀阿爺睇得起至係真，驚住北大人唔祝福佢做民主黨主席至係真。咁樣，一表人才，熱愛民主，佢好唔妥阿爺，嫉惡如仇，大義凜然的人格，咪都係假既？咁佢批評陰濕的張文為124大遊行降溫，又係咪都係假既？佢嬲到杯葛中委會，人地辯解話冇降溫冇妥協，佢一句都唔肯聽，係真嬲呢，定係假嬲，以便唔使面對中委，唔使解釋咁假的消息都做到咁大，係咪乘機演習內訌？[註﹕演習後才打真軍，是占美的戰略概念。見以上2006/1/8 電郵。]

咁多假野，係咪同公公不斷放煙幕，不斷要用另一個謊言掩蓋 即將爆煲的謊言好相似？咁佢係咪都係針呢？我自己都唔係好信。

於是，我寫信去試探佢(同占美)，對中方派入來改革派搞破壞的特工阿公公，係護住佢，定大義滅親？答案，我在本網誌第15篇已講得好清楚。

或者，你兩個會反駁我，話公公同博士交情深厚，近乎係博士的得力助手，博士當然信任公公，唔會信你呢個匿名人。咁或者有可能，我地改革派的部署，好多時都係公公獻計收風，再由博士楂大旗做決定，佢兩個真係合作無間。淨係講呢次十人名單件事，由向中委會發表聲明，到開記招，都係公公獻計或者提腹稿，再由博士拍板帶頭去做。咁佢係咪都係針呢？

--------------

公公獻計，博士拍板

寄件者: Prof. KM Chan
日期: 2006/3/22 下午12:27
收件者:改革派電郵組
主旨: 華叔收韁

各 位：要求中委會：（一）公開為「十君子」平反；（二）准34人入黨，並追究在核證過程中的失誤，以及追究誤導中常委的責任；（三）公開譴責明報及蘋果在未 經民主黨「官方」證實資料的情況下公佈「黑名單」，對當時人及其家人造成困擾；（四）徹查發放「黑名單」事件，並追究責任。以上公公要求也是我們的要求， 與X兄的分析並無矛盾。占美和支部都發信，可否用十君子名義發要求，若不，可以個別名義要求可也。我當然要簽！其他人如何？
KM.

--------------------

公公撰新聞稿，博士帶頭見記者

寄件者: Prof. KM Chan
日期: 2006/3/24 上午08:42
收件者:改革派電郵組
主旨:星期六早上記招！

各位：明早11:00記招，誰來？公公能否寫新聞稿及訂房,R君?通知，地點在太子。KM

.-------------------------

寄件者: Raymond Luk
日期: 2006/3/24 下午12:17
收件者:改革派電郵組
主旨:星期六早上記招！

幾 位朋友： 明日早上開記招是會早了一點，不過既然大家決定，我一定盡力而為。新聞稿我草個大綱，請大家按需要增刪。 除了新聞稿外，大家還要準備line-to-take，預備記者會問一些最尖銳的問題和應對方法，以下是我提出部份可行的應對，供各位考慮………… 各位還想到甚麼辛辣的提問，請隨時電郵給我幫大家想想！公公

-------------------------

博士對公公言聽計從

寄件者: Raymond Luk
日期: 2006/3/21 下午17:42
收件者:改革派電郵組
主旨:子健照完肺，廷公公升官

線人話今次由廷公公擔任「五人小組」的秘書，是一場「升級考試」，如過到關，高達就會一力推薦他擔任總幹事。只因廷公公為人縮骨，恒利集團全體均認為此人得而誅之，今次「34人事件」就是廷公公「操刀」致電該等申請人，然後向高達打該份「小報告」，力指毛主席有問題！
公公

[註：廷公公＝李永達助手]
------------------------------

寄件者: Prof. KM Chan
日期: 2006/3/21 下午17:58
收件者:改革派電郵組
主旨:子健照完肺，廷公公升官

要郁佢！KM

[註：佢=廷公公]
---------------------------

我 地圍內人當然知道，博士同公公交情有幾深，梗係點止呢幾個電郵咁簡單，我不過舉個例比黨友睇。但我始終認為，如果畀人出賣，交情好極都係咁話，我唔係要博 士即刻信我，而係佢應該想辦法去查下先，如果係真的要替我地出返啖氣，唔通改革派兄姊妹同博士的交情又淺咩？改革派每次有難，博士都帶領我地出頭，十人名 單一出，博士係局內人，帶領我地討回公道更係唔留手，博士甚至因為34人入黨名單諗過辭去副主席個位添。雖然係講下，但都睇到博士曾經為討回公道想去到好盡，但點解當矛頭指向公公時，忽然變得一聲唔響？呢點，我都係唔明，你地兩位可以解到嗎？一係佢都係針。

-------------------------

博 士最想上位做黨主席，已經係公開秘密，但佢居然唔關心個黨係咪有內奸有中方特工，個黨變成爛攤或陷包散，佢爭到個主席來做有咩意思？佢仲第一時間拒絕畀黨員知道個黨有針患，第一時間叫定中委會唔好處理我的重大發現，佢真係有為個黨好？抑話佢都係針呢？

真兄弟致函中委會 博士即時回覆不受理
寄件者: Prof. KM Chan
收件者: brother real + 全體中委
日期: 2006/5/8 上午 6:54
主旨: Re: 重大發現致全黨，請中委在黨內通傳

Real Brother: 不具名投訴不能處理，請諒！KM
------------------------------

點解我話佢知有人要搞散個黨，搞散改革派，佢唔理，唔止咁，佢仲係我畀電郵咁多個人當中，最想套我出來的人，一次又一次。拔針救黨冇興趣，揪果個叫拔針救黨的人出來，封佢口，就好有興趣，呢種態度同佢以前時時帶領我地出頭討公道，好唔同。咁佢係咪都係針呢？

之後，佢發覺遮唔住我把口，就叫我現實ｄ，先顧住who is our next chairman(見本網誌第2篇)。我真係好失望，佢唔信我匿名舉報，我唔怪佢，但我提出咁重要既事，佢唔信我都應該識得自己查下，但佢第一時間即刻拒絕，仲一反常態好激咁用粗口鬧我，比公公的粗口電郵仲要快，你兩位覺得，我係咪觸踫到佢邊條神經？係咪命中枝針果條神經呢？　

-------------------------

呢個電郵你兩位同時都收到，你話斯文優雅的博士係咪惡得好反常?!

寄件者: Prof. KM Chan
收件者: brother real + 改革派電郵組
日期: 2006/5/5 下午 6:17
主旨: Re: 重大發現

Dear Real Brother: Don't know why you don't use your real name if you are a real brother. I guess you are the one who released the name list! fuck off! KM.

[註：這封電郵在第一篇Blog貼過，但當時想保護博士，所以曾將"fuck off"改為"go to hell"]
----------------------------

我依家已經唔能夠排除任何可能性。博士恨做黨主席，反而對選立法會又好似無咩興趣，話就話等有普選，但普選幾時至等得到喎。如果佢同公公同一伙，我真係好擔心，因為我懷疑：

（１） 博士無地區工作同政積，講參選立法會Gary機會仲會大d，要改革派為佢賣命，選立委呢條路唔可行，要進入權力唯一係專心爭黨主席，然後黨政分家，咁就可以飛起立委操控民主黨內政。博士唔係不嬲話我地有能力另立班子咩？

（２） 又或者博士一開始就只垂涎黨主席一職，一旦奪權，咁就真係金針一枝，從黨的權力高層，去逐步令民主黨內部變質，再重用公公繼續收風搞鬼，民主黨遲早散，呢個會唔會係中方的終極目標呢？

到底博士係純粹想爭做黨主席，與公公互借東風，抑或佢自己同公公有合謀毒害改革派同民主黨？我真係唔敢諗落去。

我曾經好尊重同信任博士，所以好唔想件事係真0既。我前日貼出的電郵中，有一個提到占美高喊戰鬥，種夠80票，年底就贏硬，好彩博士都話：

龍頭大哥都睇得出，種票已打草驚蛇

寄件者: Prof. KM Chan
日期: 2006/3/27 上午09:54
收件者:改革派電郵組
主旨: [Fwd: 326news]

Jimmy: 呢招已好難再用了。KM.

--------------------------

照道理，如果博士係中方的針，佢應該和應公公同占美，再用種票牽起新一輪內鬥，同時炸死兩派，使全黨陷包散。但佢無咁做。博士的目的，或者真係唔想內鬥，而係想改革派成功上位。但 係又或者，會唔會佢係中方另一個特務機關的人，所以與公公同占美的策略不同？我真係唔知。

會唔會係我對心儀的大英雄，祈望越大，失望越大，因愛成恨，因此將無心之失，睇成有意之舉？咁究竟佢係咪都係針呢？我真係唔知。兩位可唔可以幫手分析下？

今 日係端午節，楚國忠臣屈原曾經多次上書楚王，可惜楚王聽信小人，佢慘遭流放，感懷國事不振，報國無門，故以死相諫，含恨而終。我雖然冇咁偉大，但又真係感 受到屈原有冤無路訴0既苦痛，尤其是博士本來係我地既好首領，點解搞成咁？一齊打併的兄弟姊妹，居然無人聽我信我，反而力撐出賣改革派0既小人，d傳媒就 乜 都報，硬係唔報我的重大發現，要我眼白白睇住班小人害死改革派同民主黨，試問我點會甘心？真係好似屈原話齋﹕

思美人兮，攬涕而儜眙。
媒絕路阻兮，言不可結而詒。

[心情語譯﹕
大英雄去左邊呀？我喊到傻左。
d傳媒阻絕揭露枝針的真相，我真係唔知點講至好。]

呢個端午節我過得好唔開心。

真兄弟上