第19篇 不報真相報假話 只揪歌者不聽歌
各位黨友:
唔經唔覺,個blog原來已經寫左差唔多一個月,有成十幾廿篇。肯仔細睇既黨友和社會人士,都知道我的重大發現是什麼﹕
係,佢地都幾大反應,但全部都迴避我的重大發現,剩係想摷我出黎,報紙就一味翻炒內訌的老套主題。點解咁奇0既?係咪值得深思?
所以,我呢兩日要同大家集中討論真與假的問題、乜野重要乜野唔重要的問題、同埋匿名可信不可信的問題。
真與假的問題
我一直都警愓自己,要人信你,一定要小心唔好亂砌人,所以我畀左好多心機去搵証據,逐點逐點分析,點知一片苦心,咁重大發現,佢地都當我係假既,跟住就當我冇到。
拿,我有四個理由,證明以上重大發現係真既。請佢地唔好再用真假問題來推搪。
1. 雖然我被迫隱藏身分,但我一直好謹慎,將事實同自己的分析,分得好清楚, 大家如果耐心睇過我咁多篇blog,都知我絕對唔會混水摸魚。我思前想後,如要大家認同我的重大發現,一定要畀証據大家睇,始終口講無憑,所以我至冒住比 人鬧我無人格的危險,貼d電郵出來,但我衡量過得失,為左救派救黨救民主,我最後選擇咁做,即使千夫所指亦無後悔。但就算黨友唔同意我的分析或睇法,我都 唔介意,但卻唔可以否定,我的証據全部都係真的。
2. 事實上,明報頭一日報道真兄弟件事時,都講左有公開的改革派人士証實d電郵內容係真既。我提出的証據,全部來自改革派真實的電郵。我無捏造任何電郵內容,最多係隱去一d人的真實姓名。其實,我引用的電郵,已經足夠証明我的重大發現。
--------------------------------
3. 有改革派兄弟已報警,話有「黑客」偷取佢地私人電郵(我當然無偷取電郵,我都講過無數次,自己根本係改革派一員,d電郵屬於我自己的信箱,但 呢個唔係我要講的重點)。我都多謝佢地報警,至少可以証實到佢地承認d電郵係真的,否則應該係告我捏造電郵誹謗佢地,而唔係告我偷取電郵。所以佢地告我係「黑客」偷取電郵,等於已經承認我引用的電郵係真實的。
4. 其實,如果我的電郵証據係假既,公公、占美同博士已經一早彈出黎澄清。佢地有差唔多成個月時間,去捉我有無生安白造d電郵,或去指控我發放假電郵誣衊佢地,佢地一向好自由講野,但佢地從來無否認過d電郵係流料,咁,唔使講出口,已經默認左電郵係真的。
睇黎阿爺同公公等畀我揭露左佢咁多陰謀,好唔甘心,總係想話我d電郵係假野,於是寫左個水平好低既comment入黎前日個blog:
-------------------------
在第18篇的comment中,
「冷眼」水平低,在於想用我講好個衰人,來質疑我會講衰d好人。冷眼先生,咁都分唔出,你呃到邊個丫。
都好,等我乘機澄清一下。除了P, Q, R, S, T, U, V, W, X諸君的代號,我只修改過電郵兩次,而兩次都係為了保護無辜。
第一次是 上述 fuck off 改為 go to hell. 我當時都未係咁清楚博士乜料,剩係清楚公公係針,所以當正改革派個個都好似我咁,畀公公跣而已,於是仍覺得博士係無辜,何況佢曾經係我的大英雄。為尊者 諱, 為賢者諱,為無辜諱,係我國優良傳統。後來再回憶,再苦思,將d電郵睇完又睇,至知越來越大鑊,連大英雄都可能有問題...
第二次是第15篇 呢封電郵(我請R君和T君發起聯署趕公公出黨)呢一段﹕
我d料珍珠都冇咁真,講到呢度。以下講報紙堅料唔放放流料的問題。
其實,真假問題,更應該交返畀明報同蘋果去答。因為,呢兩份號稱香港大報,居然帶頭引導讀者錯誤詮譯我的証據。我的証據係要公眾睇到,公公點樣妖言惑眾,但從5月16號開始,即第一日有報導真兄弟既新聞,當日仲只得明報同蘋果報添,佢地已經唔解釋我提出的証據其實係公公的讒言,我目的係要拔針,反而把妖言當事實一樣去報導,然後大字標題貶低改革派同民主黨內訌,有d報紙內容同標題仲衰過文匯大公d阿爺報,誤導哂讀者。
-------------------------------------
----------------------------------
-----------------------------------
明報同蘋果登完既第二日開始,各報章都爭相報導真兄弟,但淨睇標題都已經谷鬼氣,全部離唔開內訌內鬥,都係假新聞….
.電郵揭民主黨各懷鬼胎(《太陽報》 2006-05-17)
.民主黨傳內訌倒李(《新報》,2006-05-18)
.白鴿黨內鬥續集 玩賊喊捉賊(《太陽報》,2006-05-18)
.真兄弟揭民主黨勾心鬥角(《東方日報》 2006-05-17)
.民主黨內訌加劇(《頭條日報》,2006-05-17)
星島仲成大版報導,你睇,只寫公公讒言的內容,但隻字唔提呢d係讒言,話係報導本網誌內容,但只係落力做足本網誌最大歹角公公的傳聲筒、擴音器,真係好過份、好賤格:
----------------------------------
不過,當我提出越來越多証據,越來越有力咁揭露中方的針時,報紙又集體收聲,提都唔提下,好似係夾定要報流料,夾定壓住堅料唔畀出街一樣。除左文匯...
最惡劣係阿爺直系的文匯報,大約第13篇重大發現之後,其他報紙點衰都只係當重大發現冇到,佢呢幾日就好突出,當我好有到,猛炒我第18篇,將我半信半疑博士係針,夾硬鑲入中方心戰室決意誤導市民的主題,又想第n次「證實」民主黨內鬥,猛撩改革派兄弟姊妹要團結在兩枝半針的領導之下,要我地再一輪去片d主流派, 咁做法同公公、占美的歷次戰叫完全一樣。大佬呀,你係報紙黎架,使唔使咁出面界入民主黨內政呀?你阿爺見我地兄弟姊妹靜雞雞唔聲唔聲,好驚我地沉思過後, 的起心肝撇d針大和解係咪呢?d針再指唔郁我地,要你d皇氣沖沖喜係咪呢?文匯另一篇文,就首先講到真兄弟幾咁陰險惡毒、十惡不赦,然後從心戰室最想整死 的名單上,抄頭兩個名,話佢地就係真兄弟喇,然後是但拉幾個阿茂落水(咁至似唔係搞針對丫馬,同公公屈我地十人滲透民主黨同樣手法),就算揭露左「真兄弟 集團」了。
「不報真相報假話」,就寫到呢度。
今晚寫通頂,第19篇完,星期一才講「只揪歌者不聽歌」及其他了。
公益廣告﹕你睇得我個blog,想唔想知我是誰?六四晚去維園,我就會現身架喇。到時同我握握手,一齊悼念民主先列、死難同胞。
真兄弟
唔經唔覺,個blog原來已經寫左差唔多一個月,有成十幾廿篇。肯仔細睇既黨友和社會人士,都知道我的重大發現是什麼﹕
重大發現
民主黨同改革派所謂內鬥,令市民失望,係阿爺在黨內派內安插左兩三個特務,所搞出來的鬼。民主黨同改革派唔係衰人,係受害者。d特務同阿爺至係衰人,大家唔好中計。但到今日,我呢個重大發現,仍然得唔到改革派、民主黨既回應,仍然得唔到報紙的報導。
係,佢地都幾大反應,但全部都迴避我的重大發現,剩係想摷我出黎,報紙就一味翻炒內訌的老套主題。點解咁奇0既?係咪值得深思?
所以,我呢兩日要同大家集中討論真與假的問題、乜野重要乜野唔重要的問題、同埋匿名可信不可信的問題。
真與假的問題
我一直都警愓自己,要人信你,一定要小心唔好亂砌人,所以我畀左好多心機去搵証據,逐點逐點分析,點知一片苦心,咁重大發現,佢地都當我係假既,跟住就當我冇到。
拿,我有四個理由,證明以上重大發現係真既。請佢地唔好再用真假問題來推搪。
1. 雖然我被迫隱藏身分,但我一直好謹慎,將事實同自己的分析,分得好清楚, 大家如果耐心睇過我咁多篇blog,都知我絕對唔會混水摸魚。我思前想後,如要大家認同我的重大發現,一定要畀証據大家睇,始終口講無憑,所以我至冒住比 人鬧我無人格的危險,貼d電郵出來,但我衡量過得失,為左救派救黨救民主,我最後選擇咁做,即使千夫所指亦無後悔。但就算黨友唔同意我的分析或睇法,我都 唔介意,但卻唔可以否定,我的証據全部都係真的。
2. 事實上,明報頭一日報道真兄弟件事時,都講左有公開的改革派人士証實d電郵內容係真既。我提出的証據,全部來自改革派真實的電郵。我無捏造任何電郵內容,最多係隱去一d人的真實姓名。其實,我引用的電郵,已經足夠証明我的重大發現。
--------------------------------
報章:《明報》-------------------------------
日期:2006-05-16
標題:「真兄弟」網誌揭民主黨內鬥 一度想告《明報》揪出泄滲透名單「黑手」
「真 兄弟」在網誌上,轉貼了「改革派」代表人物,包括副主席陳竟 明、中常委范國威、新界東支部常委李偉文等17人「改革派電郵組」成員,在爆出「滲透事件」後,打從3月中旬至5月初至少54封內部電子郵件內的內容,主 要披露了改革派對滲透事件的分析,更揭露了他們計劃「倒李(永達)」、控告傳媒等多宗敏感事件。
本報曾向該「電郵組」的成員求證,他們證實54封全屬17人之間私下互相傳遞的電郵。
3. 有改革派兄弟已報警,話有「黑客」偷取佢地私人電郵(我當然無偷取電郵,我都講過無數次,自己根本係改革派一員,d電郵屬於我自己的信箱,但 呢個唔係我要講的重點)。我都多謝佢地報警,至少可以証實到佢地承認d電郵係真的,否則應該係告我捏造電郵誹謗佢地,而唔係告我偷取電郵。所以佢地告我係「黑客」偷取電郵,等於已經承認我引用的電郵係真實的。
4. 其實,如果我的電郵証據係假既,公公、占美同博士已經一早彈出黎澄清。佢地有差唔多成個月時間,去捉我有無生安白造d電郵,或去指控我發放假電郵誣衊佢地,佢地一向好自由講野,但佢地從來無否認過d電郵係流料,咁,唔使講出口,已經默認左電郵係真的。
睇黎阿爺同公公等畀我揭露左佢咁多陰謀,好唔甘心,總係想話我d電郵係假野,於是寫左個水平好低既comment入黎前日個blog:
-------------------------
在第18篇的comment中,
冷眼 提到...-------------------------
這篇的證據很薄弱, 而且,你自己承認改過人地email的內容, (博士原來說fuck off, 但你話「為左保護佢(佢要你保護?)」所以改成go to hell), 咁我點知你列出的電郵中, 有沒有改過其他人的內容, 以致令我地相信佢地係衰人? 例如公公其實唔係針, 你先係針? 而家淨係得你講, 無人講喎, 你係咪都應該交代一下呢?
「冷眼」水平低,在於想用我講好個衰人,來質疑我會講衰d好人。冷眼先生,咁都分唔出,你呃到邊個丫。
都好,等我乘機澄清一下。除了P, Q, R, S, T, U, V, W, X諸君的代號,我只修改過電郵兩次,而兩次都係為了保護無辜。
第一次是 上述 fuck off 改為 go to hell. 我當時都未係咁清楚博士乜料,剩係清楚公公係針,所以當正改革派個個都好似我咁,畀公公跣而已,於是仍覺得博士係無辜,何況佢曾經係我的大英雄。為尊者 諱, 為賢者諱,為無辜諱,係我國優良傳統。後來再回憶,再苦思,將d電郵睇完又睇,至知越來越大鑊,連大英雄都可能有問題...
第二次是第15篇 呢封電郵(我請R君和T君發起聯署趕公公出黨)呢一段﹕
寄件者: brother real呢度紅色既「私人野」三個字,原本係另外六個字。道理不說自明了,我原先冇諗過要公開呢封信假馬。
收件者: 改革派R君和T君
日期: 2006/5/23 下午 5:28
主旨: 請你行動,救番改革派同個黨
...最後,不要擔心出來作證要爆咩料了,有關的我都爆左五成,你爆埋出來(不過請學我盡力護住好似我地幾個無辜受騙者,同隱瞞d私人野),都所差無幾,也不算出賣誰(除了三枝活該的針),反而成為大和解的英雄,改革派和主流派都多謝我地。...
我d料珍珠都冇咁真,講到呢度。以下講報紙堅料唔放放流料的問題。
其實,真假問題,更應該交返畀明報同蘋果去答。因為,呢兩份號稱香港大報,居然帶頭引導讀者錯誤詮譯我的証據。我的証據係要公眾睇到,公公點樣妖言惑眾,但從5月16號開始,即第一日有報導真兄弟既新聞,當日仲只得明報同蘋果報添,佢地已經唔解釋我提出的証據其實係公公的讒言,我目的係要拔針,反而把妖言當事實一樣去報導,然後大字標題貶低改革派同民主黨內訌,有d報紙內容同標題仲衰過文匯大公d阿爺報,誤導哂讀者。
-------------------------------------
報章:《明報》試問,除左公公講,你明報有乜證據?
日期:2006-05-16
標題:「真兄弟」網誌揭民主黨內鬥 一度想告《明報》揪出泄滲透名單「黑手」
….前主席楊森及單仲偕在特別中委會上「倒戈」批評李永達,是因為有人窺伺主席寶座,「借改革派打擊李永達」。
----------------------------------
報章:《蘋果日報》喂,有咩證據,話「民主黨內又掀起新的鬥爭」?係你地好想民主黨內又掀起新的鬥爭之馬,下馬?民主黨改革派同主流派今次明明充分攜手合作(這是大和解的第一步都唔定添0番),一致約定,個個冇反應,好既係個個在沉思,衰既係漠不關心。得我一枝弓係度晚晚寫之馬,你邊隻眼睇到我地互相攻伐呀?(一路仲有種說法,好似上述「冷眼」所講,話我係中方的針,想挑起、掀起新的黨內鬥爭,「我」挑極都未起既野,你唔係搶先報導,而係出假新聞,好大罪架知唔知?)
日期:2006-05-16
標題:匿名者提供網誌超連結圖引起內訌 民主黨內部電郵洩露
蘋果日報 2006-05-16
黨員被收買滲透事件尚未平息,民主黨內又掀起新的鬥爭。上周一起,民主黨黨員陸續收到一封挑撥黨內主流派及少壯派的匿名電郵,電郵只有一個網誌的超連結,而該網誌則刊登了懷疑是少壯派在收買滲透事件期間,成員之間的電郵通訊。
-----------------------------------
明報同蘋果登完既第二日開始,各報章都爭相報導真兄弟,但淨睇標題都已經谷鬼氣,全部離唔開內訌內鬥,都係假新聞….
.電郵揭民主黨各懷鬼胎(《太陽報》 2006-05-17)
.民主黨傳內訌倒李(《新報》,2006-05-18)
.白鴿黨內鬥續集 玩賊喊捉賊(《太陽報》,2006-05-18)
.真兄弟揭民主黨勾心鬥角(《東方日報》 2006-05-17)
.民主黨內訌加劇(《頭條日報》,2006-05-17)
星島仲成大版報導,你睇,只寫公公讒言的內容,但隻字唔提呢d係讒言,話係報導本網誌內容,但只係落力做足本網誌最大歹角公公的傳聲筒、擴音器,真係好過份、好賤格:
----------------------------------
報章:《星島日報》------------------------------
日期:2006-05-17
標題:五人組追查「真兄弟」民主黨內訌 網誌揭「倒李」
網誌內容簡介:認為被滲透及黑名單事件是李永達為個人利益,借滲透為題發揮,利用兩老鏟除異己。
網誌部分內容:「丁丁經已由黨內外人士 的不斷游說,清楚了解和掌握了件事的來龍去脈,至此已完全相信高達因為個人利益,借滲透為題發揮,利用兩老鏟除異己。」
網誌內容簡介:被視為與李永達同一陣,得黨鞭司徒華 「推上位」,但張李楊(張文光,李永達及楊森)集團的內鬥,背後被楊森插一刀(楊森同意新界34人入黨)。
網誌部分內容:「李永達、何俊仁唔會知,今次出賣佢0既,唔係少壯派,而係主流派……雖然我們昨晚好似有了避難所,但大家千祈唔好太早高興住,張李楊集團的內鬥,並不代表森哥與冼雞一定認同我。」
不過,當我提出越來越多証據,越來越有力咁揭露中方的針時,報紙又集體收聲,提都唔提下,好似係夾定要報流料,夾定壓住堅料唔畀出街一樣。除左文匯...
最惡劣係阿爺直系的文匯報,大約第13篇重大發現之後,其他報紙點衰都只係當重大發現冇到,佢呢幾日就好突出,當我好有到,猛炒我第18篇,將我半信半疑博士係針,夾硬鑲入中方心戰室決意誤導市民的主題,又想第n次「證實」民主黨內鬥,猛撩改革派兄弟姊妹要團結在兩枝半針的領導之下,要我地再一輪去片d主流派, 咁做法同公公、占美的歷次戰叫完全一樣。大佬呀,你係報紙黎架,使唔使咁出面界入民主黨內政呀?你阿爺見我地兄弟姊妹靜雞雞唔聲唔聲,好驚我地沉思過後, 的起心肝撇d針大和解係咪呢?d針再指唔郁我地,要你d皇氣沖沖喜係咪呢?文匯另一篇文,就首先講到真兄弟幾咁陰險惡毒、十惡不赦,然後從心戰室最想整死 的名單上,抄頭兩個名,話佢地就係真兄弟喇,然後是但拉幾個阿茂落水(咁至似唔係搞針對丫馬,同公公屈我地十人滲透民主黨同樣手法),就算揭露左「真兄弟 集團」了。
「不報真相報假話」,就寫到呢度。
今晚寫通頂,第19篇完,星期一才講「只揪歌者不聽歌」及其他了。
公益廣告﹕你睇得我個blog,想唔想知我是誰?六四晚去維園,我就會現身架喇。到時同我握握手,一齊悼念民主先列、死難同胞。
真兄弟
4 Comments:
謝謝真兄弟回應,我叫冷眼的原因是因為我和大家一樣都是旁觀者,你將電郵輯錄,固然令我們更易理出前因後果,但輯錄的過程可能出現「斷章取義」,如果你又修改過內容才出街,便更對被你點名的人不公平。老實說,到現在,或直到永遠,我們都可能無法證實一個人是不是真的共產黨間碟。我當然相信民主黨已被滲透。以前文匯報日夜點名批評, 現在卻沒有,因為不再需要用這工具,就讓這些間諜令我們自我毁滅更好。但是稍一不慎, 就會像化療一樣,連好的細胞也不能生存。我對你無惡意,也不會因為你說我低水平而不高興。皇帝的新衣的故事中,那個小朋友也是說了一句最簡單的說話。始終,我認為你為很多黨友解開了不少疑團。我實在為你的清醒感到驚訝和驕傲。外面的人怎樣看其實不太重要,重要的是大部份黨員有堅定的信念。滲透事件將會是民主運動中的漣漪,過後我們仍然堅持我們的信念,重新振作。你便是民主黨的大英雄。
冷眼先生﹕
你上次過份地敵意,今次又能過份地討好,轉得咁快,的確又幾高水平。
唔緊要啦,都係意見交鋒遮。交過鋒,雙方有長進,連讀者三方得益。好事。
睇黎你係黨友,大家努力啦。
真兄弟
真兄弟:
如有資料,請一針見血和一次性向傳媒披露。因為大家已覺厭煩和沉悶。你果然是民主黨員,處理任何事都喜歡失先機。
滲透一事大部份人士都相信,只是你難以找出確據;難道你找出共產黨員證?
貴黨會員名冊又給人公開,告知貴黨保安馬虎,「共針」滲透無處不在。現在已不是研究有否滲透,而是亡羊補牢,危機處理。
看老共歷史的發展,由國共內戰到今天,那有沒有「共針」的日子。民主黨現今勢弱,正好是「趁你病攞你命」的時機,也符合了「敵疲我打」的(毛)共軍兵法,就是來個完全纖滅,那管民主黨是大黨否?民主黨就是黑五類,是中共的敵我矛盾。
可是民主黨令人失望之處在於既有歷史觀,但亳無防範。大部份黨員只抱著「當一日和尚,敲一天鐘」的心態,從未有為未來規劃和思考。
海外民運人士 凌雲
回應真兄弟
你「隊」公公的證據確鑿,但博士堂堂一個學者,又是黨的副主席,當年也高票當選,如果沒有大量證據,你又曾改過他的電郵,而說他是共產黨的針,是沒有人相信的,只會影響你在這裡所說的事情的公信力。
還有,如果他是針,有沒有可能這麼容易令你覺得他是針呢? 老實說,說博士是針,我現在只能是將信將疑,我想不明白為什麼他要做針,我只有用「疑點歸於被告」的方向去看你的問題。
我沒有你的電郵,否則我一定再細心看博士寫過的東西。
另外,你多次提到博士去年底應中間人要求寫了篇文,他曾傳閱給你們,可以登出來讓大家研究一下嗎?
Post a Comment
<< Home