第35篇 請了解真正的改革派 改選時投我們一票

這幾天很忙。今次就短短地，回答一位讀者來信。

來信如下﹕

----------------

C.L.K. said...

班針近排仲有異動嗎？
我見真兄近來都只係忙於整理
無什麼新消息...

P.S.
電郵提及之事，可有進展？

Wednesday, October 11, 2006 11:22:17 PM

-------------

我的總回答是﹕請諒。上月初我已說過，就算有，我也不會說，除非是公開的消息或進展。因為...

(摘自第33篇)

特務第二個次要目的，是想套我真兄弟出來，可能施以黑社會家法，以竟效尤，尤其在改革派兄弟姊妹日漸覺醒，成日唔聽佢地枝笛的今天。

想用激將法套我出來？冇咁易。

如果唔係，點解處處沖著我而來？好叫唔叫，叫親兄弟，鬼至同你做兄弟。個blog個式樣和顏色又偏偏選成同我個一樣，仲又係叫做《重大乜乜》。中文名冇「發現」的意思，英文又學我叫乜乜discover。仲周圍凡佢地憎恨的人就唱人係真兄弟。

最羅命係，今次特務們四個小動作，知情人已收到好窄。佢以為激下激下，就會激到我好似以前咁，用內幕，用少數人才收到的電郵來證明佢地反民主事業的罪行，咁就可以推理找到我出來。我至冇咁笨，因此今後只會用公開的資料來分析。

所以，我已決定從「爆內幕消息」的角色，轉變為「評論公開消息」的角色。

關於我們改革派，倒是有公開消息可評論的﹕

蘋果日報 李八方 (2006-11-01)

民主黨少壯派靠YouTube上位

民 主黨少壯派早前向傳媒公開佢哋改革派建議，聽聞佢哋一早畀咗主流派，以示唔係想搞事，只係想搞好個黨。據知有黨員睇完佢哋份建議書，都話未嘗唔可以討論， 但係佢哋仲係覺得未能將少壯派建議普及，於是少壯派范國威又諗到條橋，利用家陣後生仔好流行嘅YouTube，將佢哋少壯派主張，配合一啲7.1遊行畫 面，剪輯成一套叫「民主黨改革派主張」嘅短片，放上網上面公諸同好，希望可以吸引更多青少年睇吓佢哋嘅諗法，......，大家又不妨上去睇睇，網址係：

http://youtube.com/watch?v=srlskT-wFVU。

請 大家入去看一看，尤其是字幕中打出的，我們的改革方案。這才是我們改革派真正的面貌和主張，溫溫文文、大方得體、包容進取，而不是兩個半特務一直撩我們推 我們行的恰恰相反的一條死路﹕暴戾仇恨、無事生非、充滿內鬥意識。大家對照清楚，兩枝半針在本blog所引述的電郵的陰險惡毒語氣和態度，同這套片我們的 真面目相比，是不是地同天比？

希望你們喜歡這套片，年底民主黨改選，記得投改革派一票。我們才是民主黨的希望......當然，兩枝半針除外。

而 這正是我們改革派最難過的地方，兩枝半針打進了改革派，仍在也文也武，尚未有好方法把他們拔掉。由於改革派苦於仍未公開同佢地決裂，剪輯這套片時，佢地兩 個半特務的X樣，於是不得不出現多次。讀者們，請分清楚，我們只是迫於無奈，才暫時當佢地係改革派的成員。黨友們，投票時，請勿因他們似乎是「改革派」， 就連我們真正的改革派都反對。特務是特務，改革派是改革派。不要中傳媒的毒，把我們混為一談。特務是害人蟲，改革派是受害者。雖然改選前未必拔到針，但選 我們也是救黨。

請投改革派一票！

-----------------------

再另一個公開消息，是二號半特務循大專界參選明年選特首的選舉委員會。讀者中，大專界的朋友，請叫多d你們的選民，入來睇我個blog，尤其是第18篇，認識清楚呢位仁兄，至去投票。

-----------------------

尚有另一位讀者的來信，是關於偷野的。我後晚評論。

-----------------------
第35篇完，11月3日星期五晚再會。