第27篇 第14篇的撮要 + 暫停啟示(每月月初復刊)

又同老讀者傾下偈------

各位﹕

這次只夠精神撮要一篇。料不到，剛撮到上次健康走下坡，健康又再走下坡。

這是除了公私兩忙，仍因為心情一直很差。我想救黨，畀d特務張冠李扣，畀黨友誤會我就係公公咁卑鄙。畀人屈成咁，不知何日得平反。我死寫爛寫想黨友回心轉意，又咁少人睇。

幾 個特務近日其實有異動，但係比起上幾次內訌主動狂攻的氣焰，弱雞左好多，佢地想亂放消息，報紙都有登下，但好似剩低擦鞋報認真騷佢地，公公以前一而再、 再而三或利用或誤導或有針暗中配合的明報同蘋果，今輪顯然謹慎左好多，我自我安慰歸功本blog都算有dd功效，都飲左兩杯。雖然係咁，呢次異動，我硬係 好唔扺改革派d兄弟姊妹仍未敢正面同佢地決裂，包括我自己為左掩護身份也無奈聽之任之。好難受。

我還是停一停，出外散散心，養精蓄銳，等兩枝半針幾時再爆大鑊，才再分析佢地來龍去脈。

之咁，就算無事發生，我也會保持月刊的頻率，每個月月初同你傾兩句。今後每月1號、3號、甚或5號，請記得入來望兩望喇。

再多謝不離不棄，續請介紹朋友看本blog.

真兄弟

-------------------------------------------

第14篇的撮要

第14篇 a.公公獻計霖匯點　b.公公的中方聯繫

(今次係3898字撮為823字。)
(綠色字是原文本來未包含的新資料同新分析。)

a.公公獻計霖匯點

民主黨是「匯點」和「港同盟」好多年前合併所組成的。

這 一篇貼出公公教改革派對付匯點系的電郵。這個特務對匯點的人，同對主流派一樣，都是毫無真心團結人地的意思，只有不擇手段，利用人地做「打手馬前卒」的意圖，一方面 講到人地好衰，「條友又古或，又長頭」，純為了內鬥，才假惺惺同人地合作。佢因為從來沒有真心投入過民主黨，只是替中共染指民主黨的內政 ，就講到人地都係﹕「匯點系班頭頭，仍然想指染民主黨的內 政。」

另一方面，公公又講到自己好神通廣大，搵到人直達匯點的頭頭，包括行政會議議員張炳良和城大的張楚勇，來支援我地改革派﹕「本公公 收到S君的電話，對於與匯點高層合流，佢...主動幫忙，...還可以找張良和張楚勇，到時我們...可以有更深厚功力的人士支援。」

而家睇番轉頭，就看得出，公公所謂霖匯點，多數是無中生有，用來欺騙改革派，等我地以為可以利用匯點系，在內鬥中得勝。

click這裏看有關匯點的電郵原文

b.公公的中方聯繫

此外，因為有改革派兄弟來信詢問公公的中方聯繫，我也在第14篇交待了一下。

其實，我多數都是在改革派開會、吃飯時聽到的，但身為匿名人，講出來就一定畀人話無中生有，所以，要從電郵中找證據。

但d 特務都知道，爭取民主的政黨內，呢家野唔光彩，收得好密。我好辛苦才從千幾封電郵中，找到公公提到同中共的統戰人員接觸的一些情況，其中也有涉2號特務占美 和2½號特務博士的。我就把電郵貼了出來，算是初步證明，公公不單掀起內鬥破壞民主黨，而且是聽命中共去咁做的。

我5月22日寫第14篇，這時，已連續天天 寫了兩星期，我的健康急劇走下坡，分析力下降，竟錯過了最關鍵的電郵裏面的玄機，於是只下了唔湯唔水的結論﹕「雖 然，在電郵唔係有好多料，不過，公公作為民主黨的資深黨員又係紀委，同中間人分析得個黨咁內部的事，而中間人又向他透露得咁多阿爺對政改的諗法，可見佢地 的關係非比尋常，已經唔係一兩次普通的聯繫，可以建立得到的互信。」

後來，我再金睛火眼睇真d，四天後才能補充分析，印證了我在改革派聽回來的事實，確立公公做中共特務的身份。但那已經是將來第16篇blog的事了。

click這裏看初步證明公公是中共特務的電郵原文

第14篇的撮要完，暫時休息十日，8月1日(星期二)晚上續。