重大發現

最重大的發現是﹕中共派了兩個半特務滲透民主黨。他們的任務是,製造內訌。即使沒有內訌,兩個半特務也會無中生有,並得到多張報紙的配合,營造民主黨月月內訌、天天內訌的印象,使市民誤會民主黨只知內鬥、不長進、不爭氣,因而不支持。民主黨內出現許多奇特的言論和行為,原因在此。

Friday, December 01, 2006

第38篇 好冇心機,但呻完都要拉下票

-------------------------------------------

第38篇的前言


本網誌出版時間﹕每月逢1號、3號、甚或5號晚上,或民主黨兩支半針再爆大鑊之後

新讀者導讀------
請先看以下部份,之後才回來看本篇﹕

-------------------------------------------
第38篇 好冇心機,但呻完都要拉下票




最近唔開心,因為事與願違。

民主黨好低分

其 一、港大民意調查,民主黨評分又係好低。係因為中共成功滲透民主黨同改革派,特務執行六度指令,無中生有多次「內鬥」,令市民誤以為民主黨唔長進所造成 的。但呢個真相,黨內黨外仍然好少人知,好少人講。拉登小組報告多少都講左兩個半特務點衰法(唔信就就自己睇下個報告點講﹕ http: //www.dphk.org/member_report.pdf ),呢兩枝半針就將佢地的罪行卸晒落成個改革派度,令多數人仲以為我地改革派真係好好 鬥。

君子路線被干擾,改革派好難招架

其 二、改革派的正當的君子路線,公平競爭上位的路線,仍不斷被兩個半特務干擾。人地何志偕明明聽晒我真兄弟話,「伸出友誼之手,同我 地改革派團結,一齊再奮鬥」(重大發現第37篇2006-11-17),最明顯係新東支部選舉讓步,今晚又好聲好氣同我地討論黨務改革,(之咁,又未必係 聽我話既,係巧合都唔定既,話晒都),兩個半特務仲係好似唔整到兩派死鬥爛鬥就唔安樂咁,仍然撩我地向黨內黨外不斷發出內鬥的訊號。

佢地 排山倒海﹕ 「力斥報告缺乏公信力,...抹黑黨內異見分子」(蘋果2006-11-19),「...進行人格暗殺...」(東方2006-11-19), 又話「主流派...全面封殺改革派」(新報2006-11-20),「再傳封殺改革派」(信報2006-12-01,即主流派一再釋出善意之後的今日), 仲賤格到向黨友發出「辱罵林子健及其家屬的電郵」(信報2006-12-01),然後暗示係廖能富做既[註],總之就係「mud-slinging」(南 華早報2006-11-29),令民主黨同改革派個個周身屎,佢地為左獎金向社會不停泡製民主黨內鬥的印象,我地改革派實在好難招架。

[註]自己做賤格野,然後插贓嫁禍別人,亦即係無事生非,搞到總之好亂,已經係特務第n次動用的手法,簡直係佢地既簽名﹕
  • 佢昆明報同蘋果登佢老作的十人滲透黑名單,然後插贓嫁禍高達,自相矛盾後就改口插贓嫁禍智叔、冼雞。
  • 我真兄弟開blog揭發佢地滲透民主黨搞內鬥,佢又昆明報同蘋果,插贓嫁禍,話果d卑鄙電郵內容係我講既。
  • 佢地偷左拉登報告,捅俾傳媒,然後插贓嫁禍廷公公,話佢泄密。
  • 佢地出個「親兄弟」的blog,漫罵拉登小組白色恐怖,又插贓嫁禍廷公公,話係佢寫既。
  • 今次炸家依話係林子健將佢地d電郵捅俾拉登小組令佢地好嬲,就發匿名電郵俾黨友,用最惡毒的(女人最棹忌的)謠言辱罵林子健的三個女性家屬,再趁廖能富同林子健競選九龍西支部主席,又插贓嫁禍暗示係廖能富做既。信報仲助紂為虐同佢地報導。天理何在!

香港傳媒淪陷了

其 三、我上一篇blog呼籲,傳媒在拉登小組報告公佈時,請如實報導﹕如無滲透,本無內鬥。但傳媒借左聾耳陳隻耳,半個月來,一味煲大兩個半特務的反駁, 「指報告偏頗及不盡不實,沒有證據顯示存在滲透問題」(商報),即照樣著重報導兩派內鬥,不及四分一篇幅報導拉登小組報告的內容,講有滲透就少之又少。真 係「證據確鑿就視而不見,空穴來風則大事宣揚」。香港傳媒,宣告淪陷。

拉登小組報告,唔湯唔水

其 四、拉登小組又係既,捉到鹿都唔脫角,份報告散修修,唔湯唔水, 唔鹹唔淡,到喉唔到肺,大量電郵明明證明滲透左兩個半特務入來,將民主黨的機密傳俾中共,佢地兩枝半針緊密合作,又唱又和,搞出一輪又一輪內鬥,份報告淨係識暗示可能 有滲透,俾足機會兩個半特務打橫來「強調根本沒有證據顯示民主黨被中方滲透」(蘋果2006-11-19)。

我係過來人,好明白,拉登小 組以為擺出事實,黨友同社會自然會下到應有的結論,無須畫公仔畫出腸。 但佢地點知香港傳媒,已經淪陷,d報紙摶黨內外多數人都唔會得閒睇晒份報告,於是專 門隱瞞係人睇晒都會下到的「如無滲透,本無內鬥」的正確結論,反而專門大事報導係人睇晒都唔會下到的「只有內鬥,無證據顯示滲透」的錯誤結論。特務們今次 冇轉個彎屈你地拉登小組寫電郵在主流派內互相攻訐,已算好彩了。我五月出個blog以為擺出事實,黨友同社會自然會下到應有的結論,無須畫公仔畫出腸,就 係咁中招了。

三月份公公昆明報同蘋果登佢老作的十人滲透黑名單,然後插贓嫁禍高達,自相矛盾後就改口插贓嫁禍智叔、冼雞,掀起民主黨有史 以來最嚴重的內鬥,拉登報告竟然(除左登d電郵)好少提,更沒有追究責任,真係枉我地改革派被誤導、打錯仗,一壳眼淚寃情仍未雪。令我地改革派好傷心。

最 吹漲係博士不滿足於只有省級官員同佢溝通,「好恨」有京官同佢來往,畀公公在電爆左出來,拉登小組就(聯同好多其他人否認公公話佢地主流派內互相攻訐同其 他衰野)話博士否認,暗示一下公公造謠,就當冇左件事。大佬呀,呢單野我就幫公公啦,佢邊度係造謠呀?其他人係畀公公在背後造謠,都話根本唔知,否認就當 冇左件事遮,家下博士係一早睇過封電郵,並參與討論的啊,明明係默認。如果佢係畀公公屈既,喂,叫人唔好被中共統戰的正人君子畀人屈你好渴望同中共親近 喎,如果唔係偽君子,點解唔同個造謠者一刀兩斷?點解仲同佢攬頭攬頸?點解事前事後仲同佢事事合作無間?點解從來都未在改革派中至少澄清一下?點解只係向 拉登小組否認,點解一句都未公開話過呢個大話精?

特務詞窮理屈,傳媒毫不追究

其五、香港傳媒,已經淪陷,怪事層出不窮。拉登小組在記者招待會公報報告之後,兩個半特 務又開記者招待會反駁。其中,「陸耀文則以仍未詳細看為理由,不直接回應報告對他的指控。」(蘋 果2006-11-19),就如此這般,放過了這個頭號大 特務,不了了之。現在過了兩星期,沒有一張報紙追訪陸耀文,問佢看過了報告,怎樣解釋一千零一樣路人皆見的特務行徑?而且,你陸耀文「未詳細看」拉登報 告,又點 知份報告「缺乏公信力,...抹黑黨內異見分子」,「...進行人格暗殺...」,仲坐o係個記者會度,「代表」改革派去鬧人?你究竟有乜資格坐o係 度鬧人?明明係個多月前偷左份報告睇得唔知幾清楚,畀記者問起口啞啞,至托詞話「未詳細看」就真。

傳媒擺明係偏幫特務。特務們鍾意講乜,就同佢地做傳聲筒。凡係佢地唔想講既,凡係佢地詞窮理屈的,就從不追究,因為一追究,就會俾香港市民知道民主黨同改革派都是中共特務的受害人,以後就好難不斷老作無中生有的「改革派主流派日日內鬥」的古仔。

唉, 我地改革派真係好冇心機。傳媒幫特務幫到出面,佢地呢半個月來日日話內鬥,同報紙講乜,不需任何證據,照登。任何指出佢地係特務,指出佢地破壞改革派同民 主黨既,就算證據確鑿,無論係暗示(拉登報告)還是明示(本blog),都一概封鎖消息。成個黨(至少表面)同成個社會都誤會兩個半特務真係代表我地改革 派,佢地做的陰質野,知既就入晒我地數,唔知既就以為冇滲透。

好冇天理,又冇計,真係好鬱結,好冇心機。好話唔好聽,連我真兄弟都心灰意泠。今個月就寫呢一篇算喇,3號晚唔出喇。下個月初至再見了......除非,特務們爆好大鑊啦。

拉票

民主黨月中改選了,我仍係果句﹕請支持所有改革派的候選人。請令到新東支部選舉的正確結果在全黨再出現。如你誤會我地係同特務們同流合污,我們落選,就正中了中共拖垮改革派的奸計。

另一方面,如果你誤會民主黨並無中共特務滲透,以為兩枝半針好似我地真正改革派咁有朝氣,咁有能力,而非破壞改革派同民主黨的奸細,因而投票俾佢地選到,咁民主黨就仲要衰多至少兩年。不要讓新東支部選舉的錯誤部份再出現啊。

黨友們,選票係秘密既,不論有人叫你選特務,抑或有人叫你不要選任何一個改革派成員,你都可以「好,好,好,冇問題」應住佢先,然後自己就心裏有數,作出對民主黨,對香港民主事業最佳的選擇。謝謝。

仲有,叫黨友睇我個blog。


-----------------------
第38篇完,2007年1月1日星期一晚再會。

1 Comments:

Blogger HK_Democracy_Supporter said...

Dear Real Brother,

I understand how you feel. I agree the report is not explicit enough in accusing how the spies were causing all sorts of trouble within the HK Democratic Party (HKDP). However, you also need to understand that Cheung Yin Tung's investigation unit doesn't have much strong evidence showing the spies are really being controlled by the Chinese government. All the evidence that the investigation unit has is basically the e-mails and words from the "witnesses". Therefore, I think the investigation unit wants to be safe not to accuse the spies explicitly.

Real Brother, as you also understand, there are 2 things that the members of the HKDP need to do in order to save the party:
1. Kick the spies out of the party
2. Unite all members.

The first task above is basically mission impossible at this point. If it is possible, I believe HKDP would have done that already.

However, the second task is possible, and I think you need to contribute. Real Brother, in order to unite the members, I honestly think you should stop using nicknames when calling other members of the party. Nicknames can be funny, but they are also disrespectful. Therefore, to show that the "reform" camp wants to be friends with the "main" camp and the "point" camp, calling people with their real name is a good start.

All HKDP members who are reading this blog, please reunite and call each other by the real name. You need to reunite the party in order to save it. Otherwise, the party will shrink as support slips. If the party is still divided, the losers at the end are you!

Real Brother, please don't get discouraged. If you give up now, you're surrendering to the spies, and all your efforts in the past 6 are wasted. Don't give up! The spies want you to give up. Don't fall into their trap! Keep going! Keep your blog open as I'm sure there are many others reading this blog and learning that the HKDP is being destroyed by the spies sent by the Chinese government.

Thanks,
HK Democracy Supporter

Sunday, December 03, 2006 11:04:00 AM  

Post a Comment

Links to this post:

Create a Link

<< Home